العودة   منتديات الـــود > +:::::[ الأقسام الثقافية والأدبية ]:::::+ > منتدى القصص والروايات
إضافة رد
   
 
أدوات الموضوع تقييم الموضوع انواع عرض الموضوع
قديم 21-02-2013, 02:18 AM   رقم المشاركة : 331
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

يا خاطفي وين ألقى عزتي في زمان المذلة !
:::
:::
:::

ببيت أهل يوسف
غدير تجري ورى مشآري وتشيله : ليش تتعب عمه يالله تعال اجلس عندي
ام يوسف بتضجر : ياغدير وديه عند ماجد دوخني بحركته
يوسف يعترض : لالا هاتيه عندي ماجد يخرب لنا تفكيره ويلعبه بدفاشه
ام محمد تطالع بشهد وقال بقصد : شد حيلك وهات لنا ولد والعب معه زي ماتبي بدل ماتلعب مع عيال الناس وتصرف عليهم وماحد يدري عن اصلهم ولا فصلهم
شهد انصدمت من كلمة عمتها وتعلقت عيونهآ بيوسف اللي سكت وتغيرت ملامحه من كلام امه ونزل رآسه .. أمآ غدير تسحبت بهدوء واخذت مشاري معهآ لانهآ حست بان الجو بيدأ يتكهرب
يوسف بأرتباك: يآيمه لسى حنآ عرسنآ تونا بأول حيآتنآ بدري علينا
ام يوسف : اي عرسنآ صار لكم كم شهر متزوجين وتقول عرسنآ ... انا ابي اشوف عيالك قبل اموت .. مو اشوفك تربي عيال ماهم من صلبك
شهد : ياخالتي ماله دآعي اللي تقولينه لك طولة العمر ان شاء الله
ام يوسف : والله ياشهد انا بشوف عيال ولدي قبل اموت ماحد ضامن عمره .. ومايهون علي اشوف ولدي يربي عيال غيره .. وياليته ولدك
شهد وقفت والنار تتأجج بدآخلهآ تبي تصرف نفسها : انا تأخرت بنزل اكمل شغلي
ام يوسف تدقهآ: الحريم اول مايطلعون الا اذا خلصوآ كل اشغالهم اما بنآت اللحين الله يلطف بحآلهم بس
شهد تلف الطرحه ووجههآ انصبغ بكل الألوآن من كلام خالتهآ اللي كدر خآطرهآ وقالت بصوت معصب : مع السلامــه ..
لحقهآ يوسف بعد ما اخذ مشاري من عند مآجد وغدير ونزل بسرعه لشقته .. شآفهآ تنزل عبايتهآ وملامحهآ حآده والدمع متجمع بعيونهآ
يوسف : شهد
شهد رفعت صوتهآ: بليز يوسف لا تكلمني كآفي اللي سمعته من امك
يوسف يحآول يهديهآ : اعذريهآ حبيبتي هذآ تفكير الناس الكبار
شهد تلف عليه وتبعد خصلهآ عن وجههآ تخصرت وبقهر قالت له : تفكيرهم؟! .. لاحبيبي بس امك من زمآن تلمح لي بس انا اطنش بمزآجي .. اذا مفكره انك تصرف على مشاري روح فهمهآ انك ما تحط له ريال وآحد وانا وابوي مو مقصرين عليه .. ولا تجلس تذلني وتمن علي وعلى مشاري المسكين
يوسف عقد حوآجبه وتمالك اعصابه لا يعصب عليه بسبب كلامهآ لكنه متفهم موقفهآ :شهد عن الغلط
شهد رفعت حاجبها وميلت فمهآ : غلط ؟ يعني انا غلطانه .. طيب تعال ايش خص امك تقول جيب لك ولد ومدري ايش حتى بحملي تبي تتدخل .. يوسف ارجوك انا اهلي مايتدخلوآ بحياتنا خلي امك تبعد عنآ .. خلنا نعيش برآحتنا اذا انت اخترتني عشان تحبني فأنآ لا يمكن اسمح لأي مخلوق يتدخل بيني وبينك لاني احبك ومابي شي يخرب علينا حياتنا حتى لو كانت امك
قرب منهآ ولف يده على ظهره ومسح عليهآ : الحين ليش معصبه وقومتي الدنيا ماقعدتيهآ انتي طنشي تدرين اني انا اسمع كلامهآ من اذن واطلعه من اذن هذآ طبع امي ماعرفتيه ؟
شهد والدمع بعيونهآ وبصوت مخنوق: بس كل شي الآ ميشو جرحتني مره لما قامت تتكلم عليه والله لو اجيب عيال مايجون بغلآته
يوسف : والله حتى انا اغليه واحبه بس ايش نقول مالنا الا نسكت "بآسهآ على جبينهآ ".. لا تخلين هذآ الموضوع يعكر مزآجك
شهد والقهر والنار يلعبون فيها : الا بيعكر مزاجي ونص الله يهديها خالتي ماتراعي بالكلام
يوسف يبتسم ويرجع يبوسها على جبينها : حقك علي اعتبري ان انا الغلطان
شهد ضمته : تعرف كيف تهديني ...الله لايحرمني منك
يوسف ضحك : ايوه هذي شهد اللي ابيهآ ...
::
::

بسلــطــآنــه
كآنوآ يتسوقون ويسآعدون فاتن بأنتقاء بعض الأغراض
رغد : فتونه خلينا ندخل ذآ المحل بشوف السآعآت اللي فيه
فاتن : اوكي يالله نتفرج ويش ورآنآ
هنادي : ستووب شوفوآ أنآ بروح بآسكن روبنز بشتري ايس كريم مع هذ الحر ماعاد اقدر استحمل
سمر بلقافه : ياسلام عليك ياهنوده تجيك الأفكآر بالتوقيت المناسب بروح معك
رغد بأعترآض : لالا وين تروحون خلوكم معنآ
هنادي كشرت : رغيد الله يخليك وآفقي والله نفسي فيه يعني يهون عليك اشوف المحل وما اروح له
سمر تأشر عليه من بعيد : شوفي مابيننا الا خط خليننا نروح ارجوك
فاتن : خلاص انا اقولكم روحوآ سحوره اذا بتروحين بعد روحي معهم
سحر بكسل : والله مافيني اروح معهم
هنادي تسحب سمر قبل رغد تتكلم : يالله سيوو .. ورآحوآ مع بعض
فاتن : يالله رغد خلينا ندخل المحل
رغد بحمآس : يالله ياعروس .. ودخلوآ المحل مع بعض
أمــآ عند هنآدي وسمر
خايفه من ردة فعل هنآدي اذا تكلمت معهآ بس هي تبي رائيهآ لانه يهمهآ وتثق بهنادي قالت بتردد : هنوده
هنآدي : هلا سموره
سمر : بقولك شي بس لاتعصبين وابي رائيك بصراحه طيب
هنادي استغربت كلام سمر ونبرتها اللي واضحه فيها الجديه : احس وراك سالفه ماهي هينه
سمر : شوف هنوده بمر محل النظآرآت وبشتري لسآمر هديه ويش رايك
هنادي طلت فيها بصدمه : ويش قلتي هديه ؟
سمر بحياء : ايه هو دايم يرسل لي مع خلود متفشله منه ويش رايك
هنادي بخوف : لالا شيلي الفكره من راسك والله لو تدري شهد والا رغد والا مها .. ترحمي على نفسك بس
سمر تضربها قبل يدخلون المحل بخفه : لا ياخبله بيكون بيني وبينك .. تكفين هنوده شجعيني لو مره بحسسه اني احبه صدق
هنادي كشرت وتسحبها لجوآة المحل : طيب خشي خلينا نشتري وبعدين نقرر
بعد ما اشتروا وطلعوا
سمر : ويش قلتي هنوده ترى الفلوس معي
هنادي بتردد : بس اخاف احد يعرف وتصير لك مشكله
سمر : تهادوآ تحآبوآ كذآ قال الرسول اللهم صلي وسلم عليه
هنادي : عليه الصلاة والسلام ... اقولك هي خاربه خاربه امشي يالله اشتري عشان نوديها محل يغلفها
سمر بفرح : هذي هنادي اللي اعرفها مشينا للمحل
أمــآ عند فاتن اللي كانت منسجمه بالمحلات وتحاول تخلص لو شي بسيط من تجهيزاتها للزوآج بمساعدة رغد وسحر
سحر : فتونه شوفي هذي الشنطة تهبل
فاتن تلفهآ وتتفحصها : شكلها يجيب العافيه بشتريها
رغد : ههههههه حلوه تجيب العافيه الموهيم حاسبي بسرعه
فاتن : ليه ؟






التوقيع :
اضغط على الصورة لفتحها بصفحة مستقلة

رد مع اقتباس
قديم 21-02-2013, 02:19 AM   رقم المشاركة : 332
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

يا خاطفي وين ألقى عزتي في زمان المذلة !
:::
:::
:::

رغد تدفها: مليت من ذا المحل يالله حاسبي خلصينا
فاتن : بشويش لا تدفين ...
بعد ماطلعوآ من المحل ومشوآ بطريقهم كآنت سحر تقولهم عن نكته وصلتهآ من لينآ هذي اللحظة لفت وهي تضحك لكن غصة بضحكتهآ لمآ شآفت المكان اللي كآن قبل سنه ونص أو اكثر ترك اثر بحيآتهآ مستحيل ينمحي مهمآ مر عليهآ من وقت تذكرت اليوم اللي صآر فيه الحآدث ومر طيفه وتردد صوته بسمعهآ ... بدت تأسرهآ الذكريآت لعالم أخر وتشوش افكآرهآ حست بحرآرة الدمع بعيونهآ وأزدآدت نبضآت قلبهآ وأصبحت تخفق بشده .. رجعهآ للوآقع صوت ضحك سحر وفاتن
سحر : ويش رايكم بالله
فاتن ميته ضحك : تموت ضحك الله يرجها لينا عليها مسجآت تفطس ضحك
رغد وبنرة صوتهآ تغيرت : خلونآ نمشي بسرعه ودقي على هنآدي خليهآ ترجع يا سحر
فاتن استغربت : بس بدري
رغد : خلونا نروح مطعم نتعشى وبعدين نرجع اللبيت انا تعبت من المشي
سحر : معك حق والله الحين اكلم هنآدي
بعد ماطلعوآ من المحل مبسوطين وبنفس الوقت خآيفين
هنادي : متاكده ان النظآره بتعجبه ذآك القروي
سمر تكرشهآ : هيه ما اسمح لك تقولين عنه قروي
هنادي بترفع ضغطها : وووع اصلا مدري وين عيونك يوم حبيتيه
سمر زعلت : هنآآآآدي ترى تجرحيني بذآ الكلام
هنادي تدفها : امشي امشي ... بدت حركات البزارين .. والله خرب الحب يوم عرفتيه انتي والمتعوس سآمر
سمر بترد عليها لكن دق الجوال
هنآدي : هلا سحر .. طيب بنجي احنا قريبين منكم سيوو

بآلــرياض
صوت ضحكهم مآلي اركآن القصر .. وعايشين جوهم ومستنانسين
ندى : هههههه آآآه بطني ماني قادره اتحمل اكثر
شوق ميته ضحك : كله منك هذا فلم تجيبينه
ندى تشرب عصيرها : ويش اسوي قلت كوميدي بس ماتوقعته للدرجه هذي
شوق : يعطيك العافيه استانست مره معك تكفين لا تقطعين وكل يوم تعالي
ندى : ترى ما انعطي وجه كل يوم بتشوفيني هنا
شوق ضحكة : البيت بيتك
ندى فتحت عيونهآ : يمه لاتسمعك العقرب ذيك بعدين بتقول " تقلدها " .. لاتنسون انه بيتي بعد ولي حق فيه زي مالك حق فيه يا مدآم شوق
شوق : هههههههههه قصدك رزآن
ندى : الله لا يكرهني بمخلوق قد كرهي لهآ ما أطيقهآ وربي ياشوقه بكيت مره يوم دريت ان فهد بيتزوجهآ بغيت انهبل
شوق كشرت وهي تتذكر ذيك الايام اللي صدمتهآ بفهد : تكفين لا تذكريني
ندى توطي صوتهآ : اصلا استغفر الله انا اشك فيهآ البنت احسها مو طبيعيه
شوق عقدت حوآجبهآ : ويش تقصدين ؟
ندى : مدري تصرفتها ما تعجبني وتحسينهآ لئيمه صح انها بنت عمي بس ما ارتاح لها ابد
شوق : انا تقهرني لما تتدلع عند فهد وتسوي نفسها تحبه انا فاهمه انا بتغيضني
ندى : ههههههههههههههههههه تغارين عليه .. يآآهـــوووو ياحركآآآت
شوق انصبغت ملامحهآ باللون الاحمر : ندوووش عيب
ندى ترفع يدها : يارب ترزقني بزوج يدلعني
شوق : اللهم امين ... بس متى نفتك منك
ندى رفعت حاجبها وتمثل الزعل : لهدرجه ثقيله عليك .. استآآهل اللي اوقف بصفك
شوق : ههههههههه الا تعالي ويش مخططه للخبر
ندى بحماس : كل اللي يعجبك بس حطي براسك اني برفع ضغط رزآنوآ وخوآتهآ واكيد انتي معي
شوق : اكيد معك قلبا وقالبا
سمعوآ صوت ورآهآ : مشاء الله اشوف الناس مبسوطين
ندى وقفت ولفت بسرعه وصرخت : فـــــهــــــود
فهد ابتسم : هلا وغلا اسفرت وانورت يا ندوش .. ضمها وسلم عليها
ندى : وينك يالقاطع مانشوفك ولا تجينا .. جلس جنب شوق وجلست قبالهم
فهد : تعرفين الحين انا رجال متزوج ومشغول وجدول اعمالي جدآ مزحوم ما افضى ابد
ندى تغمز له : متزوج وفهمنآهآ اللي عنده مثل هالقمر مايقدر يبعد عنه ابد
عصف صدى ضحكآته بالصاله الوآسعه .. وعيونه على شق اللي تغيرت ملامحهآ وبدت ترسل نظرات شراريه لندى
ندى تحط رجل على رجل : شكلي ارتكبت شي محظور صح فهيدآن
فهد : ابدا ابد ماقلتي الا الصحيح
ندى تصفر : ياعيني ياروميو وجولييت .. اروح ملح على العزل العلني يافهد اووش بس لا تطب العقربه وتسمعنا قسم غير تقوم علينا القيامه
فهد استغرب وعقد حوآجبه باستغراب : مين العقرب ؟
شوق وندى طلوآ ببعض وبعدهآ : هههههههههه
شوق : سلامتك ماتقصد احد "غمزت لندى "






التوقيع :
اضغط على الصورة لفتحها بصفحة مستقلة

رد مع اقتباس
قديم 21-02-2013, 02:21 AM   رقم المشاركة : 333
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

يا خاطفي وين ألقى عزتي في زمان المذلة !
:::
:::
:::

ندى تميل فمها : ليش الكذب ياشوق .. انا اقصد يا اخي العزيز بالعقربه زوجتك رزآنوه
فهد كتم ضحكته واحتدت نظرته : ماله دآعي تقولين كذآ ياندوش احترمى وجودي على الأقل
انقهرت وصارت تطالعه بعيون شرانيه ماليتها الغيره الجنونيه لكنهآ تحاول تخبيها عنه وهي ماتدري انه شآيف الحب بعيونها وكلامها وبابتسامتها له حتى لو ما بينت هالشي هو متأكد منه وحآس فيه
ندى كشرت : سوري ... ماتوقعت تزعل يالزعول
فهد ضحك : اقول ويش رايك نزوجك ونفتك منك
ندى شدت شعرها : هيه علامك انت وزوجتك بتزوجوني وتفتكون مني .. ويش سويت لكم انا
فهد لف على شوق ويتساؤل : ليش ويش قلتي لها
شوق ابتسمت : نفس كلمتك
ندى بنبره شك : الله يستر منك انتم الاثنين احس بتسوون مصايب
فهد : هههههههههه ويش رايك تروحين بيتكم .. ترى الساعه بتصك 12
ندى ترفع حاجبه : بجلس على قلبك انا جايبه احتياطاتي معي وبنام عندكم
شوق شهقت بفرحه : صدق ندى
ندى صرخت : لاآآآ خربتي كذبتي مافي اكبر منها ان فهد يطردني ياعيبااه تطرد اختك
فهد يسند ظهره بتعب : لا اكبر ولاشي قومي روحي يالله
ندى فطست ضحك : ليش بتصرفني هاه قول ويش عندك
شوق تطالعه بنص عين : الليله ليلة رزان يمكن بيطلع الغرفه يستناها ترجع
فهد رفع حاجبه بصدمه وبحده قال : ليه وينها ؟
شوق خافت من نظرته وصوته ردت بسرعه : طلعت المغرب ومارجعت
فهد وقف وبانت العصبيه عليه : طلعت هآآآه ؟... طيب يارزآآآآن .. مشى من عندهم بسرعه وطلع لغرفتهآ ينتظرها
ندى بخوف : شوق علامه فهد
شوق : شكله عصب ان رزان للحين مارجعت
ندى تلبس عبايتها : طيب حبيبتي انا تاخرت بالرجعه .. تصبحين على خير
شوق : وانتي من اهل الخير موعدنآ بالخبر بعد يومين
ندى : ان شاء الله .. مع السلامه
شوق توصلها للباب : مع السلامه حبيبتي

اليوم اللي بعده
الصبآح وبنفس البيت ونفس الاشخآص .. صحت بدري كآلعآده غيرت ملابسهآ وصلت ونزلت تفطر حتى تطلع للاسطبل وتركب خيل فهد وتغير جوهآ
طلعت من غرفتهآ وهي تردد هذي الكلمآت
( اللهم بك أصبحنآ وبك امسينآ وعليك توكلنآ وأليك المصير ... لا الــه الا الله الوآحد القهآر .. ملك السموآت السبع والأرضون السبع ...) سمعت صوت فهد اللي وصلهآ من دآخل غرفة رزآن
فهد بتهديد : اضنك سمعتيني ما يحتآج اعيد كلامي .. انثبري ببيتك ابرك لك
صفق البآب ورآه بقوه وهو يتنهد ويحآول يتمآسك اكثر ومآيكون عصبي لدرجه مفرطه .. قآبلهآ عند الدرج واستقبلته بأبتسآمه شفافه وصوت حآني نسآه عوآمل غضبه
شوق برقه : صبآح الخير
فهد : صبآح النور .. قربت منه وبآسته على خده بنعومه
شوق بدلع : ليش معصب من الصبآح .. هدي نفسك حبيبي مافي شي يسوى
فهد ابتسم : صدقتي والله امشي ننزل نفطر
شوق تشبك يدهآ بيده وتنزل قبله : يالله ترى حدي جوعآنه
على طآولة الفطور
فهد : جهزتي نفسك للسفره
شوق تهز رآسهآ : ايه بس باقي ملابسك اليوم برتبهآ .. بكره نسآفر صح ؟!
فهد يشرب قهوته الصبآحيه : ايه بكره ... الآ ماتدرين باسل صحى او لا
شوق بأستغراب : لا والله مدري عنه " طلت بسآعتهآ " بس اتوقع صحى الساعه 7ونص
فهد يوقف : بروح اشوفه شكله سهرآن ورايح بسابع نومه
شوق تضحك : ويش عليك منه خليه ينآم ويشبع نوم ترى هو بأجآزة
فهد : بكره بيروح معنآ ابوي عزمه بعد بس شكله ماهو رآيح كله من سهره
شوق : لا حرام يجلس لوحده مع الخدم
فهد يمشي ويطلع من غرفة الاكل : مع السلامــه
شوق : الله معك
:::
:::
بآلمدينه
سمعت صوت بكآء حآد فتحت عيونهآ بتكآسل وتأفف وكلها ثقه ان هالصوت من مشاري لكن رجعت عيونهآ خآيبه وهي تشوف مشآري نآيم بسلآم في سريره قآمت بسرعه والخوف يمتلك قلبهآ وطلعت للصآلــه .. شآفت مهآ ومعهآ رنيم بنتهآ تبكي
رغد بصدمه : مهآآوي
مهآ اللي كآنت معصبه من بكآء بنتهآ : بسم الله شايفه شي غريب ؟
رغد ضحكة وسلمت عليهآ اخذت رنيم وشآلتهآ : بس جآيه بدري
مهآ: وين بدري الله يصلحك تدرين الساعه كم 1 الظهر وانتم بعدكم نآيمين
رغد بكسل : مانمنآ الا الفجر طبيعي ما نصحى حتى ميشو تعلم السهر
مهآ توقف بحمآس : بروح انكد على البنآت كآفي نوم
رغد كشرت : لا تكفين مهآوي برجع انام والله ماشبعت نوم خربتي احلامي انتي وصايح بنتك الدفشه ذي
مهآ تكلم بنتها : صرخي ياماما ازعجيهم عشآن يصحون " مدت يدهآ لبنتهآ " تعالي معي شان تفجعيهم بالغرفه
رغد فتحت عيونهآ على الأخير : مشاء الله جايتنا رايقه ... والله لو تصحى هنآدي غير تقلب الدنيا عليك
مهآ تمشي بأتجآه غرفة هنآدي وسحر وتفتح الباب بهدوء : اكيد شبعانين نوم وانتي صحي ميشو يالله عشان نحط لكم غداء .. آهـآ نسيت قصدي فطور
دخلت بشويش وحاطه يدهآ على فم بنتهآ عشان ماتصرخ وبعدهآ بثوآني همست بأذن بنتهآ : يالله يارنومه الحلوه صرخي بقوووووه






التوقيع :
اضغط على الصورة لفتحها بصفحة مستقلة

رد مع اقتباس
قديم 21-02-2013, 02:22 AM   رقم المشاركة : 334
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور


يا خاطفي وين ألقى عزتي في زمان المذلة !
:::
:::
:::

سمعت كلام وامهآ وصرخت بكل ماتملك من قوه وصوت .. وقآموآ كلهم مفزوعين
سمر نطت من مكآنهآ : بسم الله ويــش صاير
سحر تصرخ : يمــــــه ويش ذآ
ريم : حرآم عليك مهاوي ويش سويتي فينآ ؟
هنآدي مسكت المخده اللي جنبهآ ورمتهآ على مهآ : الله يأخذك انتي وبنتك " صرخت بقوه " بـــــرآآآآ
مهآ ميته ضحك فتحت الستاير : قوموآ يالله الظهر اذن من زمآن
سمر شوي وتبكي : حسبي الله عليك نكدتي عليا احلى احلى حلم بحياتي
مها : قوموآآآآ يالله
سحر وقفت بكسل وتأفف : من له نفس يكمل نومه بعد ماشاف وجهك انتي وبنتك .. اضن لو ارجع انام بتجيني كوآبيس
رنيم تمد لسآنهآ لسحر : انا حلوه وماما حلوه بابا دآيم يقول كذآ
سحر ترد عليها بنفس طريقة كلامهآ : هذاك بابا الله بلاه بجياكر ايش تبغي يقول غير كذآ
ماقدرت تتمالك نفسهآ اكثر وصآرت تضحك بشكل هستيري وبعدها ردت على سحر : الظاهر لسى تحلمين روحي غسلي وصحصحي
هنآدي تتلحف بالبطانيه وتصرخ : أبـــي انآآم اطلعوآ
مهآ : اقول قومي يالله قومــي .. انا كلمت شهد اليوم بنروح نسهر عندها
هنآدي : بالليل مو الحين الظهر يالله اطلعي بنآم
ريم ترجع تكمل نومتهآ : قفلي الباب ورآك بليز
مها : مالت عليكم

الساعه 8 بعد صلاة العشاء
مهآ : يابنات استعجلوآ شوي ويش ذآ
هنآدي طلعت من الغرفه وبيدهآ شنطتهآ الجديده وفآجئتهم بلوكهآ الجديد
سمر تصفر : وي وي اموت على الأنآقه
هنآدي لفت ومشت خطوتين وبعدهآ لفت : بالله ما احطم ؟!
مهآ منبهره بهنآدي والتغيير الخارجي اللي حصل لهآ واللي ماكانت متوقعه انه يصير بيوم من الأيام لهنآدي .. بالأضآفه لأهتمامهآ المفاجئ بنفسهآ ومحآولاتها انهآ تبين الجانب الأنثوي بحياتهآ
مهآ : صرآحه تفاجئت مره فيك هنوده ..وين الجمال هذآ من زمآن
هنآدي استحت من كلام مهآ اللي احرجهآ او بالتحديد اللي ماهي متعوده عليه : شكرا شكرا زدتيني ثقه بنفسي
سمر : نفسي الكل يشوفونك بهذي اللحظة طالعه قمر مو زي لوك البوي اللي ظآلمك وحآكم عليك بالأعدآم
مهآ تلبس عبايتهآ : معآك حق سموره .. بس بالله روحي استعجلي رغد وسحر اخرونآ على شهد
رغد جت وبيدهآ مشاري : جينا يالله خلونآ ننزل سحر وراي
لبسوآ كلهم عبايتهم واتجهوآ لبيت شهد
بحي رآقي من أحيآء المدينه
شهد بفرحه : يآهلآ وغلآ تو مانور بيتي
مهآ : حركآت صرنا نهلي ونرحب
شهد كشرت وميلت فمهآ : مانتي كفو احد يهلي فيك .. لفت على هنآدي اللي كآنت لابسه تنوره شآنيل رمآدي فيهآ تقليمآت بالوردي والأبيض وبلوزه شآفون وردي تحتهآ بدي ابيض ومخليه شعرهآ ستريت بشكل عشوآئي .. ضآيفه بعد لمسآت الميك آب على ملامحهآ النآعمه الهآديه مكحله عيونهآ وحآطه روج وردي وبلآشر وردي بلمعه خفيفه
شهد : مشاء الله ويش هالزين الله لايحرمنا شوفته
هنآدي توردت خدودهآ : ويش فيكم عليا كأنكم اول مره تشوفوني
رغد : شايفين شي عمرنا ماشفنآه ومخبيته عنآ طول الفتره اللي رآحت
سحر تدقهآ : صدمتينآ بـ( New lock ) ماقد شفنآك كذآ
هنآدي تضيع الموضوع : الا شهد غدير ماهي جآيه
شهد : الا بتجي كلمتهآ وقالت ماتقدر تفوت جيتك
ريم اللي كآنت هآديه من رجعتهآ لبيت اهلها والكل ملاحظ سكوتهآ الديام وشرودهآ عنهم وتفكيرهآ الكثير بشي يجهلونه قآلت : شهد وين الحلى
شهد توقف وتأشر بيدهآ : قومي سآعديني بدل جلستك فاضيه
ريم تمشي معهآ للمطبخ تساعدهآ وبدون اي اعتراض منهآ على العكس تبي تغير جوهآ شوي وتنسى سيف وتبعده عن تفكيرها لو دقايق
بآلمطبخ لاحظة هدوئهآ
شهد : لسى تفكرين فيه ؟
ريم تلهي نفسهآ بترتيب الصينيه : هو يروح من بالي اصلا
شهد بخوف : ريومه وربي حاسه بيصير فيك شي من كثرت تفكيرك فيه .. انسيه هو ما سأل فيك
ريم ودموعهآ سآلت على خدهآ : مقدر والله مقدر احس نار بصدري يا شهد ليش تركني بدون سبب .. انا ما ارتاح بنومي والا تهنى بيومي كله بسببه افكر بسبب يبرر لي تصرفه
شهد لفتهآ على جهتها وصاروآ مقابلين بعض : ريم اذا صرتي تفكيرن بهذآ الشكل صدقيني بتمرضين ... وانا متاكده انك بتعرفين السبب لا تتعبين نفسك حبيبتي
ريم خبت وجههآ بين كفوفها : حطي نفسك بمكآني لو يوسف يسوي زيه ايش بتسوين
شهد ارتجفت مجرد ان الفكره تمر على بآلهآ ترعبهآ : الله يكون بعونك حبيبتي .. مسحي دموعك وخلينا نرجع
ريم تمسح دموعهآ : أوكي يالله نرجع
هنآدي : هلا هلا غدير
غدير تسلم عليهآ وعلى اخوتهآ : هلا فيك .. كيفكم ؟
الكل : بخير .. انتي كيفك وايش اخبارك ؟!
غدير : الحمدلله بخير .. من زمان عنكم
سحر : انتي اللي ماتنشافين
غدير : فرحت لما اتصلت شهد تقولي انكم جايين صراحه انبسط معكم كثير
مها : ياعمري عليك انتي تسلمين
غدير: اقول هنادي ايش رايك نطلع بالحوش نتمشى
هنادي بفرح : والله من زمان نفسي اشوف حوشكم يعجبني مره كبير
سمر بلقافه : بروح معكم
هنادي تضربها : انتي بس قاطه وجهك معنا
سمر عقدت حوآجبها وكشرت وقالت بعناد : بروح معكم يعني بروح
غدير تحمست : طيب يالله نروح عشان نجلس بالخيمه
سمر نقزت : ونآآآسه عندكم خيمه
سحر تحمست اكثر منهم : مره احب الخيام بروح معكم
هنادي تتخصر : اشوف العايله كلهآ بتروح
سحر تعدل جلستهآ وتاخذ صحن المكسرات بحضنهآ : بطلت خلاص بجلس مع ريومه
غدير : هنادي يالله امشي وانتي بعد سمر
مشاري مسك يد غدير ويسحبها : وانــآ
غدير تشيله وتبوسه : وانت بعد يالله مشينا
سمر بحياء : لآزم نلبس عبايات ؟
غدير : لا مافي احد يوسف عنده عمل وماجد مايرجع من عند اصحابه الا اخر الليل والبيت فاضي اهلي كلهم عند جدتي مافي الا انا ومريم ... وبسكر باب الحوش الكبير عشان ما أحد يدخل
هنادي تضحك : سألتك نلبس عبايه ماقالت لك وين اهلك
الكل : هههههه






التوقيع :
اضغط على الصورة لفتحها بصفحة مستقلة

رد مع اقتباس
قديم 21-02-2013, 02:24 AM   رقم المشاركة : 335
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

يا خاطفي وين ألقى عزتي في زمان المذلة !
:::
:::
:::

غدير تفشلت وجلست تضحك : اوريك ياهنادي امشي بس
طلعت غدير وسمر وهنآدي يتمشون بحوش البيت الكبير ويلعبون
سمر تركض ورى غدير : والله لأمسكك يعني امسكك
غدير تركض : اتحدآك
هنآدي : هيه اقول ويش رايكم ندخل بالخيمه نجلس نسولف
غدير تمد يدهآ : ستووووب ... ويش قلتي هنادي
هنادي تقلب عيونهآ : قلت ويش رايكم ندخل الخميه ونسولف
غدير تسبقهم وتدخل : يالله تعالوآ عندي لكم سوآلف خطيره
سمر تمشي بسرعه وتسبق هنآدي : كآن قلتي من الأول بدل الركض على الفاضي بس تعبت
هنادي : مشكله اذا ماعندك لياقه
غدير تشغل التلفزيون : اقول اجلسوآ بس .. واخباركم
هنادي وسمر : لا جديد
سمر تمد رجولهآ : ماعندنا غير الحب
غدير فتحت عيونهآ : وآآآو يعني تحبين زيي ؟
هنادي تطل بسمر وغدير : تحبون ؟!! مين ومتى وليه وكيف ؟
سمر بكسل : انتي تعرفين مابحالي اتكلم خلي غدير
هنادي تربعت وقربت من غدير بحماس : غدير تكلمي يالخاينه مين تحبين ؟
غدير ترخي صوتهآ <تخفض : بس اوعدوني يكون بيننا
هنادي وسمر بحماس : والله مايطلع
غدير تقرب اكثر منهم : شوفوآ ياهوآنم ...
:::
:::
بآلرياض
كآنت تتمشى بالمزرعه من كثر ماطفشت لوحدهآ .. جآت في بآلهآ كلمآت تذكرت فيهآ القاتل التي تعشقه بجنون .. رددتهآ بصوت مسموع بينهآ وبين المسآحآت الفارغه
مو ع‘ـَشانِي أشتقتها لمس‘ـَة كـفُوفَكْ

أو ع‘ـَشانِي ( أحتَِرقْ) , و أحضِنْ طيوفَكْ

بسْ ع‘ـَشان أحرِجْ . . {ِ ظلالِكْ وأنِتْ ماشي

بسْ ع‘ـَشان تُذوق معنىا هالـ / تج‘ـَافِي

بسْ ع‘ـَشان ألقىا بـ [ عينك اي جواب ] ~

خ‘ـَايِفْ تعلّقنِيفيك أو تِنادي لِي و أجيك

خ‘ـَايِفْ تِحبْ . . ؟

ياهو مُؤسِ‘ـَف هالـ/ سِ‘ـَببْ

ياهو مُؤسِ‘ـَف هالـ/ سِ‘ـَببْ

ياهو مُؤسِ‘ـَف هالـ/ سِ‘ـَببْ

سمعت اصوآت مرتفعه من جهة الملحق الخاص بباسل مشت بشويش وكل ماقربت تتضح لهآ الأصوآت اكثر واكثر .. قربت من الطآقه وصُعقت لمآ شآفت المنظر بالأضآفه للكلآم اللي نزل عليهآ مثل الرصاص .. تآبعت كل شي بصمت وصدمه شلتها عن التفكير رآحت لغرفته بسرعه جلست تفكر باللي شآفت بملحق بآسل ... رمت نفسهآ على السرير وصورة الموقف ببآلهآ تأبى ان تغادره .. فكرت بفهد ولو درى ايش بيكون ردة فعله وخآصة ان بآسل اخوه من لحمه ودمه
شوق ( ليش يآبآسل مآتوقعت كذآ طحت من عيني ) رآحت تغير ملابسهآ وتتجهز قبل فهد يجي وفي بآلهآ انهآ تنسيه تعب يومه كآمل
بعد ماغيرت ملابسهآ وكلمت ليزآ تطلع لهآ العصير لغرفتهآ قبل وصول فهد .. وقفت قبآل مرآيتهآ تعدل روجهآ وتتعطر دقت ليزآ الباب .. ورآحت تفتح لهآ عشآن تدخل الصينيه .. شآفت رزآن بتدخل غرفتها لكن وقفت لمآ سمعت صوت شوق
رزآن تطالعها من فوق لتحت رفعت حاجبهآ وبعيونها نظرات شرآنيه لما شافتهآ متكشخه .. عدلت قميصهآ ولفته على جسمهآ
رزآن : ماجاء فهد ؟
شوق : لا ماجاء .. ليزآ حطيه على الطاوله
ليزا : اوكي مدآم ... انتبهت لعيون رزآن اللي تأكلهآ
شوق : ايش فيك تطالعيني كذآ
رزآن تلف عنهآ وتبعد شعرها : ولاشي حبيبتي ... اذا جاء فهد خليه يجيني ابيه ظروري
شوق بتقهرها : البارح كان عندك ليش ماقلتي اللي تبينه له اقولك من الحين لا تنتظريه لاني مستحيل اسمح له يجيك بليلتي
رزآن فتحت باب غرفتهآ وقبل تدخل لفت وحطت يدهآ على خصرهآ وبآنت بطنهآ البارزة من الحمل : ابفهم شي وآحد بس ايش عاجبه فيك .. ماكنتِ بنت وماضيك اسود كيف رضاء فهد بوحده زيك لاهي من ثوبه ولاهو من ثوبهآ بس الطمع اللهم ياكافي
شوق بلعت ريقهآ من كلمات رزآن السآمه لهآ ... وتأججت النار بصدرهآ من سمهآ اللي تبثه بكلماتهآ امتلى قلبها حقد وكره لها ردت عليهآ بحده : كلن يرى الناس بعين طبعه .. وانتبهي لنفسك مني يارزآن ترى مو بصالحك تقربي مني
رزآن ضحكة بسخريه : هههه انتي ماعرفتي من هي رزآن مستحيل اخليك تفوزين بفهد لأنـه لي وحدي " صرت على كلامها " وقـــريـــب بتطلعين من هنآ سآآمعـــه
شوق ولعت من القهر فار الدم بعروقهآ قالت بنبره حآده شرسه : صدق انك حقيره
رزآن ابتسمت بخبث : حقيره !!ماندري مين الحقيره بنت الشوارع ماندري ويش كآنت قبل يلمهآ فهد من الشارع ويستر عليهآ
شوق صرخت بوجهها : لهنا وبس على بآلك ماني فاهمتك وفاهمه خطتك الغبيه ... بس احب اقولك بعيد عنك اللي تفكرين فيه
رزآن تسكر الباب وهي تنطق : لاتمثلي عليه الحب انتي احمد ماراح من بالك
دخلت شوق غرفتها وسكرت الباب بقوه .. وهي تحس ان ضغطها وصل الف من رزآن ودنآئتهآ تذكرت كلام ندى عنها .. صارت تتحرك بغرفتهآ رآيحه ورآجعه والنار شآبه بضلوعهآ والافكار مزدحمه براسها
كــيــف تقول عني كذآ ؟!!
ومن قال لها عن المآضي !!
لــيـــه تعآآيرني ؟!!
انـــآ مآفــي الآ فهد بحيآتي .. ليش أحمد يلآحقني ليــش ؟!!
مآحست بدخوله الغرفه بسبب توترهآ وسرحآنهآ بعالمهآ الثاني .. رجعت لوآقعهآ على صوته
فــهــد : سلآم
لفت بسرعه كأنهآ مقروصه : وعليكم السلآم
فهد طالعهآ باستغراب : فيك شي ؟
شوق تحاول تكون قدآمه طبيعيه : ابد ولا شي بس كأنك تأخرت الليله
فهد : لا ماتأخرت بس شكلك طفشانه وتحسين الوقت طويل
شوق ابتسم : تقدر تقول كذآ .. مآتبي تغير ملابسك
فهد بتعب : أكيد وياليت تخلين الخدم يطلعون لي العشاء هنآ مافيني حيل انزل
شوق : من عيوني الحين اكلمهم يطلعونه .. مشت للتلفون اللي كآن فوق الكمودينه .. وكلمت ليزآ
:::

بآلمدينه
كآنوآ يتفرجون على برنآمج عجبهم وجلستهم كلهآ ضحك وونآسه
سمر : بروح اشرب مويه
غدير تشيل مشاري اللي نآم بحضنهآ من التعب : وانا بودي ميشو حرآم ينآم هنآ
هنادي تأشر بيدها : طيب طيب خلوني اكمل البرنامج
رآحوآ لشقه يوسف وشآفوآ شهد مسويه شآي وكيك
سمر تفتح عيونها : يآسلآم ماتقلون في ناس ممكن يكونوآ جوعآنين
رغد : الجوعآن يجي يقول في أكل
ريم تضحك : كلام رغد صح ليش ماتكلمتوآ من أول
غدير تجلس جنب الكيك بعد مآ ودت مشاري لغرفة شهد عن الأزعآج : شكلها يشهي مره ..
سمر تذوقهآ : لذيذه تسلم يدك شهوده
شهد تبتسم : الحمدلله عجبتكم كلهم باقي هنادي ماذاقتهآ
غدير تسحب الصحن : هنادي ماهي فاضيه تاكل يادوب تتفرج على البرنامج خليها في اللي فيه

أمــــآ عند هنآدي اللي كآنت تتابع برنامج عن كرة القدم في المملكه والتفاعل الجمآهيري معه
ومتحمسه مره مع الموضوع ودآخله جو مو طبيعي
هنآدي : نصابين الفريق الأول الزعيم قال الاتحآد قآآآل .. اهب ياوجهك اتحدى اذا مآ كآن اتحآدي هالمذيع .. مدري ليش حاطينه بذآ البرنامج مكآنه غلط مرره
كآن رآجع بدري من سهرته مع اصحابه لانه كآن حآس بتعب يسري بجسمه بعد مبارآته امس مع فريق الحاره المجآوره لحآرتهم .. كآن يمشي بالحوش متجهه للمدخل اللي يودي لشقتهم .. لكن استوقفه صوت الـ tv وصوت الهوآش الجاي من الخيمه .. غير اتجآهه ومشى بسرعه للخيمه ... دخل بهدوء غريب وانصدم لمآ شآف بنت جالسه بخيمته اللي مصممهآ خصيصآ له عشآن جمعآته مع اصحابه .. ماتحرك من مكآن من شدة صدمته اللي زآدت لما بدأ يميز صوتهآ وحركآتهآ .. وقفت وسكرت الـ tv بعصبيه انحيازيه لفريقهآ المفضل ..
هنآدي : ظلم × ظلم × ظلم .. نآس حآقده على الهلال .. رفعت رآسهآ وشهقت لمآ شآفته قدآمهآ تسمرت بمكآنهآ ماقدرت تتحرك من الخوف اللي سيطر عليها بهذي اللحظات
أمــآ هو ... حس بكهرباء تسري بجسمه من شكلها اللي فتنه.. اول مره يشوفه بشكل انثوي بحت تنقلت نظرآته عليها ماهو مصدق اللي يشوفه قدآمه الأسلوب بوي والشكل انثى بكل ماتحمله من معنى بلع ريقه وطالت مده صمتهم وصدمتهم .. وهي خايفه منه انه يتهور وينفذ تهديداته لها خصوصا انها قدآمه وماتفصلهم عن بعض الا خطوات بسيطه جدآ






التوقيع :
اضغط على الصورة لفتحها بصفحة مستقلة

رد مع اقتباس
قديم 21-02-2013, 02:25 AM   رقم المشاركة : 336
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

يا خاطفي وين ألقى عزتي في زمان المذلة !
:::
:::
:::

شآف الخوف بعيونهآ وتحركت رغبة الانتقام بجوفه قرب منهآ وسحبهآ من يدهآ بدون اي ردة فعل معاكسه منهآ بالعكس زآد خوفهآ أضعاف مضاعفه وتجمد الدم بعروقها وصارت تحس انها بحلم تعيشه ماتدري متى تصحى منه... أخذهآ لمكآن مايخطرعلى بال احد بقسم الحوش الثاني ..دفهآ قدآمه على الجدر
طل فيهآ بسخريه وأبتسآمه الاستهتار على وجهه : اشوف الأخ هآني متغير .. وصاير يكشخ ويش الطاري " ماجاء منهآ رد كآنت مصدومه منه من جرئته انه يسحبهآ خآنتهآ الحروف ولا قدرت ترد عليه بحرف وآحد ".
كمل كلامه لهآ : لا صراحه في اشياء تغيرت كثير من ضمنهآ ان هآني صار هنآدي بدآيه حلوه والله رجعتي لأصلك
قالت بتردد والحروف تتقطع في خروجهآ من ثغرهآ والارتجآف يسكن أطرآفهآ : بــ..ــعــد عــ..نــ..ي ويـ..ـش تـ..بـ.ي مــنـ..ي
قرب منهآ ورجعت على الجدآر وعيونهآ متعلقه فيه وهو يقرب منهآ أكثر .. حط أصبآعه ومرره من اعلى رقبتهآ الى اخر صدرهآ وهو يقول بهمس مرعب : عرفتي اني اقدر اسحبك لو كنتي وسط أهلك
تمردت دمعه يتيمه من عينهآ وصآرت شفايفهآ ترجف استجمعت قوآهآ وقالت له : لو كآن عندي أخ ما كان شفت الأخ هآني .. دفته وركضت بسرعه لبيت شهد
آمــآ هو ضرب الجدار بيده ويلوم غبائه وتهوره واستعجاله بكل شي ... تمنى انه ما سوى اللي سوآه خصوصا بعد نظرآته الكسيره له وعدم دفآعهآ عن نفسهآ زي عآدتهآ .. حس بشي مكسور فيهآ والدليل الأكبر دموعهآ وكلمتهآ له .. طلع لغرفته وهو يسآبق نفسه وقفل على نفسه وتفكيره كله مع هنآدي اللي يحاول يستنتج سبب وآحد لتغيرهآ

طلعت من الحمام وانتم بكرآمه بعد ماغسلت وجههآ وابعدت اثر الدموع وملامح الحزن بوجههآ شآفتهآ غدير ورآحت لها بسرعه
غدير تضحك : والله فاتك ونــ.." سكتت لما شافت هنآدي ماهي رآيقه ابدآ ".. هنوده ويش فيك ؟
هنادي : طحت وتعورت
غدير : سلامات .. في شي يوجعك
هنآدي : لا عادي بس تعرفين اثر الطيحه
غدير تمسك يدها : طيب امشي اجلسي
هنآدي : مو تأخر الوقت بقولهم بنرجع البيت بنآم
غدير : لسى بدري والله
هنادي : لالا ويش لسى .. مشوآ للمجلس اللي مجتمعين فيه الكل
هنآدي : اقول نعست خلونآ نرجع
مهآ : كلمت جلالي الحين يجي
هنادي ابتسمت بتعب : زين والله
رغد شكت بشكل هنآدي : هنوده فيك شي ؟
هنآدي تمدد نفسهآ على الكنب : لا مافيني شي بس تعبانه شوي
الكل : سلآمتك
هنادي : الله يسلمكم

اليوم اللي بعده الساعه 1 الظهر
اتجهزوآ كلهم عشآن يسآفرون للخبر
بآسل : لا ماني رايح ويش يوديني معكم
فهد بحده : بآسل لا تفشلني مع ابوي
بآسل : بروح عند ابوي وأعمآمي
فهد بأعتراض : لا يعني لا وبتروح معنا يعني بتروح جهز نفسك بعد سآعه بنمشي
طلع وتركه لحاله يتأفف من تدخل اخوه فيه
دخل بيته وشآف شوق نآزله من غرفتهآ
فهد : خلصتي ؟!
شوق : اي بس الله يخليك فهد خل السوآق يأخذ الشنطه للسياره
فهد : ابشري ماطلبتي شي ... سمع صوت رزآن تنآديه
رزآن : فهودي حبيبي تعال ابيك شوي
فهد يطلع الدرج : شوق بعد سآعه راح نمشي اوكي
شوق تتجه للمطبخ : اوكي

بــعـــد العصر
بآلــخــبر " بشــآلــيــه أبو ريآض "
كآن الكل مجتمعين من الظهر ... البنآت والحريم بالقسم الخآص فيهم .. والرجال بقسمهم
ليآن جلست جنب امهآ وسألت ندى : خالي فهد مآ وصل
ندى تطالع بأخوآت رزآن وبنآت عمهآ : بالطريق يقول قريبين
ام دآنآ : ندوش بالله روحي نآدي دآنآ ابيهآ تشوف اخوآنهآ
ندى : طيب
ليآن تهمس لأمهآ : اقول يمه ايش فيهم كذآ مكتمين .. جآبوآ لي الكأبه
امهآ : ماتعرفينهم هم كذآ يحبون يخربون الجمعآت <<~ تقصد بنآت أعمآمهم
ام رياض تهمس لليان : كيفك يابنتي مع الحمل
ليآن تطالع ببطنهآ الكبير : الحمدلله بس والله تعب مره
ام رياض : تحملي يابنتي ..
حصه ( أخت رزآن الكبيره ): كيفك يام رياض ان شاء الله بخير
ام رياض : الحمدلله بصحه وعافيه انتم كيفكم
حصه : الحمدلله على كل حال .. وين زوجة رياض
ام رياض : فوق بغرفتها الحين تنزل
دآنآ جت بسرعه : هلآ يمه
ام دآنآ توقف : تعالي ابيك

برآ الشاليه
توهم وآصلين من الرياض .. ومعآهم بآسل
بآسل : مشاء الله كبير شآليه ابوك يافهد ... اتوقع اكبر من شآليه ابوي اللي بجده
فهد : ايه اكبر بكثير ... شوق انتي ورزآن ادخلوآ والشنط انا اخلي الخدم يدخلوهآ
نزلوآ من السياره ومشوآ لدآخل الشاليه الخاص بالحريم
وقفت شوق عند المرآيه ونزلت عبايتهآ وتعطرت ... وكآنت جنبهآ رزآن اللي لابسه بنطلون حمل بني وبلوزه بيج بأورنج مكسره من فوق الصدر ومخصره لتحت الصدر وبعدين تتوسع اكثر ومستشوره شعرهآ ورآفعته ذيل حصآن وحآطه ميك آب بآلوآن لبسهآ
أمــآ شوق كآنت لابسه بنطلون جينز وبدي مآسك على صدرهآ تركوآز وفوقه بلوزة دآنتيل كآت أبيض .. ومجعده شعرهآ ومسويه بف خفيف من قدآم وحآطه على جنب فيونكه لونهآ تركوآز وحآطه ميك آب نآعم خفيف
خلصوآ مع بعض وكل وحده تحآول تستفز الثانيه لو بحركه بسيطه ... والكلام بينهم مقطوع دخلوآ للصآله اللي الكل مجتمعين فيهآ
شوق : السلآم عليكم
الكل : وعليكم السلام .. وقفت ام رياض وسلمت عليها بحراره
شوق : كيفك ياخالتي ؟
ام رياض بحب صادق : بخير
ام ليان : انتي كيفك ياشوق ايش مسويه ؟
شوق : الحمدلله بخير ..
ام رياض لاحظت برود رزآن وسلامهآ اللي كأنهآ مغصوبه تسلم عليهم سالت : كيفك يارزآن
رزآن تجلس جنب خوآتهآ وبنات عمهآ : الحمدلله
ام دآنآ : وجهك ذآآبل مره
رزآن تحط يدهآ على بطنهآ : من الحمل والله
ندى دخلت الصاله وشآفت شوق وشهقت : شوآآقــه .. يآهلآ والله
شوق توقف : هلآ فيك .. وين كنتي ؟
ندى : رحت لدآنآ .. سلمت عليها وجلست جنبهآ
حصه تهمس لرزآن : هذي اللي تقولين مافيهآ حلآ .. الزين كله بهآ
رزآن تصر على اسنانها : صدق ماعندك نظر
ابتهال : رزآنووه ليش حاقده عليهآ ؟
رزآن : أنآ حاقده عليها .. بدل ما تكونون بصف اختكم سحرتك اللي ماتتسمى .. بس والله لا اوريهآ من هي رزآن
حصه : حنآ تكلمنا عن جمالها
رزآن : بالله شوفي كيف ندى تحبهآ مالت عليهم لا شفتهم تحوم كبدي
حصه : ندى ذي عقرب رمل ... الله يستر منهآ ماهي سهله
رزآن : خليها تولي
ندى تهمس لشوق : هههههه شوفي رزآن احسهآ مقهوره مرره
شوق تميل فمهآ : اتركيك منهآ وخلينا نروح من هنا
ندى توقف : تعالي بوريك الشاليه واعرفك على كل شي
شوق بحمآس : يالله ما ورآنآ شي
ام رياض بأستغراب : وين رآيحين ؟
ندى : بروح انا وشوف نلف برآ بوريهآ شاليهنآ ناسيه انهآ اول مره تجينآ
ام ليان ابتسمت : انتبهوآ لنفسكم
شوق بلباقه : عن اذنكم
الكل : تفضلي






التوقيع :
اضغط على الصورة لفتحها بصفحة مستقلة

رد مع اقتباس
قديم 21-02-2013, 02:27 AM   رقم المشاركة : 337
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

يا خاطفي وين ألقى عزتي في زمان المذلة !
:::
:::
:::

رزآن تطالعهآ بنظرات ناريه وترفع حآجبهآ بحده كأن شوق مو عاجبتهآ ( الله يأخذك اووف اكرهك كره الويل )
قآبلتهم دآنآ وهم طالعين : وين رآيحين ؟
ندى : بنروح نتمشى روحي معنآ
دآنآ ترمي شنطتهآ على الطاوله وتسبقهم : يالله
شوق : ويش هالحماس
دآنا : دآيم متحمسين انا وندى بس جدي " وقالت بصوت ممدود " الــلــه يسامحه مدري وين عزم الكل هنآ .. انتي ماتعرفين بنآت اخوآنه شرانيات اعوذ بالله
شوق : ههههههه ياساتر
ندى : الحين يجون يتلقفون زي عادتهم
شوق : استغفر الله لا تخلونا نغتابهم
ندى تمشي بسرعه قدآمهم : يالله نروح للبحر
:::
:::
بآلمدينه
مهآ : مشاء الله البيت فاضي مافيه ولا شي .. ما اشتريتوآ شي هذا الشهر
رغد : اليوم نآويه اروح السوبر مآركت ابوي اعطاني فلوس اشتري كل شي نآقص
مهآ تتخصر : طيب بطبخ ايش اسوي
رغد : تصرفي سوي اللي تتسوينه .. انا بعد العشاء رآيحه بس اكتبي كل شي ناقص بروقه عشان ما انسى شي
مهآ تطلع من المطبخ متاففه : والله من بعد شوق البيت صاير خرابه ماحد يهتم فيه .. من جد ماعندكم احساس بالمسؤليه
سمر تدخل وعيونهآ على مهآ اللي معصبه وتكلم نفسها : ايش فيهآ ذي ؟
رغد تضحك : ههههههه انقهرت تبي تطبخ وكل شي مخلص
سمر : اقول رغد ترى فاتن اتصلت قلت لها انك بالمطبخ
رغد : طيب روحي جيبي جوآلي بكلمهآ اكيد بتروح السوق وتبيني اروح معهآ
سمر : وبتروحين ؟
رغد : لا والله مافيني حيل



بغرفه ثانيه

خاوا جروحه وخلاها على ربّه
ذي آخر أخبار ( قلبي ) يا مشاويري
كله ذهول / وهبوب الغبنه تهبّه
مغبون .. وعتابه اصدق من معاذيري
القلب .. مركب سهر.... والريح تلعبّه
والموج ما يرحم ذنوبي وتقصيري والحب .. غبّه ورى غبّه ورى غبّه
فقدت فيها ثلاث ارباع تفكيري !
مرات اقول الخطا مني وانا السبّه
ومرات اقول السبب .. قسوة مقاديري !!



هنآدي ( ياربي متى يتركني بحالي ليش يضل وراي ومايرحم ضعفي .. كيف يتجرأ ويسحبني من يدي وين قوتك ياهنادي .. وين راح لسانك بذيك اللحظة هذا تطاول معك كثيرلازم تنهي كل شي لاآآآزم )

ببيت يوسف
بعد ما شآلت الأكل ورجعت عنده
شهد : يوسف
يوسف: نعم حبيبتي
شهد طلت فيه بحزن : انا كلمتك عن سيف وريم صح
يوسف لف عليها باهتمام : ايه قلتي لي
شهد قربت من اكثر وبان الاهتمام بعيونها : يوسف الله يخليك خلينا نساعدهم لو من بعيد ريم حالتها صعبه مره انا خايفه يصير فيها شي ماتضحك ولا تتكلم وتفكيرها كله بسيف وهو تاركه ولا سأل فيهآ
يوسف : طيب ويش نسوي عشان نرجعهم لبعض
شهد مسكت يده بترجي : هو ولد خالتك الله يخليك كلمه شوف ليش تاركه عند اهلي ابوي دايم يسالها وهي تتحجج باشياء ماتقنعه ابد وماحد عارف السبب
يوسف : بكلمه اليوم واشوف ايش السبب .. بس اخاف نتدخل بحياتهم الخاصه
شهد فتحت عيونها : بس انا مقدر اشوف ريم تتعذب واسكت هي شكت لي حالها وانا قلت لك عشان نساعدهآ
يوسف يبوس يدهآ : بسوي اللي اقدر عليه .. هو انا اقدر ارفض لك طلب
شهد ترفع حاجبهآ : اثبت لي بأنك تساعدهم يرجعون لبعض
يوسف : ابشري في شي ثاني تامرين به
شهد حطت رآسها على صدره :لا بس هذآ الشي .. ضمهآ لصدره أكثر وأخذ نفس طويل
دق جوآلــه ورد بسرعه
يوسف : هلا والله ... بخير انت شخبارك من تزوجت قطعتني ... صدق اجل تم اشوف بالكوفي بس متى؟ .. ههههه حتى انا مشتاق لك .. يالله بس ماني فاضي لك الله يرجك ياشيخ ... مع السلامه
شهد رفعت راسهآ وتخصرت : مين اللي تقوله مشتآق لك ؟
يوسف ضحك : واحد من اصحابي .. من زمآن وح،ى مع بعض بس تزوج وانقطع عني
شهد تقلب عيونهآ : بس محظور عليك تقول مشتآق لغيري سآآمعني زين ؟
يوسف : امرك في اموآر غيرهآ
شهد : لا حبيبي مافي
:::
:::
بالخبر
كآنت وآقفه مع دآنآ عند البحر تمد نظرهآ وتتأمله وسرحت بخيالها لايامهآ مع فهد في جده قبل يتزوج وبعد ماصارت تتقبل منه كل شي قبل يصدمهآ بقراره المفاجئ للزوآج من رزآن
دآنآ : شوقه وين وصلتي
شوق ابتسمت : قريب .. مارحت بعيد
دآنآ : والله عيونك تقول انك رحتي لبعيد مره
شوق لفت عليهآ وبعيونهآ تتجلى لمعة الحب :مشاء الله ويش دراك
دآنآ : باين يا حلوه ... والدليل عيونك
شوق تتخصر : عيوني ويش فيهآ

طلع يتمشى بعد ما تملل من سوآلف اخوآنه وعيآل عمه ... ظل يمشي مثل التايه ويفكر بخطته اللي تنتظر تنفيذه لهآ .. ما خفى عليه شي من تصرفآت رزآن وشوق .. ولآ من هدوء بآسل الغريب ... ماخفى عليه اصرار ابوه عشآن يرجع للريآض وفآهم تلميحآت ابوه وبعض أعمآمه بخصوص شغلهم معه ... اشياء كثيره مرتبطه ببعض حيآته واهله وشركآته واشغآله .. لمحهآ من بعيد لكنه شك انه يكون يحلم بوجودهآ لو من بعيد وقف بمكآنه يتأملهآ ويحآول يدقق أكثر ويتأكد أنهآ هي وليس طيف لهآ
جآت ورآه : أحـــم أحـــم
لف على مصدر الصوت وشف أخته ندى وعلى وجههآ ابتسآمه : خير ويش فيك وآقف تطالع هنآآك" وتأشر بيدهآ لمكآن شوق ودآنآ "
فهد ابتسم : ابد كنت اتمشى وشكيت انهآ شوق
ندى تبعد شعرهآ : طيب افرض ماكانت شوق وطآحت عينك على بنت ماهي من محآرمك
فهد شد شعرها : بديتي تتفلسفين ؟
ندى بحمآس قربت منه عشان تهمس له : تبيني اصرف لك دآنآ وتأخذ شوق قبل تطب عليك رزآنوه
فهد ضحك على شكل اخته المتحمس : اذا فيكِ خير زبطي لي موعد معهآ
ندى تغمز له ومشت : تشوف الحين لا رحت انا ودآنآ خذ رآحتك بس بعدوآ عن الامآكن المكشوفه هههههههه
فهد : يالله وريني
اتجهت لمكان شوق ودآنآ : دنوآآ تعآلي ابيك بموضوع .. سوري شوقه مضطره اخذها الحين
شوق : خذي رآحتك ياقلبي






التوقيع :
اضغط على الصورة لفتحها بصفحة مستقلة

رد مع اقتباس
قديم 21-02-2013, 02:28 AM   رقم المشاركة : 338
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

يا خاطفي وين ألقى عزتي في زمان المذلة !
:::
:::
:::

شآفهآ مشت عن شوق ولفت عليه تأشر بيدهآ له ضحك من قلبه على اخته وحركآتهآ اللي ماتتركهآ مشى لجهة شوق اللي ماحست بوجوده ولفت على البحر تتأمله بوقت وحدتهآ اللي محد يشآركهآ فيهآ .. وقف ورآهآ وعيونه تتفحصهآ حس بقلبه يقول كلمآت بدآخله يعجز لسآنه عن نطقه لهآ .. تردد صدآهآ بأعمآقه وتحركت لهآ أطرآفه
انا مقدر اكون أصدق
..{.. من إحساسي... ومن أشواقي ..
تبي تعرف كبرشوقي ..
شوف عيوني وتكفي ..
إذا مايكفي اني اصرخ ..{..بإسمك داخل اعماقي ..
وأشوف العمر بك وحدك ..
فرحي صار ملك إيديك ..
تراني ماعرفت القى
لحبك حل أو معنى ..
تخيّل كثر مااحبك .. انا صاحي وأحلم فيك
تعال وناظربقلبي .. علّك فيني تلاقي ..
جواب لك أسئلتك .. غرام يسرّك ويرضيك
انا يوميعشقتك قلت .. ياشمسي وإشراقي
ترى من يومها ماغاب نور ٍ
..{..اشرق بطاريك ..
انت بقلبي الدايم ..
وانت ببالي الباقي
لك الله كيف ماتدري ..
ابيعالكون لك وأجيك
لقيت بحبك الراحه ..
بعد ماكنت انا الشاقي
صرت بعمري القصه ..
..{.. ولا مر يوم إلااحكيك
هبت نسمآت البحر ولعبت بخصلهآ ضمت يديهآ لحضنهآ حست بيده تلف حول خصرهآ بعد شعرهآ على جنبهآ الثاني
شوق بعدت يده : فهد ترى الكل موجودين
فهد يمشيهآ : تعالي بأخذك لمكآن ثاني
شوق تحآول تسحب يدهآ : بس بروح جوآ أنآ
فهد بأصرار : عاد انا ابي أخذك .. ابتسمت
شوق : دآمك تبي اوك ماعندي اعتراض
فهد يلف يده على خصرهآ : اكيد ماعندك اعتراض والا جآك العقاب
حطت كفهآ على كفه وعدلت ازارير بلوزته المفتوحه :ليش مآ قفلت بلوزتك عاجبك منظرهآ كذآ
فهد عقد حوآجبه : انا ماحد يهتم فيني ولا يدري اذا زبطت نفسي والا لا زوجآتي مشغولات بحروبهم الخاصه
شوق ميته ضحك : ليش ماقلت لي كم فهود عندي
بعد مآ أخذهآ بعيد عن الكل في نهآية الشاليه حط يده على خدهآ : شفتك من بعيد وحنيت لك
شوق استغربت وبنفس الوقت استحت منه : حنيت لي ؟!
فهد رفع رآسهآ وحط عينه بعينهآ : شوق انآ مليت .. قررت اعترف لك
شوق عقدت حوآجبهآ وتملكتها الحيره تشوف بعيونه النظرات الجديه وبنفس الوقت روآدهآ احسآس غريب تعلقت عيونهآ بعيونه وزآدت مسكتهآ ليده اكثر .. حست بحنانه لأول مره حنآن كآنت محتآجه له من زمان ... وتتمنآه من اللي ملك قلبها وعقلها وكل وحوآسهآ
شوق بنبره رايقه : بشنو تعترف ؟!
فهد ظل ساكت دقايق تردد انه يقول اللي بخاطره لهآ لكن تشجع وهو يشوفها مستغربه من سكوته
شوق : فهد شنو بتقول ؟
فهد قرب منهآ ومرر يده على شعرها : بقول أنـــي أحــبــكـ
دآرت فيهآ الدنيا .. كأن أحد ضربهآ ضربه قضت على باقي قوتهآ كآنت تسمع كلمة احبك بالاحلام .. وتتمنآهآ وتظن انها حلم بعيد المدى عنها خصيصا اذا كانت منه هو .. من فهد اللي يقدر يعذبهآ ويقتلهآ ويحيهآ من جديد
شوق بصدمه : شنو قلت ؟!
فهــد : قــلــت أحــبــكـ
مآهي مصدقه اللي تسمعه من فهد .. تحس انهآ تحلم لكن تتمنى أن هذآ الحلم ما ينتهى لانه بالنسبه غآيه وتوهآ تحققت
شوق حضنة وجهه بين كفوفهآ : من زمآن أنتظر هالكلمه منك ... وأخير نطقت فيهآ يافهد
فهد : أنتي اجبرتيني اقولهآ لك .. انتي علمتيني احلى معآني الحب ..شوق انتي قليل عليك كلمة أحبك ... أنــآ ما أقدر افرط فيك أبدآ
تجمع الدمع بعيونهآ لفت يدهآ حول رقبته : أنآ أحبك موت .. لآتخلي اي شي يفرقنآ
فهد : سآمحيني على اللي سويته فيك
شوق نزلت دموعهآ : مسموح .. ياحبيب الروح
شدهآ أكثر لصدره وقلت المسآفه بينهم نسى العالم كله وهي بين أحضآنه قرب بيطبع بوسه على خدهآ ..
رزآن : فـــــهـــــد
:::
:::
بركن ثآني
دآنآ : لالا من هنآ ندو
ندى : لا خلينآ نروح من ورآ الفيلآ نطلع على المسبح
مشوآ وشآفوآ بآسل
دآنآ شهقت بشويش : مين هذآ ياندو؟..
ندى تحط يدهآ على فم دآنآ ورجعوآ ورى الجدآر
دآنآ : مين هذآ يندى وربي يخقق
ندى : اووش هذآ باسل اخو فهد من أمه
دآنآ تغمض عيونهآ : وه هذا باسل ياويلي وربي انه يذوب الصخر
ندى ابتسمت : دمه خفيف وحبوب
دآنآ تدفهآ : دآمك لابسه عبايتك روحي له
ندى تطلع رآسهآ عشان تشوفه من بعيد : ياحلاه يجنن
دآنآ : قلت لك روحي
ندى : لا ياخبله امشي نرجع عند امي
دآنآ : بس بشوفه ثوآني

أمــآ عند فهد
انقهرت لما شافته مع شوق وبسرعه راحت لهم حتى تخرب عليهم جوهم .. قربت منه ومسكت يده بعد مابعدت شوق عنه واكتسى وجهها باللون الأحمر
رزآن : ماقلت لي ايش جايبك من عند الرجال
فهد : طفشت وطلعت اتمشى
رزآن تعدل شعره وترجعه ورى اذنه : وي طفشان لو دقيت علي عشان تتونس معي ومع البيبي
شوق تسحب نفسها : عن اذنكم
مسك يدها وقال : خليك معنآ
شوق طلت برزآن وحست بانهآ انقهرت من حركة فهد وحبت تزيد عليها : طيب اللي تشوفه
رزآن اللي ماتت بارضها من القهر وزآدت نآر صدرها : فهودي ماتبي تتحسس نبض ولدك
فهد طل فيها باستغراب : نبض ؟
مسكت يده وحطتهآ اسفل بطنهآ : تحس بشي
فهد ابتسم وحس بالابوه فعلا : سبحآن الله
شوق اللي سحبت نفسهآ وتركت معه رزآن رجعت للفيلآ ولقت دآنآ وندى وآقفين ويضحكون
شوق : دوم الضحكه .. ضحكوني معكم
دآنآ لحقت الكلام من اوله حتى ما تتفشل عند شوق : ندى الهبله قالت لي نكته
شوق : ويش هي
ندى ميته ضحك : في وحده تبي تشوف وآحد خوقاق وطآحت عند رجوله ههههههههههههههههه
شوق مافهمت كلام ندى : طيب خلونا ندخل .. وقصري حسك ضحكك وصل لأخر الشاليه
ندى ميته ضحك : طــ..ـيــ ههههههه ....ــب






التوقيع :
اضغط على الصورة لفتحها بصفحة مستقلة

رد مع اقتباس
قديم 21-02-2013, 02:30 AM   رقم المشاركة : 339
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

يا خاطفي وين ألقى عزتي في زمان المذلة !
:::
:::
:::


دآنآ طلعت لغرفتهآ تغير ملابسهآ اللي امتلت غبآر وتركت ندى لوحدهآ تضحك على الموقف اللي صار
جلست جنب ليآن وسألتهآ : كيفك ليونه ؟
ليان : الحمدلله انتي اخبارك واخبار اخوآتك
شوق : كلهم بخير ..
ليان : ياعيني ياشوق كل يوم تحلي اكثر
شوق حمرت خدودهآ : عيونك الحلوه
دخلت رزآن واعطت شوق نظرة استحقار وجلست قبالهآ
حصه : رزآن لا تتعبين نفسك .. ارتآحي
رزآن : كيف ارتآح وبعض الناس يتسللون زي الحرآميه
شوق فهمت قصدهآ لكن ماردت عليهآ وطنشتهآ
ام رياض : مين اللي زي الحراميه ؟
رزآن تحط رجل على رجل وبتهيده : بقولك على قصة ياعمتي تشيب الراس
الكل : ويش القصه
رزآن تطالع شوق بقوه وهي تقول : في وحده قبل كم سنه واختفت عن أهلهآ تقريبا 8 شهور وماحد يدري عنهآ ابدا حتى خطيبهآ ذاك الوقت دور عليها وماخلى مكآن ماسأل عنهآ فيه لكن لا حس ولآ خبر ... بعدين عرفوآ أنهآ حآمل ورآحوآ لهآ وابوهآ مأت من صدمته ببنته ماتوقعهآ تبيع شرفهآ برخيص .. وولدت هي وبعد كم سنه تعرفت على وآحد غني وسحرته عشان يتزجهآ ويعيش بعز ويعوضهآ عن الفضيحه اللي لاحقتهآ هي وأهلها
ام دآنآ : طيب والطفل اللي كآنت حآمل فيه وين رآح ؟
رزآن تطالع بشوق اللي تبدلت ملامحهآ وبآن عليهآ الأرتباك : محد يدري غيرهآ هي اضنهآ قتلت ولدهآ
اخت رزآن اللي اصغر منهآ : واللي تزوجته يدري انهآ كآنت حآمل من غير ماتتزوج
رزآن : الله اعلم اي كذبه لفقتهآ له
شوق وقفت : عن اذنكم
ام رياض رآقبتهآ بعيونهآ الين شافتهآ طلعت الدور العلوي ..
تمنت انهآ مآجآت هنآ ابد حتى تبعد عن كلام رزآن السآم .. لكن ماتوقعت توصل فيهآ الدنآئه انهآ تتكلم عنهآ عند أهل زوجهآ كلهم وتبين لهى انهآ عارفه مآضيهآ كله
نزلت دموعهآ لما فتحت باب الغرفه اللي بتنآم فيهآ قفلت عليهآ الباب وجلست على الكنبه تبكي ... خآفت لو يدرون عنهآ كيف بتكون نظرتهم لهآ .. الكل بتتغير معاملته معهآ .. هي ماتقدر تشوه صورة فهد قدآمهم وتدآفع عن نفسهآ وتأذي زوجهآ اللي تحبه ويحبهآ .. امتلى قلبهآ حقد وكره للرزآن وصارت تتحلف فيهآ .. سمعت صوت دق على الباب مسحت دموعهآ واخفت كل ملامح بكآهآ وفتحت الباب وتفاجئت لمآ شافت ام رياض
ام رياض : ويش بلاك يابنتي طلعتي فجأه ؟
شوق : اختي ارسلت لي مسج وطلعت اكلمهآ
ام رياض ما اعجبهآ تصريف شوق لهآ : احد ضايقك يابنتي باين انك بكيتي ؟
شوق : لا ابد ياخالتي بس اشتقت لأخوآتي وبكيت لما كلمتهم
ام رياض تضمهآ : ان شاء الله تشوفينهم قريب يابنتي
شوق نزلت دموعهآ وكتمت شهقآتهآ : امين الله يسمع منك
ام رياض : يالله قومي انزلي معي .. ماراح انزل بدونك
شوق تمسح دموعهآ : طيب بس اعدل الميك آب
ام رياض ببتسآمه نقيه تشفي الجروح : الله يوفقك يابنتي ويسعدك
شوق : امين .. طلعت ام ريآض وتركت شوق تحآرب الآمهآ الدفينه وحزنهآ الذي لآينتهي
شوق ( ليه كل مآ حسيت بالفرح يطغى على عالمي الحزن ليــه ؟! اللهم لا اعترض على حكمك .. )
نزلت للصاله وجلست بزآويه لوحدهآ محآوله الأبتعآد عن أي احتكآك يدمي قلبهآ الرقيق

:::
:::
:::
بعد العشاء
بآلمدينه وتحديدآ ببيت ابو مهآ
ريم : وينهآ هنآدي اليوم ماطلعت من غرفتهآ
سمر : مآسكه الاب وعلى النت مدري متى تفكه
سحر اللي كآنت بعالم غير عآلمهم فاتحه المسن تسولف مع أهتدآء
سحر : هههههههه عليك سوالف الله يصلحك
اهتداء : تصدقين سحوره ارتحت لك من اول ماتعرفت عليك
سحر : وانا بعد نفس الشي
اهتدآء : وكيف اجآزتك مبسوطه فيهآ
سحر : يس مبسوطه آوي أوي
أهتدآء : دوم يارب ... قوليلي اخر تطورآتك
سحر : لا جديد على حطت يدك ماتغير سآكن
دخل ابو مهآ : الســـــلآم عليكم
الكل : وعليكم الســـلآم
ريم تبوس يد ابوهآ : هلآ يبه تفضل
ابو مهآ : كيفكم يابنآت
الكل : بخير
ابو مهآ يطالع ريم : يابنتي ليش مارجعتي بيت زوجك ؟
ريم اعتصبت الأبتسامه : لسى مارجع من السفر يبه <<~ كذبت على ابوهآ وقالت له انه مسافر
ابو مهآ : يرجع لك بالسلامه
ريم من كل قلبهآ أمنت على دعوة ابوهآ
ابو مهآ : وين هنآدي ما اشوفهآ ... كآنت توهآ دآخله الغرفه
هنآدي : أنآ هنآ ياحبيب البي
ابو ضحك : متى تعقلين ياهنآدي
هنآدي تجلس جنب ابوهآ : مستحيل اعقل يايبه ... وخلني اتغزل فيك من عندنآ غيرك ندلعه ونحطه فوق كفوف الراحه
ابوهآ : الله لايحرمني منكم واشوفكم نآجحين بحيآتكم ويرزقكم باللي يسعدكم بدنيآكم
هنآدي : أمين يايبه ويخليك لنآ ويدومك تآج على روسنآ
دخلت رغد : يبه انا طالعه اجيب الاغراض تامر بشي
ابوها : انتبهي لنفسك يابنتي
رغد : ان شاء الله .. مع السلآمــه
ابو مهآ : اقول يابنات ترى بنسافر للرياض
سمر بفرح : صدق يبه بنروح لشوق
ابو مها ضحك : ايه بنروح لشوق ونتمشى بالرياض
سحر وهنآدي يطالعون ببعض ويضحكون
هنآدي : ونآآآآآســــه
:::
:::
بآلرياض كآنوآ جالسين برآ الفيلآ كل الحريم والبنآت
ليآن بتعب : شوق اجلسي معي
شوق ابتسمت لها : من عيوني كم ليونه عندنآ
ندى جآت عندهم : مشاء الله تتكلمون بويش
شوق : مآقلنآ ياهادي
دآنآ : شوقه احس فيك شي مو زي العصر اول مآجيتي
شوق سكتت وبعدين قالت : ابد مافيني شي بس يتهيئ لك
ندى باستهآ : هي بس مشتاقه لبعض الناس
شوق تقرصهآ : ندوووش انطمي
ليان بتنهيده : آه من أزوآجنآ مآخذين تفكيرنآ كله
شوق تطالعها بنص عين : ياهوو ياحب
رزآن جلست جنبهم ورفعت صوتهآ : الحب حلو بس بدون كذب وخدآع
شوق ردت عليهآ : في نآس محترفين بالكذب والخدآع ونضيف عليهآ الخيآنه لشخص مايستحق اننآ نخونه
رزآن طلت فيهآ مصدومه وبنفس الوقت ماهي مصدقه ان شوق ردت عليهآ
شوق : لان الكذب يمكن ينغفر لكن الخيانه مثل الطعن في الظهر واللي ينغصب علي شي مو زي اللي يكون رآضي
رزآن : شي طبيعي ان الخيانه اصعب من الكذب وأمر
شوق ابتسمت لهآ ورفعت حآجبهآ : كويس انك عارفه هالشي .. رآجعي نفسك بكلامك وشوفي التناقض بينه وبين افعالك
ندى همست لدآنآ : يؤؤؤ قويه كلمة شوق
دآنآ : بقوه قويه احس في حرب بتقوم بينهم
رزآن : ماطلبتك تقارنين بين كلامي وافعالي
شوق ضحكت : بس مجبوره انبهك على أخطآئك
رزآن بحده : مابقى غيرك يــ...
شوق قاطعتهآ بحده اكثر منهآ : انتبهي لكلامك قبل تنطقينه حتى ماتندمين عليه بعدين
قآمت وتركتهم لحالهم .. ورآحت لمكآن بعيد عنهم .. تضايقت مره تحس هالمكآن يخنقهآ وكأنه يشير بأصابع الأتهآم لهآ .. يهددهآ بكشف اورآق المآضي .. ويخوفهآ من المستقبل ترعبهآ الذكريآت ويألمهآ الماضي المظلم .. وتحرقهآ حرآرة الدمع بعيونهآ






التوقيع :
اضغط على الصورة لفتحها بصفحة مستقلة

رد مع اقتباس
قديم 21-02-2013, 02:32 AM   رقم المشاركة : 340
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

يا خاطفي وين ألقى عزتي في زمان المذلة !
:::
:::
:::

بــقــســم ثــآنــي
فتح المسج اللي وصله قبل اجزآء من الثوآني قرآه لمآ شافه منهآ
( اذا فاضي كلمني ضروري )
فهد يوقف : عن اذنكم
باسل : على وين
فهد : بكلم سلطآن ضروري
بأسل : زين روح بس لا تتأخر
طلع من قسم الرجال وابتعد عنه شوي ودق عليهآ
فهد : سلآم
وصلهآ صوته المبحوح: وعليكم السلام
فهد سكت لمآ سمع نبرتهآ حزينهآ وحزن بدموعهآ : شوق خير ويش فيك
شوق : فهد طلعني من هنآ بسرعه انا مقدر اجلس ثآنيه زيآده
فهد : البسي عبايتك وتعالي نطلع بالسياره
شوق : طيب دقايق وجآيه
فهد : استنآك بالسياره .. قفل الخط واتجهه لسيارته ومشى فيهآ لعند الفيلا الخاصه بالحريم
انتظرهآ وبوقت قيآسي طلعت له .. دخلت السياره وبصوت بآكي
شوق : أمشي بسرعه من هنآ
فهد لف عليهآ : ويش فيك
شوق تبكي : طيب امش من هنآ مخنوقه مره
طلع من الشاليه وأخذهآ لمكآن بعيد عن الكل وحاول يهديهآ
فهد : قولي ويش صاير
شوق رفعت طرحتهآ عن وجههآ ومسكت يده بترجي ودموعهآ عن خدهآ : الله خليك يافهد خذني من هنآ خلنآ نرجع الرياض ما اتحمل اجلس اكثر
فهد بخوف وبنفس الوقت استغراب : ليش ويش صاير
شوق بأنفعال : خذني من هنآ وبس .. اذا صدق تحبني خلنا نرجع الله يخليك قلبي ماعاد يتحمل
فهد : رغم اني مو مقتنع بس لك اللي تبين
شوق تمسح دموعهآ : رزآن تحآول تهددني انهآ تقول لأهلك عن الماضي
فهد لف عليها مصدوم : ويش قلتي ؟
شوق رجعت دموعهآ على خدهآ : احمد قال لها عن كل شي .. بس هم مايدرون من كآن مايدرون انه انت .. انا مابي هالشي يرجع ينفتح
فهد بعصبيه : الحقير .. هذآ مايبي يحل عني لآزم ادبر له مصيبه تأخذه عنآ
شوق بترجي : فــهـــد بعده عني انا اكرهه اكره كل شي فيه هو اللي يخلي رزآن تتكلم ... أحميني منهم
فهد ضغط على الدركسون : لآتخآفين ياشوق ... الحين نرجع تأخذين اغراضنآ وبنسافر
شوق ارتآحت كثير : طيب خلنا نرجع
:::
:::

كآنت بالسوبر مآركت تشتري الأغراض اللي ناقصتهم .. طلعت ورقة الطلبات من شنطتهآ وأخذت اول الطلبات.. دفت السله ( العربيه ^^) وهي تتجول بين الأقسآم وتأخذ كل اللي يحتآجونه وقفت بقسم المعلبات
رغد : اول شي الشكولاته والمربي عشان ما انسى .. شالتهآ ومشت قدآم شوي واخذت اللي نفسهآ فيه ورجعت بتحطهآ في السله .. وصدمت برجال وطآحت منها العلب على الأرض ونزلت تلمهآ وهو يسآعدهآ مد لهآ العلبه وقال
...: انا اسف ما انتبهت
اخذت العلبه و رفعت رآسهآ وعيونهآ تسآبقهآ على اللي يتأسف منهآ .. تمنت الأرض تنشق وتبلعهآ ولا تشوف وجهه اللي زلزل كيآنهآ واستثار مشآعرهآ .. تعلقت عيونه بعيونهآ .. العيون اللي تعشقهآ وتهيم بحبهآ أنصدمت .. أكيد تحلم في هذي اللحظة او تتوهم وتتخيل طيفه قدآمهآ .. شبه كبير وفوق حجم المعقول .. سمعت صوت طفل ورآه
..: بآبآ .. سوف مآمآ ماتحليني استري سوكلاطه <<~ بابا شوف ماما ماتخليني اشتري شوكولاته
تعلقت عيونهآ بالطفل اللي قدآمهآ ويمسك يد ابوه وأمه الحآمل ورآه
..: لا تخليه يشتري شوكولاته ماراح تنفعه
حست كأن أحد صفعهآ كف على وجههآ افقدهآ توآزنهآ .. منظر خلاهآ تنهآر وماتقدر تتحمل .. تكرت كل شي وطلعت من المكآن كله .. دخلت السياره وهي بحاله شبه هستيريه من البكاء
جلآلي : رغد ايس فيه ؟
رغد صرخت عليه بقوه : امشي لبيت شهد بسررررعــــــــــــه
جلالي ارتبك من صرآخهآ وحالتهآ الشبه منهآره : حازر ..


بآلرياض
اخذت اغراضهآ ونزلت
ام دآنآ : وين ياشوق بدري ماجلستي
شوق : فهد طلع له شغل فجأه ويبينا نرجع الرياض
رزآن : بس انا بجلس مع اهلي
شوق بدون نفسه : كلميه اعطيه خبر .. اما انا مضطره اروح معه
ام رياض : ما استانستي معنآ يابنتي
شوق : يكفي اني شفتكم ياخالتي هذآ يكفيني .. دق جوالهآ
شوق : بطلع الحين هذآ فهد اكيد ينتظرني برى .. يالله اشوفكم على خير
الكل : في أمــآن الله .. وطلعت والخدم يشيلون شنطتهآ .. وركبت ورى لأن باسل قرر انه يرجع مع فهد اللي غصبه على الجيه
بآسل : غريبه الشغل اللي جآك يافهد
فهد : مو مشكله اهم شي جينا هنآ لو ساعه لزوم الوآجب
باسل طل بفهد : ماني مقتنع بسببك احس في شي ثاني
فهد : شوق تعبت وقالت نرجع الرياض ماتقدر تجلس
باسل : سلامآت ياشوق ماتشوفين شر
شوق : الله يسلمك الشر مايجيك
باسل يدق فهد : قول لنا من الأول كذآ وانت مسوي الدرآمآ هذي كلهآ
فهد وشوق ضحكوآ عليه وعلى كلامه






التوقيع :
اضغط على الصورة لفتحها بصفحة مستقلة

رد مع اقتباس
إضافة رد

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:39 AM.




 


    مجمموعة ترايدنت العربية