طالبه واتلقي اوامر من ابله الناظره والابلات ولا بعد وزير التربيه فيها !!!
مرات اتسائل ليش انا انخلقت مالي داعي يعني ويش فايدتي لا انا خدمت البلد ولا انا اخترعت الذره ولا رحت لافغانستان ولا في لجنه اغاثه الصومال ولا في تحرير الاقصي ولا البكاء علي الاندلس يعني قلبي مرعي .. بالعربي امشي زي الدابه الله يكرمني ويكرمكم ان سكت واستمعت لنداء الضمير فتره ركود وروحانيه الصمت لحظه صفاء مع الاله جاتني صرخه من اقصي الارض وطيرت قلبي .. ورجعت ارغي زي الصخال ابي امي ..
حتي امي ماتبيني بس انا ناشبه لها ولو اني ماكلمتها لي كم يوم الا اسبوع اطلب منها السيوله ظريبه انها امي ليش تخلفني وتنساني ؟؟؟ صح كذاا ولا غلطانه انا .. والا احنا مانبي ناتي للحياه من الاصل .. ولا بعد يختارون لنا الاسماء والمناطق والاماكن والاكل واللبس والاوامر وبالاخير يختارون لنا حياه نمضيها بورقه .. قد تغلف بشمع شفاف وقد تصفر باصفرار الاحساس ..
<<<< تفكر تمسح
مع اني مرتاحه نفسيا واليوم الصباح من اجمل ايام حياتي السينمائيه لاني اعيش فلم والا اقولكم مسلسل يومي اجزاءه مثل اجزاء باب الحاره يختلفون الابطال ولايتغير الموال .. طمرت عن السيناريو < باعود ثاني عاد فيني حكي وايد يترس صفائح ومعلقات شعراء الجاهليه الي احنا اجهل منهم ..
عدنا
مادري ليش اول ماترجع المدارس يكون الاباء ضحايا للمكاتب والجشع العربي
توي رجعت من المكتبه نشتري كتاب تعبير ؟؟؟ ومادري وين ملاييينهم والبترول راح سبعه ريال تخسرهم طباعته .. الموهم دفعه بلا عن شايبي
خقيت عند راعي المكتبه مصري قميل اوي بغيت احثلها واقوله انته عارف تشبه احمد عز الشربات بس قلت خاف يفهمني خطاء لاني بريئه والله بريئه
خذت باقي فلوسي قالي مش عاوزه سوا ؟؟؟ قلت ليش قال فكرتك تبغيها << بسعودي تخيلته مسلسل الشؤم السراب الي كله اغتصاب ومافي احد شريف
قلت لاوالله جيب العشره تحت العين كسره ولابعد سوا الي ماعندهم الا السرق غير زين مانبا << تسوي دعايات من عشان شهر عليهم <
صاح سوراج قال كلاص بولبيس يتروع من
شي اسمه دوريه مادري ليش الهنود فيهم عقده الظاهر في ديارهم كانو قوندا وكمينا ..
قلت زين ياجعلك الطير سالا مي اريو ..
واطلع وانا اتراجف لاطيح من العتبه لانها قزاز والسلم نايلون نايلون وانا لابسه كعب يتمزلق ويش اسوي ابا اطول غصب عن القدر
وعلي دربي اشتري زعتر وببسي وتري الي يشتري ببسي لازم يعطيني الطبايق اجمعها لحد يسالني ليش ابي كوره وشنطه
خرفت اخر عمري << فينك يابه تشوف بنتك تجمع المحارق
اقطع زرار الكيبورد ان كان هنا احد يوحي كلامي
جدي يوم خرف
ينادينا و يجمعنا تعالوا يبنات جايب لكم خواتم ويفصخها من اصابعه حلقات طبايق الببسي الله يرحمه ... وانا البسها ماحب ابين له اني منصدمه ومحتره كسحه ..
ومن هون اترككم مع تخاريفي قفلوا علي كول المواضيع
..
تنبيه جمعوا الحلقات الببسي وسو منها حجاب عن العين والحسد <<< منهزمه نفسياا
لبيه يامن تلبي لك باقي الحواس لبيك. كل ماسديت بابي في وجهكـ
لذلحين انتظر زهره بنت صالح تريقني لاني بطه وماحب اروح المطبخ اتعب بعيد مشوار
ويطيح مني كم غرام مو حلوه في حقي كااديبه وكاتبه لازم يكون لي وزن ثقيل < فاهمه خطا
:
ياكرهي لليوم من غير الشيشه
انتظروني اروح اصيح لزهره وهي تسمعني وتستهبل علي وتكمل كنس الحوش ؟
ان ماجات كالعاده اروح واسوي المؤونه وارجع يقول ابوي الله يرحمه مايحك ظهرك الا ظفرك ...
علي فكره شفتوا الجياكر في الاكادميه اخيييييه والله من الخنيز والسحوت عجايز والصبيان قصه ثانيه
ابرك عشان مانتابعهم ونمرض لاطلع المزيون << تفكير سخيف بقوه
اول شي اغير اسمي لانجلينا واخطب ابهيشك واعلقه واتزوج شاروخان واروح شهر العسل بلحالي لاني احب الخلوه والتفكير بعمق ابي اروح ثقب الاوزون واعيش هناك بتبات ونبات واخلف بنيان وصبات .. واشتري شركه زين واسميها شين ترفيعا للشيون .. واشتري روتانا واسكرها
اخليها فوال نظرا لارباحهم الطائله الصباح مطاقق طوابير ... واشتري لقب دوقه وبالعربي شيخه
واتعلم القياده طبعا في الجو عشان مافيه تريلات ابو حدريه تخبزني قرص مفرووك
ولما اطير ماوقع الي في زباره عشان مافي هناك شرطه وياخذون مخالفات لاني ماصبر واقطع الاشارات ... ولانزلت اخيم هناك شهر وانصب الخيام واقيم المدام والليالي والخدام طبعا زهره بخليها مستشاره الخدم لان شورتها تودي الف سنه وري وانا ابي ادمج الماضي بالحاضر اسمع في الدمج والعولمه ولامن رجعت لي الذاكره وراحت مني الرجه رحت ادق علي امي ؟؟ ماتلاحظون نسيت امي في قمه الجشع وليش ادق عليها انا لاطشه منها كم الف وللحين اتهرب منها ويوم صرت ثريه باتهرب منها محد قالها تجيبني عذر البليد لطش الرصيد اعترف اني سروق بس محترمه يعني استاذن قبل اسرقك وقبلها سرقت قلوب كثير ورجعتها ماعجبتني فيها تاكل مفصلي . صح انا ثريه اتوب من السرق واسمي شركتي شين للاحتلال الافكار والتزوير في مشاعر البشر واللطش باسم الحب والحبايب اولي بالسرقه واتذكر ان جدتي ماتت ماحد بني لها مسيد في ضواحي جوده وانا ببني لها برج تجاره وبراده في بومبي حاره المسلمين طبعا شمعني لان هناك عطاشا كثير عكس عندنا في كل شارع بركه ماي من الغسيل الحوشه والبركه في الشغالات الشاطرات في لحس الشوارع عشان تشوف صبي العين راجو بابو واحنا شكوا فيهم انا السبب نمت وغفيت وقمت وانا اتحلم اني حكمت الكوخ الابيض وان العالم اختفي مافيه غيري وبصراحه صاير ممل تشتري فلم تتابعه تلاقيه فاضي مافي احد
وتتصل يرد عليك صوت الهوا وتصيح ويرجع صوتك يقول شب يمال الخلا الخالي .. واجلس اعد فلوسي وانا اقول ويش الفايده حتي البقاله مافيها احد الشوارع فاضيه طلعت فيها بدون عباه وحافيه زي كل مره اتحلم اني في الشارع وناسيه الشبشب والعباه واقول محد شايفني ذا حلم والحلم كل شي فيه عادي بس احلامي ملونه والبطل دوره عادي ... ومن هنا اتوقف عن احلام الطغاه ولاتتوقف النفس الطماعه عن الطبع والطمع لان الدنيا خلقت والعالم تتقاتل لاجل تتفاوض تنهي انفس مات فيها الشعور بالحياه ...
فلم طويل ابيض ملون اسود
انهزام مواطن بلا وطنيه
عدنا 
ماقويت ابور في الصاحب ولو انه قوي عاده الطيب يبر وعاده الخايب يبور
العرض العادي
