يا خاطفي وين ألقى عزتي في زمان المذلة ! للكاتبه . على شاطئ النسيان

[قلب الزهـــور]

يا خاطفي وين ألقى عزتي في زمان المذلة !
:::
:::
:::


سمعت صوت جرس الباب وأتجهت له فتحته وماحصلت أحد ولقت أغراض على الباب نفس الحركه تتكرر من سنه وماهي عارفه من ورآها وبأوقات مختلفه حتى ما تقدر تبحث ورى هالشخص الغريب
فاتن بأستغراب : مين اللي يسوي كذآ .. آآآخ بس لو أدري .. دخلت الأغراض للمطبخ وجهزت عشاهآ وجلست على التلفزيون تونس روحهآ فيه ملت من الوحده نفسهآ بأحد يملي عليهآ حياتهآ أخذت جوالها دقت على شهد
شهد : هلا فتونه
فاتن : هلا فيك .. كيفك وكيف عريسك
شهد : كويسين انتي اخبارك اليوم ماشفتك
فاتن : ماداومت عندي off
شهد : ويش تسوين ؟ مبين انك طفشانه
فاتن : والله أكل شيبس وببسي واتفرج على فلم مرعب
شهد : هههههههه فايقه انتي مرره
فاتن : شهد فاكره الحركه اللي حكيتك عنها اللي القى اغراض على الباب
شهد : ايوه ويش فيها
فاتن : حتى الشهر هذي صارت توي مرتبه الأغراض .. من تتوقعين ؟!
شهد تفكر : امممم مدري بس يمكن فاعل خير ويعرف انك وحيده
فاتن : والله صرت اخاف انام لحالي .. كل الحاره يعرفون اني بنت بالبيت لحالي اخاف على نفسي مره
شهد : لالا ان شاء الله ماراح يصير الا كل خير وماتدرين يمكن تتزوجين
فاتن ضحكة بسخريه : هههه اتزوج ؟! مين بيتزوج وحده اخوها مجرم و.. و..
شهد : خلي أملك بالله كبير لسى الناس فيهآ خير
فاتن : شهد مليت انا مرره نفسي اجيب احد يسكن معي ماني متعوده على هالحال
شهد : والله لو اني مكانك استانس لاحسيب ولا رقيب تعالي شوفي خواتي مغثه .. طلبات ومهاوشات على الفاضي والمليان .. حتى على الحمام الله يكرمك يتهاوشون مين تدخل قبل .. مالك ومال وجع الراس
فاتن : هههههههههههههه الظاهر واصله معك للحلقوم
شهد : قلتيها ... بس الحمدلله شهر واروح مع سوسي حبيبي
فاتن : ياحركات وصرنا نتدلع ...الله يتمم عليكم بخير
شهد من قلبها : أمين يارب وعقبال ما أزفك لعريسك
فاتن : هههههههه اذا واحد من عيالك بأستنى العمر كله
شهد : ههههههههههههه يخرب بيتك بيجيك اللي احسن منهم
فاتن : الله كريم .. يالله حياتي طولت معك اتركك تكلمي اشغالك باي
شهد : بايوو

[قلب الزهـــور]

يا خاطفي وين ألقى عزتي في زمان المذلة !
:::
:::
:::


بآلرياض
تذكرت بنت أختها اللي أشتاقت لهآ كثير وحست بفقدآنها والفراغ اللي تركته بقلب ندى من بعد زوآجها .. ارسلت لهآ مسج .. وبعد دقائق وصلهآ الرد


[ وٍينڪْ.. ؟
تعبتُ { آتبعَ‘ عُيوٍوٍوٍن آلنـَـَـًآس~
.....آدَوّرْ بينهـآ ع'ـَينڪْ
ليشّ غآإأيب عَنْ ع‘ـيوٍنيّ..!
وٍديّ آفهمْ وٍشش خطآي؟!
طيّب ~
آلدنياْ [ بدوٍنيّ ]
نفسهآ آلدنيآإ | معآي؟
حزنت عليهآ وعلى حالتها وبثوآني قررت تتصل عليهآ
ليان : هلا وغلا ندآوي
ندى : هلا بك ليون .. شخبارك ؟
ليان : الحمدلله ماشيه .. أنتي أخبارك وكيف دراستك
ندى : تمام .. بشريني كيفك بعد الزوآج صايره مختفيه وماتجيننا
ليان سكتت شوي بعدهآ ردت : مقدر اترك البيت وأطلع تعرفين الترتيب والتنظيف مايخلص
ندى : الله يكون بعونك أجل انا بجيك مشتاقه لك موت
ليان أستحت تأجلها : طيب استناك
بعد ساعه وصلت لشقه ليان ودقت الباب تأخرت بفتح الباب ودقت مره ثانيه وفتح لها فيصل
ندى خافت منه عيونه كلها شر ونظراته لها أستحقار سالته : وين ليان
فيصل ترك الباب ومشى لداخل البيت ومارد عليهآ ... ارتفع ضغطها من حركته غروره واستحقاره للناس شي عادي تعودوا عليه .. دخلت وسكرت الباب وراها وهمست : ليان وينك .. ماحصلت رد دخلت المجلس وجلست تنتظرها بعد دقايق جاتها
ليان : تو مانور البيت
ندى : منور بأصحابه ياقلبي تعالي اجلسي مشتاقه لسوالفنا موت
ليان : حتى انا والله .. دانا وينها مالها حس
ندى متفاجئه من شكل ليان اللي متغير كثير السوآد تحت عيونه والحزن باين عليهآ لكنها تجامل وماتوضح ... حست انها ماهي مرتاحه أبدا مع فيصل شردت تفكر بحالتها اللي شتان بين ليان القديمه وليان في اللحظه هذي ... الأنكسار والعذاب بأين من نظرت عيونها نفسهأ تشيل عنها عنها شوي من همومها
ليان تمسك يد ندى : ندآوي وين سرحتي ؟
ندى صحت على لمست يدها : هاه لا معك بس كنت افكر باللي طلبت امي اجيبه نسيت طلبها
ليان : ماقلتي دانا كيف حالها؟
ندى : حالها يسرك مشغوله بدراستها
ليان : ايووه فقدتها من زمان ما أتصلت ولا ارسلت مسج
ندى : اكيد مشغوله
لفت ليان لجهه الثانيه وبعدت شعرها القصير عن خدها بتلقائيه .. شهقت ندى بعد ماشافت أثر لكدمه بوجهها
ندى وعيونها شوي وتطلع من مكانها : ليان ويش ذآ اللي بخدك
ليان ارتبكت : ولاشي شكلها حساسيه
ندى تبعد شعر ليان بيدها وتلمس مكان الكدمه اللي لونها مايل للأحمر والبنفسجي : تكذبين علي على بالك ما اعرف اكيد الكلب زوجك ماد يده عليك
ليان وقفت وجريت تسكر الباب وبدت تبكي : ندى بليز اسكتي لا يسمعك والله غير يقلب البيت عليك
ندى توقف بقهرومعصبه : الحقير الواطي ابن الشوارع بعد ماعزيناه ورزيناه يعذبك .. صدق انه مو رجال
ليان تهديها : ندى تكفين عشاني اسكتي
ندى تجلس وتجلس ليان جنبها : قولي كل شي من الآول الى الأخير شكل حياتك معه عذاب
ليان ضمة ندى وبكت بحضنها : اكرهه نفسي أتطلق تعقدت منه ... مخليني زي الشغاله عنده تعبت تعبت حيل
ندى تمسح علي ظهرها : الله يكسر يده ويشلها اذا مدها مره ثانيه عليك ابن اللذين صدق ماعنده دم ولا يحس
ليان تبعد عن ندى ودموعها على خدها : طفشت منه كل يوم ضرب ضرب شوه لي جسمي
ندى : وانتي غبيه متحمله وساكته خلاص ياختي ارميه ورى ظهرك مافي شي بالغصب ارجعي عند اهلك
ليان خبت وجهها بين يديها : اروح من نار فيصل لنار أهلي .. تبينهم يقولون شوفي اللي بعتي نفسك له ويش سوى فيك والا عشان يتشمتون فيني .. انا غلطت ودفعت الثمن أضعاف من سنه ساكته ومستعده اتحمل ولا أحد يذكرني بالماضي
ندى : وفيصل بتصبرين على أذاه اكيد كل دقيقه يذكرك باللي سويتيه ؟
ليان بكت بحرقه وطولت بالبكاء .. أخذتها ندى بحضنها وتحاول تهديها وتخفف عنها شوي لكنها مستمره بالبكاء اللي مايفيدها
ندى : قومي خذي اغراضك وتعالي لبيتنا محد بيقولك شي
ليان رفعت راسها وجهها اتورم من البكاء : مستحيل ..أنـــا أنـــــ...
ندى : انتي ويش تكلمي ؟
ليان نزلت راسها : حـــــآآآآمـــــل
ندى وقفت من الصدمه وصرخت : ويش !!.. حــــــآآآمـــــــــــــل
ليان : ايه حامل صار لي شهرين او ثلاث
ندى بصدمه : وماقلتي لأمك ولا لزوجك
ليان : لا ماقلت لأحد غيرك .. ولا أبي اقول عشان يضربني ويموت ولده وافتك
ندى : حرام عليك الطفل ماله ذنب ليش يدفع ثمن شي ماسواه
ليان قالت بصوت باكي حاد : مو دفعها غيره يعني ويش اختلف
سمعت صوته : لــــــــيــــآآن .. تعالي شوي
وقفت وأستئذنت من ندى وغسلت وجهها قبل تروح له .. أتجهت للصاله : هلا فيصل ويش بغيت
فيصل : متى بتروح خالتك ذي
ليان : ليش .. توها جايه عيب اقولها روحي
فيصل : ماقلت اطرديها
ليان انقهرت منه مزآجه يعكر كل شي : أجل ويش تبي
فيصل : جوعان ابي عشاء
ليان : العشاء شوي ويخلص اصبر شوي
فيصل : طيب طيب روحي شوفي خالتك اووف .. رجعت للمجلس وشافت ندى تجهز نفسها
ليان : وين بدري ؟
ندى : اتصلت امي لازم ارجع .. ليونه فكري زين واتخذي قرار وتأكدي كلنا معك حتى لو غلطتي
ليان : يصير خير حبيبتي
ندى : ولاتخلي زوجك الواطي يمد يده عليك قولي له انك حامل يمكن يتغير
ليان تفكر : مدرري خليني افكر
ندى تبوسها : اشوفك على خير .. مع السلامه
ليان : مع السلامه
:::
:::
بـجــده
بعد ماوصل من المدينه دخل قصره المظلم .. كل شي ساكن والهدوء طاغي
فهد : ليزا ... ليزا
ليزا : يس سير وت ؟
فهد : وين مدام رزان
ليزا : مدام رزان في نوم تعبان
فهد بتأفف : ويش فيها تعبانه
ليزا : ما أدري ؟ .. تركها وطلع لغرفته فتح الباب وشافها جالسه على لاب توبها .. انتبهت لوجوده وقفلت الاب بسرعه وراحت له
رزان : الحمدلله على سلامتك
فهد : الله يسلمك
رزان تتخصر : مارجعت القديمه
فهد بنظره قويه : رزان انتبهي لكلماتك .. وتراني تعبان مالي خلق اتكلم
رزان : ياسلام بس لاجيت البيت تعبان لكن يوم تروح للمدينه مافيها تعب
فهد بتافف : لاحول ولاقوة الا بالله رزان اتقي شري وخليني انام
رزان : فهد اذا بترجعها بكيفك لكن تسكن معي لا والف لا
فهد : مو بكيفك البيت بيتي وراح تعيشون فيه ثنتينكم
رزان بزعل : ياربي منك
اخذ بجامته وغير ملابسه ونام .. جات جنبه تحاول تتقرب منه
رزان : فهودي حبيبي .. ترى مو قصدي بس انا أحبك وما اقدر اشوف وحده تشاركني فيك
فهد يفتح عيونه : طيب انا مقدر هالشي كلكم زوجاتي على عيني وعلى راسي وتحبوني واحبكم بس مابي مشاكل سامعه يارزان
باسته على خده وبصوت مدلع : ابشر ماطلبت شي اهم شي راحتك ياعمري
فهد يلف على الجهه الثانيه : تصبحين على خير
رزان : وانت من أهل الخير

[قلب الزهـــور]

يا خاطفي وين ألقى عزتي في زمان المذلة !
:::
:::
:::

بالمدينه
مها : شوقه اذا بترجعين له ارجعي واكسبي قلبه
شوق : ماني متخيله اني بشوف وجهها بنفس البيت ولا بعد زوجته وربي مقدر اتحمل
مها تقرب منها : شوق انتي تحبينه رغم اللي سوآه فيك تحبينه لا تخلي هالعتبه حاجز بينكم
شوق دمعت عيونها : انا مقدر اشوفه معها وربي احس قلبي يتقطع
مها : شوفي أنا مو متزوج علي بس سكير ونكير ويش ابي فيه خليه يولي بس انتي فهد عاقل وله هيبه ومركز اكسبيه لصفك وصدقيني بيعوضك
شوق تعلقت عيونها بمها : اي تعويض .. بيعوضني عن دموعي اللي ذرفتها بسببه والا بيعوضني عن الالم النفسي اللي عانيه والا والا .. اشياء كثيره أذاني فيها فهد
مها : انتي قلتي له شروطك واكيد بينفذهآ .. بعدين فكري فيهآ هو مو خسران بالعكس انتي الخسرانه
شوق : قلتيها خسرانه بالاول وبالاخير ليش اتعب نفسي .. بعدين هو تزوج علي برضاه
مها عصبت : لسى تقول برضاه ماتفهمين ان عمه أحرجه وأعطاه رزان عطيه
شوق : ولو انا اعرفه زين مايهمه شي لكن هو يبيها لو مايبيها ماكان وافق خصوصا ان كلهم يدرون انه ماينغصب على شي
مها : طيب اذا نفذ شروطك بترجعين له
شوق بكره : ايه برجع بس وربي اللي خلقني لا أخلي رزآنوه تنجن انا اوريها
مها : شوق كبري عقلك خليك العاقله
شوق توقف : يصير خير بروح أشوف العشاء

:::
:::

بعد أسبوع من أحداثنا
أندق الباب وفتحته مها وأنصدمت يوم شافت وجهه .. رجعت الباب بسرعه تبي تقفله لكنه مسكه بقوه
بندر : مها ابي أكلمك
مها : الكلام انتهى بيننا ويش جايبك
بندر : مها أنا تبت والله تبت
مها بحده قالت له : قلتها لي قبل نتزوج وطلعت كذآب ومستحيل تترك أطباعك ياخسارة حبي لك
بندر : مها صلي على محمد وخلينا نتكلم
مها تكتف يديها : اللهم صلي وسلم على نبينا محمد .. وقلت لك كلام مافي انسى والحين مضطره أسكر الباب
بندر بترجي : كيف أثبت لك صدق هالمره
مها : بندر انا عفتك خلاص ماعدت ابيك
بندر : وبنتنا .. ويش ذنبها
مها : بنتي بربيهآ احسن تربيه ما ابيها تنصدم بحقيقة ابوها
بندر : مهاوي فكري زين فكري بحبنا حرام يروح سنين وانا انتظرك وانتي تنتظريني وتزوجنا بدون علم اهلنا وبالأخير تكون هذي نهايتنا
مها : انت اللي اجبرتني اختار هذي النهايه
بندر : يامها للمره الألف اقولك اني تبت والله العظيم الله يشهد علي
مها : تبت .. تركت الخمر وأصحاب السوء ... وصرت رضي بأمك واهلك ولا صرت تمد يدك على زوجتك قولي كل ذي تبت منها ؟
بندر : الله يشهد علي اني تبت ارحميني وخلينا نرجع لبعض انا بدونك ما اعيش
مها ترد الباب اكثر : روح مابي اشوفك بعد اليوم ماعاد لك مكان بقلبي وكلامك خله مع ابوي احسن
وسكرت الباب بوجهه ورجعت ودمعه متمرده نزلت على خدها ما انتبهت لها الا شهد اللي سمعت اللي دار بينهم
شهد بحنيه : مهاوي قلبو .. ليش كنتِ جافه معه
مها تمسح دمعتها بسرعه : احسن يستاهل اكثر من كذا خليه يصحى ويحس بنفسه
شهد قربت منها : مها اذا تحبينه سامحيه اعطيه فرصه وحده حرام الولد شاريك
مها بسخريه : شاريني .. نسيتي يوم جيتكم لما كنت بين الحيا والموت .. جاي اخر الليل سكران وطاح فيني ضرب .. كل شي اتحمله الا انه يكون سكير ما اتحمل
شهد : مهاوي خلي فرحتنا تكمل برجعتك انتي لزوجك ورجعة شوق لزوجها
مها : شوق امرها بسيط زعلانه انه تزوج عليها .. لكن انا لا شي كبير اللي صار حتى امه ماسلمت من شره كيف تبيني استئمن نفسي مع واحد زيه
شهد : اعطيه فرصه ويش بتخسري
مها تغير الموضوع : رنومه وينها ؟!

بغرفه ثانيه من البيت
ريم : أنا مشتاقه لك اكثر ياروحي
سيف : ماني متخيل اننا بعد اسبوعين بنكون مع بعض ولطول العمر
ريم بحياء : صار الوقت قريب
سيف :لا والله بعيد
ريم : بالعكس احس قريب مره مايمديني اسوي شي
سيف : ههههه لا يمديك ابيك تصيرين احلى من شهد
ريم : خخخ ترى اعزها مثل اختي واكثر
سيف : هههههههه امزح معك على طول صدقتي
ريم : ابيك تكون احلى واطلق من يوسف
سيف : ترى اعزه مثل اخوي واكثر
ريم : هههههههه تدقني هين ياسيووف
سيف : حشاك
دخلت سحر وشافتها تكلم الجوال : ريومه بسك مكالمات ترى زواجك قريب
ريم : سمعت سيف سحوره ويش تقول
سيف يمثل العصبيه : قولي لها ياما تقول خير او تسكت
ريم : هههههه ياويلك لو تسمعك تهاوش
دخلت عليه كوثر : سيف ابيك توديني اشتري لي ساعه
سيف : طيب بكره اوديك
كوثر انقهرت : اترك الجوال وكلمني شوي
سيف تنرفز منها ويأشر لها بعصبيه : ريومتي بقفل الحين توصين شي حبيبتي
ريم : سلامتك حبيبي انتبه لنفسك
سيف : وانتي بعد .. مع السلامه .. وقفل الخط وصرخ .. انتي ماتعرفين تتكلمين بذوق كأنك تتأمرين علي
كوثر تتخصر وتقلده : ريومتي توصين ... مالت عليك وعليها الشرهه علي اللي جايه اطلبك منت كفو أحد يطلبك .. مسكها مع يدها ولفها بقوه
سيف يتكلم بصوت متأجج : أنا صبرت عليك بما فيه الكفايه .. لازمك تربيه من جديد .. وأعطاها كف بكل قوته
طاحت على الكرسي اللي ورآها متفاجئه من اخوها اللي مد يده عليها
كوثر بحقد : تمد يدك علي
سيف يشدها مع شعرها : واكسر لك راسك عشان تعرفين مع مين تتكلمين
كوثر تبعده عنها بقوه وتهرب منه لغرفتها وقبالها ابوها وشافها تبكي
ابو سيف : كوثر علامك ؟.. ماردت عليه وسكرت باب غرفتها بأقوى ماتملك
ابو سيف بصوت عالي : سيف ياسيف تعالي ابيك .. طلع لأبوه
سيف : هلا يبه امرني
ابو سيف : علامها اختك طلعت تبكي
نزل راسه وهو يقول : ضربتها
ابوه بحده : وليش ؟
سيف : قهرتني ترفع صوتها علي وضربتها
ابوه سكت : أجل تستاهل

[قلب الزهـــور]

يا خاطفي وين ألقى عزتي في زمان المذلة !
:::
:::
:::

ببيت ابو رياض
رياض : يبه سمعة ان فهد بيرجع زوجته شوق
ابو رياض : الحمدلله البنت طيبه ومافي زيها تستاهل كل خير
ندى بأنفعال : اصلا فهد غبي يتزوج عليها وربي انها اطلق واحسن مليون مره من رزان
اعطاها ابوه نظره خلتها تغص بعصيرها وندمت انها تكلمت قدآمه
ابو رياض بصوت حاد : رزان بنت عمك ومايصير تقولين عنها كذا
ندى بتمرد : لا تستاهل يبه حط نفسك بمحل شوق ويش بتسوي انتم كذا الرجال ماتحسون وقلوبكم حديد وشوق دين واخلاق وجمال مانقصها شي
هزاع عقد حواجبه بأستغراب : ليش تدافعين عنها كذآ ؟
ندى : لاني أحبها واعزها وما ارضى عليها انت لو تعرفها بتحبها قلبها ابيض مو زي بعض الناس قلبهم كله حقد وحسد أعوذ بالله
ابو رياض : وانتي ليش تقولين كذا ياندى ؟
ندى : يبه لاتسوي نفسك مو فاهم انت اكثر واحد عارف ان اعمامي يكرهون فهد ولايطيقون خصوصي ابو رزان بتقنعني انه حبه بيوم وليله هذي من سابع المستحيلات
رياض صرخ عليها : عيب عليك أستحي كيف تقولين عن أعمامك كذا
ندى ردت عليه : ليش عيب ؟ عشان اقول الصدق .. المشكله انكم شايفين كل شي واضح وضوح الشمس وتتعيمون
ابو رياض : يابنت قومي لغرفتك الظاهر انك مصخنه
ندى انقهرت : مافيني الا العافيه بس اتمنى تعرفون اعمامي على حقيقتهم بس اضن انكم زيهم ماتختلفون عنهم بكرهكم لفهد اللي اخونا من لحمنا ودمنا
وقف ابوها وضرب بيديه على طاولة الطعام وصرخ : ندى انقلعي عن وجهي
وقفت مفزوعه من صرخت ابوها وراحت جري لغرفتها بعد ماتعثرت بالدرج شوي لكنها وقفت بسرعه وهي تشوف نظرات ابوها الحارقه لها

بــجــده
بعد ماوصلت من المطار أتجهت لقصر زوجهــآ اللي أستقبلها ورآفقها بمسيرة رجعتها
فهد : نورتي جده برجعتك
شوق : شكرا على لاباقتك وذوقك
فهد : بعدك زعلانه
شوق طالعته بنظره مافهمها : غريبه انك تسأل نفس السؤال
فهد : شوق ابيك تتقبلين الوضع انكم ببيت واحد اوكي
شوق : اوكي دام الشي ذا يريحك ماعندي مانع
فهد : طول عمرك عاقله ورزينه
وصلوآ للبيت وهي تدعي بدآخلها انها ماتشوفهآ عشان ما تزيد النار في جوفهآ نزلت من السياره وهي تتأمل القصر الكبير والشاهق اللي أشتاقت له وأشتاقت لحريتهآ فيه .. طلعت أول الدرجات ووصلت عند الباب .. فتح لهآ الباب وقال : تفضلي
شوق نزلت غطاها وطرحتها : زآد فضلك ..ودخلت وقابلتها ليزا اللي سلمت عليها بحراره
ليزا : مبروك ماما مبروك
شوق تضحك : الله يبارك فيك ليزا
ليزا : بيت مافي كويس انت في روح
شوق : ياقلبي عليك .. ان شاء الله ما أروح مره ثانيه .. سمعت صوت ورفعت راسها لمصدره وشافتها وآقفه بنص الدرج الحلزوني وحاطه يدها على خصرها
رزان : أهلا وسهلا
شوق بدون نفس : أهلين فيك
رزآن : مبروك رجعتك لبيتك
شوق تميل فمها بقهر : الله يبارك فيك
رزان : تصدقين عاد فرحة مره يوم قال فهد بيرجعك على الأقل اتونس بدل الجلسه بالحالي
شوق : صدق والله توي دريت .. وماعليش ياقلبي بطلع غرفتي تعبانه من السفر ..

{فــهــد }

هههههههههههههه وبدت حركات الحريم ويش يفكني الحين منهم آآه بس حاس أن دوآمه من المشاكل بتصير وكله بسبب غيرة زوجاتي من بعض ... بس انا لابد افرض شخصيتي عليهن حتى مايتمردن وتنقلب حياتي لجحيم .. رآح امشيكن ياشوق انتي ورزآن على الصراط المستقيم واخليكم تنسون شي اسمه حريه .. كل وحده أخذت كفايتها من الحريه جاء الوقت اللي يلبون فيه اللي أبي ...
مسكت شوق يده وهي تمشي للدرج : أكيد بتنام عندي حبيبي لأنك مشتاق لي
رزآن تقاطعها والشرار بعيونها : بــــســ...
فهد طالع رزان بنظره قويه الجمتها عن الكلام وطلع بسكوت مع شوق اللي مشت قبله لغرفتهم

أول مادخلت غرفتهم اللي أشتاقت لهآ قالت له : الحمدلله انك جيت ولا رحت معهآ
فهد يجلس على الكنبه : ليش في شي ينتظرني
شوق رفعت حاجبها : طبعا لا انت مره وآثق بزياده
فهد يحط رجل على رجل : اجل تبيني تحفه بالغرفه عندك
لفت عنه وهي ترتب ملابسهآ بالدولاب : ولله مدري لسى ماقررت
فهد وقف : انا بروح مكتبي .. طلع وتركها تكمل شغلهآ لقى رزآن جالسه بالصاله تتفرج على tv
رزان وقفت اول ماشافته : بدري طالع من عندها
فهد بتأفف : ويش يهمك فيه اذا طلعت والا جلست
رزآن بنظره : فهودي خلاص نام عندي الليله جت على الليله هذي يعني
فهد يقلب عيونه وعصب : أنا لله وان اليه رآجعون ماتفهمين انتي
رزآن تتخصر : يعني اشوفه ترجع وتأخذك مني وأجلس ساكته لا والله تحلم الست شوق
فهد طنشها ونزل ومارد على كلامها اللي نرفزه ودخل مكتبه

أما عندها مابعد ماخلصت من ترتيب اغراضهآ حست بالجوع غيرت ملابسها وتعطرت وطلعت وشافتها جالسه بالصاله ... نزلت مع الدرج وأتجهت للمطبخ
شوق : ليزا سوي لي شي خفيف
ليزا : اوكي مدام
شوق : انا بطلع غرفتي جيبيه لي هناك
ليزا : اوكِ
رجعت طلعت الدرج وشافتها ترمقها بنظرات غريبه انقهرت من نظراتها اللي تدل على الأستحقار
رزأن : ليش ماتسولفي والا ماحنا عاجبينك
شوق : انا طبعي ماحب اتكلم كثير مو ثرثاره زي بعض الناس
رزان تقلب عيونها وتميل فمها : الجلسه بالبيت ممله حتى لو كان قصر واصحابه مملين
شوق اعطتها نظره استحقار : والله اللي داخلين البيت برغبتهم مايحسونه ممل بس اللي داخلينه مغصوبين يحسونه كذا
رزان عصبت ونظرات ناريه : ويش تقصدين حضرة جنابك
شوق تحط رجل على رجل وببرود قاتل : اللي فهمتيه حبيبتي .. ومشت لغرفتها بعد ماحست بالانتصار عليها وانها قدرت على تعصيبها
رزآن ( صدق انها حقيره تدقني بالهرج هين ياشوق انا ورآك والزمن طويل ان ماجننتك وخليتك تندمين انك رجعتي هنا ماكون بنت ابوي )

بالمدينه
دخلت الغرفه اللي كلهم جالسين فيها ويسولفون عن زوآج ريم وشهد اللي حيكون بليله وحده
ريم : خلاص واخير انتهيت من كل شي مابقى الا المسكه
شهد تمدد رجولها وجلس ميشو بحضنها : انا زعلانه
مها : ليش زعلانه ؟
شهد بحزن : ميشو مين بيهتم فيه وربي راح اشتاق له ماقدر على بعده عني
هنادي : انا بهتم فيه من بعدك لاتخافي عليه
مها : لاتشيلي هم ميشو بعيوننا
سحر شوي وتبكي : يعني لو وحده تتزوج يمكن بس ثنتيم والله صعبه البيت بيفضى علينا
ريم نزلت دموعها : سحوره انتي اكثر وحده راح افقدها
سحر ضمتها وصاروا يبكون : ريوم لا تتركينا والله مقدر انام وانتي مو معي بنفس الغرفه
رغد تمسح دموعها : والدب شهد مين بينام بسريرها عندي
شهد وقفت وراحت للغرفه وقفلت الباب على نفسها
هنادي ترفع يدها : يارب زوجني عشان يبكون علي ..دنيا حظوظ شهد وريم نبكي عليهم والله دنيا مالها امان
شد مشاري شعر هنادي اللي طول ماقصته زي العاده
هنادي : هيه ياوآآد لاتشد " وبغمزه " كأنه عرف اني بسب امه وقام يدآفع
مها : هههههههههههه يقلع ابليسك ياهنوده .. ويش رايك تأخذي بنتي
هنادي تتربع على الارض وتجلس رنيم ومشاري بحضنها : تصدقون بفتح لي حضانه اترزق من وراها
ريم تمسح دموعها : يابرودك ياهنادي حنا نبكي وانتي تنكتين
هنادي : اجل تبيني اخسر دموع ويصدع راسي عشانك انتي وشهد
رغد تضربهأ بعلبه المناديل : وجع جاملي على الأقل
هنادي : انا مابكيت الا على شوق وغيرها مستحيل ابكي عليه
مها تضربها على راسها : وانا مابكيتي علي
هنادي تفكر : ابكي اذا رجعتي لبندر غيرها لا ماراح ابكي ابدا
مها تغير وجهها : خلاص مابيك تبكين علي
رغد توقف : بروح اشوف شهد

[قلب الزهـــور]

يا خاطفي وين ألقى عزتي في زمان المذلة !
:::
:::
:::

بعد يومين
نزلت من غرفتها تبي تجهز الفطور لها ولزوجهآ كانت بغرفه الطعام لأنفتح الباب الزجاجي ودخلت رزآن لابسه بجامه سبورت جايه من الغرفه اللي سوتها مخصوص لها ( غرفه رياضه )
رزان : صباح الخير
شوق : صباح النور
رزان تشوف السفره : مشاء الله ليزا وميري شادين الهمه
شوق ابتسمت لها : تفضلي افطري
رزان : لا بروح اخذ شور وابدل ملابسي وانزل افطر
شوق : طيب على بال نكمل السفره
رزان : عن اذنك .. وطلعت للغرفه جري سمعت صوت وراها ولفت شافته يسحب له كرسي ويجلس
شوق : صباح الخير
فهد : صباح النور .. من متى صحيتي
شوق : من ساعتين
فهد : مشاء الله رغم انك تاخرتي بالنوم
شوق جلست جنبه وصبت له كأسة عصير : شبعت نوم وصحيت
فهد : غريبه من رجعتك صايره ماتنامي الا ساعات قليله
شوق : قلقانه على خواتي مدري كيف بيجهزون لزوآجهم لحالهم مها مشغوله بمدرستها ونفسها وبنتها
فهد : اذا تبين خميس وجمعه تروحين لهم ماعندي مانع تشوفين امورهم
شوق بفرحه : جد فهد بتخليني اروح
فهد بجديه : ايه مو خوآتك حرام بيحتاجونك في اشياء كثيره
شوق باسته على خده : الله لايحرمني منك
فهد ضحك : هذا كله عشان قلت روحي لأخوآتك
شوق بغمزه : ايه عشانهم
فهد يوقف : طيب انا طلع للشركه الحين تبين شي
شوق وقفت ومشت معه لحد الباب : ابد سلامتك حبيبي بس بترجع على الغداء
فهد : ان شاء الله .. باسهآ على جبينهآ ومشى لسيارته
رجعت تكمل فطورهآ وبعد دقائق جات رزان
رزان : وين فهد ؟
شوق : راح الشركه
رزان : يووه أكيد ما أفطر زي عادته
شوق تبي تقهرها : ومين قالك مايفطر توه جلس وافطر معي ورآح
رزآن ولعت من حركتهآ وردت : بالعافيه على قلبه مطرح مايسري يمري
شوق : أشوفك متجهزه ولابسه عباتك وين طالعه ؟
رزان : بروح عند وححده من صحباتي نتمشى تجي معي
شوق : لا مشكوره ماحب أطلع الصباح من البيت
رزآن : برآحتك انا طالعه بااي
شوق : باااي

:::
:::
:::

بالجامعه كانت جالسه مع ريماس تكلمها عن تجهيزاتها للزوآج
ريماس : طيب ويش رايك نروح اليوم انا وانتي وريم نأخذ لفه بمحلات الورد
شهد : اوكِ بقول لعمي وارد لك خبر
ريماس : ما اظن يرفض
شهد : لا ما اتوقع بس لازم اخذ رائيه بذآ الشي .. دق جوالها وشافت رقمه أشتاقت له كثير وماتبي تكلمه لأقتناعها بكلام مها اللي غير افكارها .. ترددت ترد عليه او تطنش
ريماس تضحك : الحب بلوى .. ردي عليه محد بيدري عنك
شهد : الوو
يوسف : صباح الورد
شهد : صباح الجوري .. كيفك ؟
يوسف : ماني بخير من يوم تسلطت بنت عمك علينا
شهد : ههههههههههههه حرام عليك وربي مهاوي قلبها طيب وكلامها كله صح
يوسف : بفهم ويش خصها فينا وربي انها قاهرتني ياشهد اسبوعين ما اكلمك وربي ظلم
شهد حمر وجهها : يالطيف ترى ماحكمت عليك بالأعدام .. بعدين انا بعرف انت بتشتاق لي والا بس كلام فاضي
يوسف : وعندك شك ... احس اختك ذي سوت لك غسيل مخ
شهد : ههههههههههه طيب ليش متصل ؟
يوسف يصرخ : لالالا ابصم بالعشرين الغسل جاب مفعوله الحين تقولين ليش متصل لا شهد عقلك جرى له شي
شهد : هههههههه صراحه مره تكسر الخاطر.. تحمل باقي اسبوع
يوسف : اسبوع ويش يصبرني انا
شهد تجرئت وقالت : اني بكون معك طول العمر
يوسف : لالا شكلي بقدم الموعد ... مايبي لها كلام ذي
شهد : طيب بتفق معك ماتكلمني الى يوم الزوآج
يوسف : لا تكفين بعيد مره
شهد : الاسبوع الجاي يادوب اجهز نفسي ماراح تقدر تكلمني
يوسف بتافف : يعني كذا كذا مقدر اكلمك امري لله موافق
شهد : اوكي الحين عندي محاضره
يوسف : احسك دافوره والله
شهد : بسم الله علي اذكر الله
يوسف : تفوو تفووو عليك
شهد : وووووع الله يقرفك
يوسف : هههههههههه مو خايفه على نفسك
شهد : يالله طولت بااي
يوسف : باي
ريماس ميته ضحك عليها : ليش صرفتيه تونا نقول حب وماحب
شهد : شوفي العيال لاتعطينهم وجه ابي اخذ حريتي خلاص بودع الحريه
ريماس : والله احسه يحبك ويموت فيك
شهد : حتى انا بس احيان اطفش نفسي اتضارب معه اسوي مشاكل كنوع من التغير
ريماس وعيونها قدامها : لالا ويش التفكير الأجرامي هذا مشاكل يالطيف
شهد تضحك : انا ماحب الروتين مره لازم اجدد كل شي حتى لو فيه مشاكل
ريماس : الله يصبرك يايوسف ويكون بعونك
شهد تسحبها : قومي وبلا تريقه بروح اشتري شي بارد مع الجو الحار هذا
ريماس توقف : طيب امشي حتى انا احتريت مره

[قلب الزهـــور]

يا خاطفي وين ألقى عزتي في زمان المذلة !
:::
:::
:::

بآلمدرسه
لينا تتأمل ريم وملاحظه بعض الأشياء اللي اتغيرت فيها : ريومه ماقدر اتخيل انك البنت الصغنونه الدلوعه النعومه بتتزوجين اخر الأسبوع
ريم أستحت : ليش ويش ناقصني ما اتزوج
لينا : مدري مابيك تتزوجين
ريم تدقها : يعني حلال عليك تتزوجين وانا لا
لينا : انا وانتي بنتزوج ونكون أسره احس لسى فينا طفوله
ريم : نفس الشي احس فيه بس ايش اقول هذي سنة الحياه
لينا تشد شعرها : افرحي بتصيري عروسه قبلي أأخ يالقهر
ريم : ههههههههههه طيب شاركينا فرحتنا ونير ثلاث عرايس
لينا : لالا زوزي حبيبي بسوي لي فح كل الناس يتحاكوا عنه مو زي زوجك الله لايبلانا
ريم تمثل العصبيه وتعفس وجهها : هيه ليونه ما اسمح لك تجاوزتي الخطوط الحمراء
لينا تمد لسانه : وكم الغرامه ههههههههههه
ريم تدفها : دق انك مرجوجه
لينا : وانتي ما تقلي عني رجه بس بعد عوامل التعريه والزواج بتسوين نفسك حرمه
ريم : اكره كلمة حرمه لاتقولي حرمه

بعد أسبوع يوم زوآج ريم وشهد
بغرفة رغد وشهد
رغد : سمر تعالي ساعديني شيلي فستان شهد ومسكتهآ عشان نرسل جلالي فيهآ للقاعه
سحر : انا نزلت أغراض ريم خلاص باقي أغراض شهد
سمر : يالله اسبقيني رغد وانا الحقك
بالقاعه
مها : كل شي جاهز بس ننتظر ريم وشهد وريماس
شوق : هالبنت أصيله الله يرزقها باللي يسعدهآ
رغد : أمين يارب .. بروح أشوف فاتن ارسلت لي مسج تقول عند الباب
سحر : بروح معك
شوق تجلس على الكرسي : تصدقين مها ماني مرتاحه بالمره
مها : افا ليش ؟
شوق : لقيت شهد كاتبه كلام بدفتر مذكرآتها عن ميشو مافهمت قصدهآ
مها بأستغراب : تدرين هي شايله همه بس رآح تنسى مع الأيام ورغد وانا مابنقصر
شوق : هي متعلقه فيه مره
مها : أكيد يوسف رآح ينسيهآ ... قآطعهم صوت جوآل شوق
شوق : هلا شهوده وينكم
شهد : قريبين من القاعه جهزي لي مويه بارده ميت من الحر
شوق : أبشري من عيوني ..
مها : وينهم
شوق : قريبين من القاعه أفتحي الباب الخلفي عشان يدخلون منه
مها : أن شاء الله ميك آبهم حلو مو ثقيل مره خصوصا ريم
شوق تدفها : أفتحي فستان ريم من الكيس عشان تلبس على طول

بعد داقيق من وصولهم مع ريماس ومساعده فاتن ورغد لهم أنتهوآ من كل شي
شهد بخوف : كيف شكلي خربتني الكوآفيره حسبي الله عليها
فاتن : وربي مخليتك ملكه جمال
ريم شوي وتبكي : مهآوي انا خايفه لاتتركيني
مها تضمها : لآتخافي ياحبيبتي انا معاك مستحيل أتركك
سمعوآ صوت دق قوي على الباب ودخلت حرمه عجوز
الجده : سلام يابنات
الكل بأستغراب : وعليكمم السلام
الجده : وين زوجآت عيال بناتي بكحل عيوني بشوفتهم
شوق ومها كاتمين ضحتهم وردت ريماس : تفضلي ياخالتي هذي شهد وهذي ريم
الجده : مين زوجة حبيب قلبي سيف
مها تبوس رآس الجده وتقرب من ريم : هذي ريم زوجة سيف
الجده طالعتها بتفحص وسلمت عليها : الف مبروك يابنتي منه المال ومنك العيال الله يرزقكم الذريه الصالحه
ريم تبوس يدها : أمين ياجدتي
الجده تطالع بشهد : وهذي زوجه يوسف
شهد بحياء : أيه أنا
الجده تبوسها : الله يحفظك ويحميكم يارب
شوق : تفضلي ياخالتي استريحي
الجده : لا والله يابنيتي بطلع اشوف المعازيم مع بناتي
شوق : برآحتك
فاتن تهمس لشهد : شكلها طيوبه بس ملقوفه
شهد تضحك : شكلهآ كذآ بس حبيتها من قلبي
ريم تدق شهد : لا تغتابين بليلة عمرك
شهد : ما أغتبت مدحت اووف حتى اليوم جالسه لي على الكلمه
ريم تغمز لها : من الخوف والله
ريماس : شوق وين فستآآني بدخل ألبس
شوق : شوفيه على الطاوله اللي ورآك
مها : يالله استريحوآ انتم يالعرايس .. وبعدين كل وحده شهد روحي الغرفه الثانيه
شهد ترجع طرحتها على ورى : طيب بروح بس ساعدوني الفستان ثقيل
شوق سلمت عليها وباستها : مبروك حبيبتي ان شاء الله افرح بعيالك
شهد : امين
سمعوآ أصوآت من خلف الباب وبعدهــآ دخلت كوثر ومعها ساميه الي تحاول تمنعهآ



^^^
^^
^
؛انتهــــى البــــــــــــــارت ..

[شمس القوايل]

يعطيج العافيه قلب الزهور ع الطرح والمجهود

عساج ع القوه

ننتظر جديدج القادم

[قلب الزهـــور]

اقتباس المشاركة الأصلية كتبت بواسطة شمس القوايل يعطيج العافيه قلب الزهور ع الطرح والمجهود عساج ع القوه ننتظر جديدج القادم

هلااااااااااا وغلااااااااااا
يسعدلي قلبك ويسلمووو ع الحضور الرآئع بصفحتي
تقبلي شكري تقديري واحترامي
مع تحياتي قلب الزهور
بباي

[قلب الزهـــور]

يا خاطفي وين ألقى عزتي في زمان المذلة !

البارت السابع والعشرون ...~

[قلب الزهـــور]

يا خاطفي وين ألقى عزتي في زمان المذلة !

البارت السابع والعشرون ...~


تدري وش ناتج غيابك ؟
زادت بـ قلبي الهموم !
[الفَرَح ].. عنِّي مسافر
وحزني ضيفي كل يوم
صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل هـ الضيق ضيقه ؟!
عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه بـ الجروح
يعني جرحي ما يهمِّك ..!؟
وعادي عندك لو [ أضيق ]
إنسى إنَّ إسمك .. حبيبي
صير لي عون وصديق



سمعوآ أصوآت من خلف الباب وبعدهــآ دخلت كوثر ومعها ساميه الي تحاول تمنعهآ
سآميه : كوثر لاتفشلينا ويش تبين فيهن قلعتهم
كوثر بقهر وسخريه: بسلم على شهد مو صديقتي
ساميه : كوثر خلاص وربي لو تدري جدتي غير تسمعنا كلام حنا بغنى عنه
كوثر تدف الباب وتدخل
: السلام عليكم
الكل : وعليكم السلام
فاتن بنبرة حاده : خير داخله بدون أحم ولا دستور
كوثر تتخصر : فاتنوه لاتقربي مني خليك بحالك
ريماس أنقهرت منها : خير ويش تبين ياكوثر
كوثر بغرور : بشوف شهد وأسلم عليهآ
شهد مليت فمهآ ماتبي تسلم عليها لكن جاملتها : هلا كوثر .. قربت منهآ كوثر وسلمت عليها
كوثر بدون نفس : مبروك
شهد : الله يبارك فيك عقبالك
سآميه دخلت من بعدهآ ووقفت تطالع ريم وشهد بنظرآت أستحقار
ساميه : كوثر تعالي ابيك
شهد أنقهرت ورفعت صوتها : أأوف نآآس ترفع الضغط على ويش شايفين نفسهم
طنشتهآ كوثر وهي تتوعد بدآخله ريم وعيونها كلها شرار وقهر .. وساميه لاتقل عنها حال
طالعوآ وسكروآ الباب ورآهم
ريماس تأخذ فستانها : صدق ناس حقنقر
فاتن : كوثر مره متغيره
رغد تأشر لفاتن : أنا بطلع للقاعه برى
دق جوال شوق وردت : هلا فهد
فهد : شوق ترى رزآن توها دخلت أستقبليهآ ترى ماتعرف أحد
شوق : أبشر الحين بطلع لها .. مع السلامه .. قفلت الخط ورآحت لجهة الأستقبال
شافتها وآقفه عند المرايا تزبط شكلهآ بفستانها القصير لفوق الركبه
شوق بابتسامه : هلا وغلا برزآن ..
رزآن لفت لها وسلمت عليها : هلا فيك حبيبتي .. الف مبروك زوآج خواتك
شوق : الله يبارك بأيامك يارب .. الحمدلله على سلامتك
رزآن : الله يسلمك .. أقول شوق توي شفت بنت يبكون عسى ماشر
شوق عقدت حواجبه : من اللي يبكي
رزآن : والله معرف بس باين في شي كبير أنفجعت خفت أحد ميت
شوق ضحكت : لا ان شاء الله مافي الا كل خير .. تعالي اعرفك على خوآتي
رزآن تأخذ شنطتها وقربت من شوق وهي تتأمل القاعه اللي عجبتها : شكل الفرح حلو
شوق : ايه تفرجي بأفراح أهل الحجاز
رزان تهمس لها : سمعت ان افراحك خطيره والحين بشوف بعيني
شوق : بس أذا ماعجبك لا تسبين
رزآن : افا عليك خليني اشوف بالأول وبعدين أحكم
جآت هنادي تتمخطر تبي تقهر أهل سيف ومسكت يد عبير صديقتهآ الصدوق ووقفت قبالهم
هنادي : عبورتي تعالي نجلس نسولف من زمان ماحشيت وفي وجيه لابد نعلق عليهآ
عبير تشبك يدهآ بيد هنادي : تعالي هنوده أحس اني أنكتمت خلينآ نطلع
هنادي تهف بيدهآ : أبي أوكسجين أحس بيغمى علي وين رآح الآكسجين
عبير طلعت عيونهآ قدآم وهي متقنه جيده للفلم اللي يسونه : بسم الله عليك حسبي الله على من كان السبب .. تعالي هنآ الجو كله ثاني أكسيد كربون أعوذ بالله شفطوآ الأوكسجين
هنادي تغمض عيونها : أبي هوآء ابي هوآء
جت شوق ورآهم تضحك : بنت انتي وهي ويش تسوون
هنادي بأرتباك : لا بس اقولهآ صدري يوجعني
شوق بخوف : يعورك مره
هنادي ترقع : لالا بس مين القمر اللي معآك
شوق بأبتسامتها المعهوده : هذي رزآن .. وهذي هنادي بنت عمي يارزآن
رزآت تسلم عليها : كيفك هنادي شخبارك
هنادي : بخير عساك بخير دآمني بزوآج فأنا عال العال
رزآن تضحك عليها : عقبال ما أحضر زوآجك
هنادي ترفع يدها : أمين يارب وقريب أن شاء الله
شوق تضربهآ : يابنت أستحي عيب عليك
رزآن : يابنت خليهآ تضمن مستقبلهآ .. الحين الرجال قليل
شوق تمشي : تعالي اعرفك مهاوي
رزآن بفضول : اللي أسمع فيهآ وماقد شفتهآ من قبل
شوق تأشر لمهآ عشان تجي لجهتهم : ايه هذي مهآآوي

بجهه ثانيه من القاعه
كآنت جالسه لحالهآ تندب حظهآ اللي ماوقف يوم بصفهآ ... حبهآ ضاع قدآم عينهآ
شافتهآ سآميه لوحدهآ ماحبت تثقل عليهآ بأسئلتهآ وخلتهآ لحالهآ عشان ترتآح

{ســآمــيــه }
آآخ ياقلبي من أشوف كوثر تبكي أتذكر حالي وأضطر أبلع الغصه ... وأكتمهآ بروحي وما أخرجهآ لبرى .. كنت أحبه ومستعد أسوي المستحيل من شانه أتغير كلي لو يبي عشان خاطره لكن للأسف أتضح أني أتوهم حبه لي وأهتمامه وبالأصل مافكر فيني ...أكتشفت هالشي متأخر كثير بعد ماتعلق قلبي فيه وصار همي الوحيد حبه ورضآه شفت اللي أختارها تكون شريكه حيآته طول العمر .. شفت اللي يحبهآ ويبيهآ وحفى من شآنهآ .. كرهتها من قلبي نفسي تموت ويذوق الحسره بقلبه ولايتهنى معها يوم وآحد احسدهآ عليه وعلى حياتها معه لأني ياما تمنيت أكون بمكآنها ..يوسف حلم طفولتي وصباي ماكنت افكر الا فيه ... لكن هذي هي الأقدار تغير كل شي ماتجي على أهوآئنا .. قلبي ويش حاله الحين ؟!.. آآآه بس الله يهنيك يايوسف مع اللي اخترتها رغم اني ما اقدر اخون قلبي وانسآك هذي أمنيتي الحين اني انساك لكن مـــــســــتـــحـــيــل ... انا خسرتك والى الأبد .. نزلت دمعه مسحتها بسرعه وحبست سيل الدموع اللي استعد للسيلآن وتمآلكت نفسهى وتحكمت بقوآها .. شافت شكلها بالمرايا قبل تمشي للكوشه وزبطت كحلها وروجهآ ومشت بثقتهآ المعتاده

كآنوآ جالسين بصفين متقابلين صف فيه أهل العروسه وصف لأهل العريس .. وكآنت الحرب حآميه بينهم بشكل ملحوظ .. أخوآت ريم وشهد شآدين نفسهم ومتحملين ضغط اخوآت سيف وخالاتهم وأخوت يوسف عدآ غدير اللي معهم وبصفهم
مها تقرص هنادي وتهمس بأذنهآ هي وهديل اللي ماتقل شر عنها : وربي لو اشوف حركات بايخه مايصير لهم خير
هديل بصوتهآ العالي : ماتشوفين حركآتهم كأننا اعدآهم مو أنسابهم
هنادي تتخصر : شوفي رآفعين خشومهم على ويش ياربي لك الحمد لا جمال ولا شي يفتح النفس
شوق : اوووش عيب عليكم فضحتونا ماتعرفين تتكلمي بصوت وآطي
هنادي بتمرد : لا ما اعرف وربي لا ادق خشومهم المتكبرات
حنين بترجي : الله يسعدكم اسكتوآ لو امي تسمعنا قسم لا تورينا الشغل
مها بتهديد : قد أعُذر من أنذر
هديل تصرفها : طيب بنسكت اووف
ريماس تضحك : رغد اختك هنادي شرانيه مره
رغد بقهر : ماتشوفين حركاتهم صدق ناس تافهه
فاتن مقهوره زيهم : اقول ويش رايكم نوريهم الشغل احس اني حقدت عليهم
هنادي : ايه ايه موافقه خليك معي فتونه
فاتن تدقها : افا عليك انا بصفك بس متى الهجوم
جآآت سآميه وورآهآ كوثر وجلسوآ مع بنات أعمامهم وخآلآتهم
ضحى بغرور : شوفي القرويات كيف يطالعونك
سآميه بنفس الغرور : مع نفسهم خليهم
فجر : اقول بنات خلونآ نرقص طفشت أنا
وبدوآ يرقصون ويصفقون ويصارخون وبدت أجوآء الوناسه والفرحه تخييم على الكل وطبعآ ماتخلوآ من مناوشآت خفيفه بين البنات
غدير تسحب هنادي : قومي ارقصي معي
هنادي : لالا انا ما اقوم الا بطلب خاص
غدير : افا عليك ويش تبين أغنيه اخلي المطربه تغنيهآ
هنادي تفكر : امممم ابي شي حماسي يرقص
غدير : بأطلب لعبدالمجيد عبدالله مرتاح أوكي
هنادي : يس يس .. رآحت غدير وطلبت الأغنيه وبدوآ يرقصون عليهآ بآلأضافه لبعض المعازيم

بغرفه ريم
شوق تسآعد شهد وترفع فستآنهآ عشان تروح غرفتها للتصوير وتقابل يوسف
شهد بدت ترجف وضيقة عيونها بخوف : شوق أنا خايفه مرره
شوق تمشيهآ : مافي شي يخوف .. وبدت تقرأ عليهآ وتحصنهآ من جديد وتحاول تهديهآ
بعد ما دخلوآ الغرفه المخصصه لشهد وشافتهآ مرتبه وكل شي متخذ وضعه الصحيح
شهد تأكد على شوق : مو تنسين جيبي ميشو بتصور معه أوكي
شوق : قبل يجي يوسف اجيبه عشان تأخذ لك صوره حلوه معه
شهد حست برآحه : تمآآم .. الا اقول شوق لاتتروحين خليك معي وربي متوتره
شوق تجلسهآ على الكرسي وتعدل فستآنهآ وطرحتهآ : ياعمري ليش تتوترين هذي أحلى ليلة بعمرك حاولي تستغلي كل لحظة فيهآ وعيشي جوك بالفستآن الأبيض
شهد أرتاحت أكثر من كلام شوق اللي خفف عنها الكثير من التوتر : كلامك كله صح
شوق بآستها على جبينهآ : أحد قالك طالعه قمر
شهد حمرة خدودهآ : انتي بس
شوق تغمز لهآ : بطلع اشوف الأوضاع ورآجعه لك حبي