سيد الاحلام يا حلـم ٍ بطيتـه
في عروقي تجري مجرى الدم ونّـة
انتهى المشوار و حلمي ما صحيته
وانشغل فكري بطواري يسقمنّه
يا سواد الليل يا هـم ٍ بكيتـه
يا بزوغ الفجر لعيـون ٍ نِسنّـه
يا سوالف علتي لو مـا طريتـه
في خفوقي تنشد الاشواق عنّـه
يا الغرام اللي غصب عني سريته
في عتيم الوهم والاحلام جنّـة
جنة احلامي عطتني واكتفيتـه
دون كل الناس ادروبـي مشنّـه
لو تغلى هو امل عمري وفديتـه
والغلا جاله كذا من غيـر منّـة
ما فقدت الا الخفوق اللي عطيته
ولا ذبحني غير شوق ٍ لـه اكنّـه
ملت اشواقي تحـراه ورجيتـه
و ما بقى فينـي بقايـا يحترنّـه
ليته يرحم دامني احساسه نخيتـه
وليته يدري كم احاسيسي فقدنّه