ياسيدات وآنسات وعانسات
مدينتي ملي تبي تحتلها ..؟
تسابقوا سبق المهار الصافنات
اللي تطاير فالهبوب أقذلها ..
يغريكم الشاعر وتنسون الصفات
وأكثر شواعير الخليج ..سفلها ..
من لاعشقني ذات يفقدني سمات
عن كثرة احبابي كفاني قلها ..
تسابقوا والأولات ؟ الخاسرات
ماعاد أقبلها شلون أقبل لها..
ماعاد في قلبي مكان لذكريات
وماعاد فعيوني دموع أهلها ..
أنا بقايا رجل مع كوم احزيات
تتله حبال الحزن و يتلها ..
استهلكتني ام العيون الذابلات
اللي ماتعرف دقها من جلها ..
أخرى ولكن غير كل الأخريات
تعطش نباتات الدروب لطلها ..
اليا أقبلت كنها تخطا من حصات
وان ادبرت كن السحاب أتشلها ..
الفاتنات الساحرات الغانيات
عندي ماتسوى خصلة من خصلها ..
فالليل صبح ولا اصبحت عقب المبات
توخر الشمس وتجي محلها ..
ياشيب عيني يالوصوف الخافيات
بقولها لو قومها تفطن لها ..
أحبها حب البنادم للحياة
وتسيء لي وأبرها وأحسن لها..
أنا غريب ومجرياتي مجريات
أبيها وادعي ربي يسهل لها ..
أحب نفسي كل ماشفت الطغاة
تستخدم العالم وتستغلها ..
يالصبر .. والأنفس شحاح ومكرمات
تدلها والا أنا اللي ادلها ..
خذني من يديني بلا مقدمات
أنا صديق أقسى الدروب وخلها ..
أنا جهه بلحالها غير الجهات
تكسرني الدنيا وأنا اعدل لها ..
أنا اكثر إنسان ايخلق مبررات
ياكم علاقه تنطوي وأفلها ..
حليت فالإنسان وااااجد معضلات
اللئم حاجه ما عرفت أحلها ..
بااصادق الحيوان وامشي فالنبات
ولا بشر تنذل للي يذلها ..
الناس في عصر الأسف والإنفلات
ماعاد به زله ماهيب تزلها ..
ماعاد تفرق فالحقوق و فالهبات
تعمل معاها تحسبك تعمل لها ..
الشارع المليان غش و معطيات
أن ما تسامى بالقلوب يعلها ..
ملغي الرمادي من ظروف الكائنات
ما عنده الا اسوأ لها .. وأفضل لها..
يالثائر اللي منجياتك مهلكات
مابه سيوف اصلا" عشان تسلها..
مادام صار البحر قسمه واعطيات
أغرف بيدك مايعادل بلها ..
مابه ثبات الا على انقاض الشتات
والاحلام لذتها قبل توصل لها..
واجمل من الاحساس من بعد الصلاة
احساسك اللي قال قبله صلها ..
صداقتك مع شعورك .. عز ذات
وخصومتك مع الحثال .. تجلها ..
يامنقض جروح الخفوق المرمسات
رااااااااااااحت حياتك قلها في قلها
جعلك فدا اللي عاش ربح ويوم مات
خسارته على القبيله كلها ..
والا أنت لو تركب مع باص البنات
مادورن عبيها و شيلها ..
عن الكلام الشين يازين السكات
ناس ماتوصل مستواها خلها ..
تعلم ان الله خلقنا طبقات
والناس تعلو لاتناقص غلها..
فاليا جلست فمجلسك مع الخوات
خل الرجال اللي يظلل ظلها..
خلو سوالفكم عن آخر الأغنيات
و هذا بغى هاذي و هذي ملها..
المجد لو إنه يجي بالأمنيات
سادوا على اعزاز الرجال أذلها..
هدير الماء.. انا.. طيب علامك يالورق ظميان ابي ترمي القلم وسط الصور وتبلل الحاني انا ادري وجه كل هذي الصور ياصاحبي ذبلان ولكن تلقى من باقي ملامحهم ورى اشجاني تقضب في حبل هذا الغلا ولاتقطع الخلان وحتى لو نسو صوت الحزن من رنة أوزاني وزفير ٍ لانفثني رحت أولع صوتي البردان وصور ووجيه من نار وجمر..فى داخل اجفاني هنا بنت تبللهاالاغاني وتلبس الالحان وهنا كنت ارقى من فم الدعاوي فوق شيطاني وهنا لامرت الذكرى وسط بالي على جنحان ادورني وسط عمري ولا القى فيني اغصاني وهنا عشق ٍ يغنيني ويفرد للمسى أغصان اجي طاير على هذا الغناء يكسر لي جنحاني!! وهنا ام محاجرها أتشرب من فضا القرأن قلبت عيوني بعيون العجوز وشفت قرأني خليط القمح والماء السرابي من ورى الاجفان أنا هذا الأنا ولاّ معايا واحد ثاني اجوع وينكسر وجه الاماني واشبع الاشجان ظما وهذا النهر يجري ويروي اطراف شرياني اشوف بداخلي طلسم معاني وتمتة شيطان وعلى الاوراق من امشي اكون بهيئة ايماني انا من مر من فوق السراط المستقيم الأن وبعد نشوة حبر تحت الشتايم روح تلقاني أكون احيان في قلبي وفي عقلي بعض احيان ولا ادري من يوديني ويوقفني على لساني انا المفقود من عين السؤال شلون حال فلان اغط عمري وسط ليل الحسافه بأه والقاني اقول الدان تتهشم ضلوعي دان ليله دان وغيري في ألم ليله يصبح من على داني كتبتك ياتعب عمري ودور لك على انسان يقط برده ويرميني في وسط البرد وحداني