(**** فــــارقـــــة أنا أحزانــــي وابتـــداء حـــزن ثانـــي ****)

[مفارق الأحزان]

انتظَرتكْ لِيلَة البَآرِح دَهَرْ
و الثَوآنِي صَارتْ بعِيني / سنِينْ
لِيلَة البَآرحْ جِفَا لِيلْ و سَهَر ..

واليوم .. "’’ أكــرر بالأمس ماحصل .. "’’
يالله دخيلكـ تعاااااااال مابقى فيني عقل ..

[مفارق الأحزان]

قالوا :
الوداع قلت : هذا مكاني ..
والله لو طال الزمن ماتعداه ..
أبيه لامنه رجع لي
لقاني .. ولا يكفيني ..
مكانه وذكراه !!

[مفارق الأحزان]

آآآآآآآآآآآآآآاه

ليت القلوب تسمع خطابات بعضها
كنت سهرت ليلي اخاطب قلب خلي!!

[صادقـ الاحساس]

ماعاد تفرق معايه كل شي عادي
أوفيت ماوفيت منت أخر مشاويري
موتك بقلبي بدايه يوم ميلادي
باكر تعدل وتضحك لي مقاديري
جربت مره عنادك جرب عنادي..
مايوم قصرت شوف اليوم تقصيري..
أموت بأعلي الجبل ولاأموت بالوادي
ولاهين نفسي ولااتعب فيك تفكيري
ياهوووه.. وين انت رايح تايه وغادي
منت بعشيري ولاأغلي مساييري
لو كان عمري عليك وملحي وزادي
بلاش من هالحياة يعيشها غيري
====================

[مفارق الأحزان]

هلااااااا وغلااااااااا

صاااااااادق

منووووووووور
يالغاااااااالي

وكرررررررر الزياااااااااارهـ

[مفارق الأحزان]

انا بدوي يابنت الأجواد رحــّــال ...يشدني لبعض المواقف شهامه

بيتي بنيته للريااجيل مدهال ... والنار للساري بليله عـــــلامـــــه

بيتي شعر راعي غنم راعي جمال...مرفوع راسي لك عسيرٍ خِدامه

طفلٍ ربى بيدين فارس وخيال... طفلٍ نهض للسيف قبل الفطامه

طفلٍ ليامنه فزع فزعة رجـــال ...وإذا تكلم مربطه في كلامــــه

[مفارق الأحزان]

أنا بحب البـر ياسعـود منصـاب
من راح وقته شفت حالـي رديـه
نجلس أنا وياك من فـوق مرقـاب
ونشرف على هاك الفياض العذيـه
نلقى بها ياسعود أنواع الأعشـاب
نبـت الخزامـا والنفـل بالقريـه
وتلقى عطايا الله طويلات الأرقاب
نـوق(ن) مزاييـن قليـلات زيـه
ولاجيت لك رجلآ وللنوق حـلاب
يسقيك من ضـرع النيـاق النقيـه
ومعك رجال تعدهم خير الأصحاب
ماأحد(ن) على ماقيل يترك خويـه
تفخر بهم ياسعود حزات الأصعاب
واحـد بهـم ينعـد بالنـاس ميـه
مافيهم اللي لا هـرج دوم كـذاب
أهل السلـوم الشامخـه والوفيـه
ونسمر بتالي الليل حنا والأحبـاب
والنجـر للضيفـان تسمـع دويـه
كل(ن) يرحب ياهلا ألف ترحـاب
بالي لفوا أهـل العلـوم السجيـه
ولصرت تتفكر أذا النجم هو غاب
وخلق السماء وكيف تنزيـل ميـه
والفجر لاأذن وجـوه لنـا طـاب
والصبـح لمنـه تنـفـس علـيـه
نسيت دنيا أكثـرت فينـا الأتعـاب
صـار الولـد يسـب أمـه وبيـه
لاتلومني ياسعود لاصرت منصاب
وحب الخلا ياسعود ماهو خطيـه
يـاالله يارحمـن للخيـر جـلاب
تسقي الخلا يارب صبـح وعشيـه
وصلاة ربي منزل(ن) أحسن أكتاب
علـى رسـول الله خيـر البريـه

[مفارق الأحزان]

لعـز يـا بيـتٍ بنتـه الغنـاديـر
براس النبا ما شيّـد بوسـط حـاره

بيت الشعر يبنى بروس (العثاميـر)
طال الزمان ومحتفـظ فـي وقـاره

صفّن بجنب النار (عوج المناقيـر)
صفر الـدلال ودار حولـه وجـاره

ونجرٍ ينادي دوم يبغـى المساييـر
يصوت (للمـرّار) ويجيـب جـاره

حوله تدير (المجهمـة) والمغاتيـر)
وقدامه من (الـذود) نـوّخ حـراره

العشب واقـف مختلـط بالنواويـر
نصفه بياض وزايـدٍ بـه خضـاره

ومقلّـطٍ للضيـف در المصاغـيـر
ويعجبك لا قـام يتلاعـب حـواره


بيت الشعر ريف الرجال الخطاطيـر
لو غايبٍ راعيـه مشبـوب نـاره

أطيب من اللـي شيّـدوه بمساميـر
والبـاب قدّامـه تـعـلاّ جــداره


وش عاد لو (حطّوا) كنب مع مناظير
وعل النوافـذ ركّبـوا لـه ستـاره

هو مجلسٍ (للشهم) ما به معاييـر
لكن يبين الفرق مـن دون غـاره


اللي بنـا قصـره لقابـه تقاصيـر
وبيت الشعر سوّاه فـي وسـط داره

[مفارق الأحزان]

أوي فنجال يصبه مسويه
وحنا سوالفنا على جال ضوه

في ربعة والبيت يرفع بقارية
بيت على ما قيل يرفع بقوة

تالي نهاره وأوله دايج فيه
قم سو فنجال المطاليق سوه

أحذف لها رمث إكبار مثانيه
تو الجماعة نازلين بجوه

والماء تخير من زلاله وصافيه
من مزنه ماخاشر العج نوه

وحمس ولا تحرق وحاذور تنييه
ما بين فرُغها وما بين توه

واجغف لها من طيب الهيل غاليه
والزعفران بكثرة الهيل شوه

صبه على اللي طيبات معانيه
واختص منهو بالمراجل تفوه

اللي يعنز لك إلى رحت ناصيه
يسلم ولا يسلم رديً المروه

[مفارق الأحزان]

أنا ما شتهي كنديشنن والهوا موجـــــود...................
.....................هواي السموم اللي تقوت عزايمهـــــــا
بعد جلستي في حجرتن بابها مــــــردود..................
.....................نوازن مجاهيم الدبش في خرايمهــــــا
هل المدن كان الباديه عندكم منقـــــــود..................
.....................فأنا الواحد اللي حملوني لوايمهـــــــــا
هل البر والبل والغنم والبيوت الســــــــود.................
.....................رجالن تقدم جارها في ولايمهـــــــــــا
بيوت الشرف ماجود وساسها بحيــــــــود................
.....................ولا للبلديه نصيبن تنظمهــــــــــــــــــــا
يبنونها فأرضن عليهم بغير حــــــــــــــدود.................
.....................فيافن شجرها رايح النود يبرمهــــــــــا
إلى ذعذعت بأطرافها رايحات النــــــــــود.................
.....................عن الريح أهلها ما تقدم لثايمهـــــــــا
تعرض مطاون نبتها الريف والعنقـــــــــــود.................
.....................كثيبن ردفها بالزهر عام عايمهــــــــــا
هوا المدن لامنه إعترض زرعها المسمود.................
....................على الناس تصبح زايداتن وهايمهــــــا
وهوا البر منه كل نفسن تحصــــــــل زود.................
....................خصوصن بالأرض اللي دجا النو غايمها
أنا أقول ذا والناس لي في الكلام شهود................
....................يعرفون ما يحتاج منا نفهمهـــــــــــــــا
وكيد المصالح في الحضارة بلا منشــــود................
....................فلكن ولم القلب عيا يوالمهـــــــــــــــا
بعد صوت ديك المنطقه حنت المفـــــرود................
....................وأنا سارين بأرضن قدامن وسايمهـــا
مداهيل بدون دايمن لي بهم مقصــــــود...............
....................عذين هواها ذاير الصيد رايمهــــــــــا
إلى أقبلت قطعانهم للقــــــــــــليب ورود................
....................يباري لها هجنن تواما خدايمهـــــــــا
عليها رجالن دونها تنطح البــــــــــــــارود................
...................الى جا نهار الهوش تخلي محازمهـــا