الشريف إن جاك خلك له موالي=من نساه اعوام ما والله نسيه
ماقوى ينساك ماهو يوم سالي=ياشبيه البدر مامثلك شبيه
لوتقول انساك ردي لك محالي=لو امرت القلب ينسى ماقويه
لو نسيتك يوم يومي ماصفالي=قبل لابداه إبثواني انتهيه
دوم المراجل ماتجي غير قوّه=فرق ٍ ترى مابين إنسان وإنسان
ماكل حي ٍ مِشْعِل الطيب ضوّه=( ماكل سلطان ٍ ليا قلت سلطان )
رجل ٍ مِطَر لاجاك يسبقه نوّه=اسقى قلوب ولا بقى اليوم ضميان
احلى طقوس الجو ياناس جَوّه=شُوفِه ربيع وكِنها الارض بستان
ياسيدي تو الحيا عاد توّه=غنّت ورود الشوق في كل الأغصان
جفن وضِمي شوفتك بالشوف روّه=إليا وصلت الجفن بالشوف رويان
حبك ترى في داخل القلب جِوّه=ماهو صنيع الناس من صنع رحمن
صِنع البشر يمكن ليا جا مموّه=مير انت لك في داخل القلب مسكان
انت الوفا والخير وأنت المروّه=انت الكرم مع جود مع طيب واحسان
كل ٍ يقول الخير هذا سموّه=رجل ٍ سعى للخير من عدة ازمان
اما المعادي كان قد بان سوّه=يلقى في سلطان الوفا ( جمع شجعان )
عزّي لمن داخل فؤاده تشوّه=ضيّع طريق الدين ماقال غلطان
ضيّع اخوه ولا درى من عدوّه=غرّوه زمره خاوت اليوم شيطان
لاهو حفظ دينه وعز الأخوّه=( من قال طبعه جات به بعض الأديان ؟ )
في دار خير ودار فيها النبوّه=وده يفجر يشعل الارض نيران
ماهو لقافي مير جبته انوّه=يوم ٍ ذكرته ثار بالدم شريان
بَقْصِر طريقه دام دربه يتوّه=حيّر عَقِل عِقّال وإحتار شيبان
فِكر وظلال وحاسب إنّه فتوّه=قابَلهِ عَقل ٍ وازَن الفكر ميزان
ياسيدي أنت الابو والأبوّه=طبع ٍ وجانا بالفِعِل فيه برهان
هذا مقال و وافي القول هوّه=( ماكل سلطان ٍ ليا قلت سلطان )
صح بدنك اخي الحبيب
مروق البال
لم اقول ولم اكتب ولم إبدع من القاف إلا ماشعرت به تجاه سمو سيدي يحفظه الله
بل ما اشعر به تجاهه يحفظه الله انا وكل شعب المملكة اكبر بكثير مما قلت وقال غيري من الشعراء
مع انني لا اعتبر نفسي منهم ولازلت الهاوي المحاول
كل الشكر والتقدير لك
ولك تحياتي