(**** فــــارقـــــة أنا أحزانــــي وابتـــداء حـــزن ثانـــي ****)

[مفارق الأحزان]

انتظرتك




من رحلت الين اخر
رشفة انفاســـي نطـرتك
وما سألتك ؟
عن عيوني
عن جنوني
عن ليالي شوق مرت
واحـرمتني حـلو نومـي

انتظرتك



وقبل تسأل عن غيابي
كـنت أسأل عن غــــــيابك !

وانتظرتك..

!!

[مفارق الأحزان]

أنا باديٍ في عالي الرجم من واطيـه = أحب البيان وذبّـة الرجـم غربالـي

وأنا البارحه ليلٍ عليّ ساريٍ ساريـه = بغيـت المنـام ولـذّتـه ماتهيّـالـي

على صاحبٍ لازيد جاني وأنا ماجيـه = حداني زماني منّ مجيّـه ولا جالـي

وياقلب لاتجزع من الليّ جرى جاريه = وما قـدّر الله قابلينـه مـن الوالـي

حداني على البيت المطرّف غلا راعيه = ولايمتكّن جنّـاب بيتـه وهـو غالـي

غشاه الحلا والنور يوم الغـلا مغليـه = يعيش النظـر شوفـه بليّـا تعدّالـي

تحطّم عليه الحال ماينعضي عاضيـه = تحطّام عـودٍ مبطـيٍ فيـه المحالـي

وأنا سيل قلبي صوبهم منتحي واديـه = ولولا محادير السهل كـان ماسالـي

[مفارق الأحزان]

الرجل لاصارت قصوره مداهيـل.... الطيـب طيبـه والـردي مايعـدّه

نسل الرجال اللي فحول(ن) مشاكيل.... افعولهـا طـول الدهـر مستبـدة

أهل الكرم والطيب واهل المعاميـل. ستر الرفيق ومن غدى الوقت ضدّه

ماتنهزع من قايـل القـال والقيـل........ اسيوفهـا طـول الدهـر مستعـدّه

ياليل ياماسـك حلـوق المهابيـل....... ياستر نـاس(ن) فاقديـن المـودّه

الطير ابو جنحان راعي المقابيـل..... يعجبك لامنّـه كفـخ فـي مـردّه

طير(ن) مسمينه على أبو مظاليـل..... واتلى العهد به يـوم لـوّح بيـدّه

قد له ثمان سنين يلبـس خلاخيـل..... وارموشه السـودا تخابـط بخـدّه

وانا على الدنيا مخاوي رياجيـل....... مالـي ومـال مكبريـن المخـدّه

[مفارق الأحزان]

يامحلا صـف المعاميـل يسـرور..بيـن الرجـال الطيبيـن الحشامـا

رسلان فوق النـار معبـاره يفـور..له ريحـةٍ تشبـه لريـح البشامـا

فنجالها من غالـي البـن مبهـور..مابهـرتـه الخـادمـه والمـدامـا

ويامحلا صوت الصبايا على الكـور..فوق البعير الي جلـب مـن تهامـا

يقطع تهاتيه الخلا سهـل وعسـور..مـا وثقنـه بالحـبـل والفـدامـا

ايهيجنن الصوت سامـر ومجـرور..ببيـات شعـرٍ للهلالـي سـلامـا

الكل منهن جسمهـا تقـل باكـور..تتبع طروش البدو شـرق وشامـا

تارد على عـد بهـا كـل ناعـور..تبرد كبود البـوش عقـب الحيامـا

لاولذي بـدل ظـلام الدجـى نـور..ومبـدلاً نـور الضحـى بظـلامـا

اني من الأيـام بالحيـل مخطـور..توشك معاليـق الحشـا بنصرامـا

يالجتي لجـة خلـوج علـى حـور..غـادي ولدهـا ودركتـه السهامـا

قامت تحن وتطحـن الأرض بـزور..حتى برا منهـا الشحـم والسنامـا

وياحن قلبي حن قيرا ً مـن المـور..سواقـه يتلـه بجـور وغشـامـا

ياوجد حالي يامـلا وجـد مكسـور..صابه فشـق ميـزر ودق العظامـا

طريح قوم وربعه اقفو عن الـدور..من عقب ظلـى محتمـي للجهامـا

ازرا يـداوي علتـه كـل دكتـور..حتى قطـع حبـل الرجـا بالندامـا

[مفارق الأحزان]

تخير اذا رافقت من الناس عارف
رجل اذا شان الزمان يطيب

رفيق على عسر الليالي ويسرها
كما الزرع,, في وقت الدهور خصيب

امين يحفظ السر عن ساير الملا
حفيظ على ما في الضمير قطيب

[مفارق الأحزان]

الرفقه اللي مالها ساس ووصول
اتلى تلياها تروح بسهوله

مثل الذرور اللي على راس غرمول
اول مهب يعترض له يزوله

والفعل ما يطلع على مستوى القول
يقول قول ما يطبق فعوله

والفرق في الافعال,, ماهوب في الزول
والا ترى اطيب ما من الثور زوله

لو غرّهم زوله,, وحطوه مسئول
صاروا مثل راع الغنم ومخيوله

ثوب على جسم على شبه مخيول
ودايعه يفرسهن الذيب حوله

[مفارق الأحزان]

من لا يديس الرأ ي من قبل ما ديس
عليه داسوه العيال القرومي
ومن لا يقلط شذرة السيف والكيس
يبدي عليه من الليالي ثلومي
والقصر ما يصلح على غير تأسيس
ومن لا تعلم ما تفيد العلومي
ومن لا خذا الدنيا بميزٍ وتقييس
مثل الذي يصبح بليلٍ يعومي
كلّ القلم من كتبنا للقراطيس
وإركابنا من كثر الأقران تومي
للشيخ من يعطي الفقارى المفاليس
يبدّل الساعه بعزٍ يقومي
والحر لا دبت عليه النواميس
يشهر وعن دار المذلة يشومي
وليا إكترب من بعض الأشياء نسانيس
إعزم ولابد الفرج بالعزومي
باب الفرج يلبّسك نظيف الملابيس
ينجيك بأيام الكرب والزحومي

[مفارق الأحزان]

الأجواد إن قاربتهم ما تملّهم
والأنذال إن قاربتها عفت ما بها
الأجواد وإن قالوا حديثٍ وفوبه
والأنذال منطوق الحكايا كذابها
الأجواد صندوقين مسك وعنبر
ليا فتحت أبوابها جاك ما بها
والأنذال لو غسّلوا ايديهم تنجّست
نجاسة قلوبٍ ما يفيد الدواء بها

[مفارق الأحزان]

العيب ترك المعرضة بالمواجيـب
والا الرفيق بفزعته ما نلامي
رفيقنا كنه بروس الشخانيب
في رأس حيدٍ نايفٍ ما يضامي
ورفيقنا ما نجدعه للقصاصيب
يجبر بنا لو هو كسير العظامي
ورفيقنا لوهو من الجد بصليب
متعلقٍ معنا برأس السنامي
هاذي قدايمنا ليا عدوّا الطيب
ونذرا ليا هبـّت لنا بالولامي

[مفارق الأحزان]

النوم راس اللوم بان الردى بـه..واللي يبا الطولات نومه شلافيـح
الذيب مايرقـد ورزقـه نهابـه..يدور الغارات عنـد المصاليـح
إلى ذكر له نشـر بـدو عدابـه..عقب العشا يوم الأثاني مدابيـح
اللي يبا الطولات يتعب ركابـه..العز بكوار النضا ياهـل الفيـح
الا على اللي كن سايـج حقابـه..سوجة قطـاة وردت للجوابيـح
إلى عدو المرقاب مثـل الذيابـه..وتقابلوا مثل الحـرار المفاليـح
وشافوا جنوب البل تسلل حرابـه..وبغو طعمها عاشقين الطماميـح
وكثرت مناجيهم وصارت طلابه..الله يلوم اللي هروجـه تصافيـح
الله يلـوم اللـي يبـا الانقلابـه..ما ولعه كسب الوجب والتماديـح
وثور صليب الرأي ثم اعتدابـه..ووردوا كما ذود لحوض مشاويح
وراجوا وداجو وودعوا له ضبابه..شقح يتلـى للقعـد بالمساريـح
إلى انتصف مثل الرعد في عقابه..من ايمان عوران العيون الذوابيح
من كل مسلوب يوكـد صوابـه..خجم الفرنجي موميات المطاويح