))البيـــــت اليتيـــــــــــــم ((

[متاابع]

اقتباس المشاركة الأصلية كتبت بواسطة العـ راعي ـليا فيني لشرواك حب(ن) بإندفاع=وأتشرّف يوم صرت من اخوياي النوايف ما شكت منك انقطاع=الخبر فيما يلي ؛ يا / مبتداي أنت يا ابن للي يفكّون النزاع=أحمد الله يوم ضمّك منتداي

صح لسانك
لاهنت ياراعي العلياااا

ياكريم الأصل ياوافي الطباع=وش بسولف لك عن الوضع وبلاي
شفت كيف العرف والمعروف ضاع=شفتهم باروا بأحساسي عملاي
يحسبوني يوم أغني من وساع=وارقصوا وشلون والمعزوف ناي

,,,,, بس خلاااااص

[العـ راعي ـليا]

اقتباس المشاركة الأصلية كتبت بواسطة متاابع صح لسانك لاهنت ياراعي العلياااا ياكريم الأصل ياوافي الطباع=وش بسولف لك عن الوضع وبلاي شفت كيف العرف والمعروف ضاع=شفتهم باروا بأحساسي عملاي يحسبوني يوم أغني من وساع=وارقصوا وشلون والمعزوف ناي ,,,,, بس خلاااااص

يا عريب الساس .. منيع القِلاع=يالحِصْن الحصين .. استمع لي جاي
راعي المعروف ما يعرف امتناع=وأنت شخصك مرتوي منه ارتواي
لا يهمّك دام ذاع الصيتِ ذاع=باكر الأيام ترميه ارتماي

[متاابع]

اقتباس المشاركة الأصلية كتبت بواسطة العـ راعي ـليا يا عريب الساس .. منيع القِلاع=يالحِصْن الحصين .. استمع لي جاي راعي المعروف ما يعرف امتناع=وأنت شخصك مرتوي منه ارتواي لا يهمّك دام ذاع الصيتِ ذاع=باكر الأيام ترميه ارتماي

*

*

يا صليب الراس يفداك الرعاع=خلني ساكت ولا تبحث خفاي
البتاعه خلها وخل البتاع=لاهم من اسباب فقري ولا غناي
والسموحه ودنا نطوي الشراع=ويغفر الله لك ويغفرلي خطاي

,,, وبس خلااااااص

[العـ راعي ـليا]

اقتباس المشاركة الأصلية كتبت بواسطة متاابع * * يا صليب الراس يفداك الرعاع=خلني ساكت ولا تبحث خفاي البتاعه خلها وخل البتاع=لاهم من اسباب فقري ولا غناي والسموحه ودنا نطوي الشراع=ويغفر الله لك ويغفرلي خطاي ,,, وبس خلااااااص

يا رفيع الشأن يا سبع السبـاع=من يبحـث خفـاك مقـرّه وطـاي
من يطب أحماك يا لصنديد مـاع=كنّه السكّر بوسط أبريق شـاي!
أنت شورك قبل ما يُسمـع يطـاع=السموحه مـن بديـت لمنتهـاي

[متاابع]

اقتباس المشاركة الأصلية كتبت بواسطة العـ راعي ـليا يا رفيع الشأن يا سبع السبـاع=من يبحـث خفـاك مقـرّه وطـاي من يطب أحماك يا لصنديد مـاع=كنّه السكّر بوسط أبريق شـاي! أنت شورك قبل ما يُسمـع يطـاع=السموحه مـن بديـت لمنتهـاي

صح لسانك وبيّض الله وجهك


ياراعي العلياااا


وبدون مجامله كفيت وفيت


مشكوووور على المجاراة الرائعه

وتقبل تحيات وتقدير أخوك متاابع

[العسجديھ]

الصّدر يا مهاجره من الدّار ضايق=وشوف (الرّيَآْض) مزوّد الضيق فيني
ما عآد أدانِي شوف بعض الخلايق=ولا عاد أدانِي من يدقّ و يبيني
البال متنكّد/وضيقته بالدقايق = والله على ضيق الليالي يعيني
آبطلب المولى / و قول الحقايق =وأشكي من العلّه وباقي السّنيني

\


أَنْتظِـــر

[,,,ـــاoـــــر]

*¨ღ¨*

*¨ღ¨*

*¨ღ¨*

اوقاتكم شعر

*¨ღ¨*

*¨ღ¨*

*¨ღ¨*

تامر على العين وجاتك هدية
ولا اضن عيني بترخص لغيرك

*¨ღ¨*

*¨ღ¨*

*¨ღ¨*

عـiiilـق JJlـيـJ

[الامير النايف]

لاضاق صدرك يضيق الصدر يانايف = تكفى ترى الصدر ماهو ناقص ً ضيقه
ما كل رجل ً بعزمه يصعد النايف = شف كم هلباج قوم ً ناشف ً ريقه
والا انت من لابتن يأمن بها الخايف = من الحره اديارهم للعرض وطويقه
مافيهم اللاش والهلباج والهايف = تبرك جمال الحمل للحمل وتطيقه

[الجليـــــــــد]

*

*

*


تحمل من ابعاد الخيال الملامِـــح
وصدري على نار العذابين شـــبّاب

فاقد حنان وجيت بالقرب طــامِحْ
قربت ابي حضنه وهو مني إرتاب

ثارت علي كنها من الخيل جامِـح
خسرتها لاعاد تصريح بإعجــابْ

وقالت قبل تقفي ابطلبك سامـح
جاوبتها لو قلت سامحت كذّابْ

أعض أصابيعي وللجـرح دامِــح
واراقب العمر يقفيبي وأنا شــاب


وان كان ماســامحتها / من بسامِحْ ؟
وهي الذهب واللي حوالينها ترابْ






فيض اللحظَـــهْ

رائد النايف





*

*

*

[الجليـــــــــد]

اقتباس المشاركة الأصلية كتبت بواسطة أنتظر ضمّة غلآك الصّدر يا مهاجره من الدّار ضايق=وشوف (الرّيَآْض) مزوّد الضيق فيني ما عآد أدانِي شوف بعض الخلايق=ولا عاد أدانِي من يدقّ و يبيني البال متنكّد/وضيقته بالدقايق = والله على ضيق الليالي يعيني آبطلب المولى / و قول الحقايق =وأشكي من العلّه وباقي السّنيني \ أَنْتظِـــر

أنتظر


كان هنا
إبداعاً

إستحق الإشـــادة