يا خاطفي وين ألقى عزتي في زمان المذلة ! للكاتبه . على شاطئ النسيان

[قلب الزهـــور]

يا خاطفي وين ألقى عزتي في زمان المذلة !
:::
:::
:::


بهذآ الوقت في المدينه .. وتحديدآ بمجمع النور
كــآنوآ بالسوق يكملون أغراض فاتن الباقيه ... لفوآ المجمع كآمل وخلصوآ نص اللي متفين يخلصوآ اليوم
رغد : أنآ تعبت تكسر ظهري
فاتن : وأنآ بعد تعالوآ نجلس ونطلب كوفي
ريمآس بتعب : اي والله .. نريح شوي .. وهم بطريقهم للمكآن اللي قاصدينه .. وقف قلبهآ وارتجفت اطرآفهآ لمآ شآفت يوسف وعبدالله مع بعض
كآنوآ قريبين منهآ .. لمحوهآ بسرعه .. وبآن الأرتباك على يوسف
يوسف : عبدالله تكفى خلنا نمشي ماني ناقص مشآكل
عبدالله وعيونه على رغد وتتبعهآ : لحظة ..
يوسف يسحبه : عبدالله خلنا نمشي ..
رغد ( يعني مآ كنت أتوهم كآن كل شي وآقع ... ليه القدر يجمعنآ بالصدف ياعبدالله ليه ؟) مشت بسرعه ورى ريمآس وفاتن وطنشتهم وقلبهآ يتقطع دآخلهآ من الألم النفسي والمنعوي
عبدالله بأصرار : انا رآيح انت رآقب الرجال واهم شي ركز على تصرفاته
يوسف : حنآ جاين بمهمه ياعبدالله تذكر هذا الشي
عبدالله : يوسف هذي الفرصه ماراح تتكرر مره ثانيه .. تصرف انت .. ترك يوسف لحاله ومشى ورغد وحآول يلحقهآ لكن وقف بمكآن بعيد عنهآ لما شافها مع صديقآتهآ اللي توقعهم اخوآتهآ
رغد لفت ورآهآ وشافته بعيد .. تضايقت وحست المكآن يخنقهآ
رغد : بنات انا مضطره ارجع البيت احس بتعب مره
ريماس وفاتن : سلامتك
رغد : الله يسلمكم .. انا رايحه باي
الكل :بآي .. مشت ونزلت بالسلم الكهربائي وعبدالله يلآحقهآ .. اتصلت على جلالي حتى يجيهآ .. ومشت بأتجآه الباركينج .. وظلت تمشي بتوهآن تحاول تهرب منه لكنه كآن يرآقبها من بعيد مثل ظلهآ .. وقفت بمكآن فاضي مافيه غيرهآ وكآنت تظنه تعب من ملاحقتهآ ومآجاء ورآهآ .. ارتكزت على الجدآر ..فتحت شنطتهآ وطلعت منهآ منديل حتى تمسح دموعهآ ... تنهدت تنهيده غريبه .. وحست بحركه خلفهآ .. مآ لفت ولا سرى الخوف بقلبهآ على العكس كآنت تتألم وتكابر في هذآ الشي
رغد بصوت مبحوح : ويش تبي مني ؟
عبدالله : ليه تهربين مني ؟
رغد ودموعها بدت تنزف على خدهآ : زي مآهربت سنتين عني ... انا بعد بهرب طول العمر منك
عبدالله مسك يدهآ : رغــ... .. سحبت يدهآ بسرعه ولفت عليه
رغد بحده : لا تقرب مني سآآمع ... انت ماصرت تعني لي شي
عبدالله : بس انــآ
رغد صرت على أسنآنهآ وحاولت تتمالك نفسهآ حتى مآ تصارخ : انت شنو ..اي قلبك جوآك ؟ .. انت دمرتني ياعبدالله دمرتني .. ليش لاحقني الحين حتى تعتذر وفر على نفسك وارجع لأني ماراح اسمع منك ولا شي
عبدالله : أنآ ماجيت اعتذر
رغد رفعت حآجبهآ وحطت يدها على خصرهآ : والله ... اجل ليش جآي ورآي ارجع لصديقك الكذآب مثلك
عبدالله قال بحده : يوسف ماله دخل فيني .. ومآهو مسؤل عني وعن قرارتي
رغد طلت فيه من فوق لتحت ... قلبهآ يحن له ولشوفته اللي ضنتهآ مستحيله ... تذكرت الآيام اللي تمنته يرجع للحياه حتى تشوفه لو ثانيه وحده او جزء منهآ .. بدون مآتحس سالت انهار من الدموع وبدت تشهق
رغد : قرآرآتك ؟... لا انا ولا يوسف راح نحاسبك عليهآ والحين روح مابي اشوفك بيوم قدآمي
عبدالله : اتمنى لك حياه سعيده مع اللي يقدر يسعدك ويهنيك ... انا مالي مكآن بحياتك
مآحس الا بكف على خده منهآ .. طل فيهآ مصدوم من ردة فعلهآ تعلقت عيونه فيهآ
رغد بصوت مقطع من البكاء : ليش تزوجت غيري ... قولي ليش ؟.. هذآ جزآتي ماعمرك غبت عن بالي ولا نسيتك لحظة وحده .. عشت على ذكرياتي القليله معك .. صدمتني بموتك وبكذبتك علي .. وحتى بزوآجك .. مآكنت اتوقعك كذآ " سحبت السلسال من صدرهآ ومسكت كفه وحطته فيه " مابقى لك شي عندي غير هذآ العهد اللي انت خنته .. أبعد عني وخلني اعيش مابقى من حيآتي في بُعدك .. مشت من عنده بطريق ماتعرفه ظلت تمشي وتمشي ... تآيه ماتدري وين تروح او لمين تلجئ ... كل شي مقفل بوجههآ حتى قلبهآ يدور قلب يحس بمعآنآتهآ ... مآحست بنفسهآ الا بطريق مظلم ومخيف ماحد يمر فيه وقفت على جنب ودقت على السوآق لكن خآفت لما ماحصلت أبرآج بهذي المنطقه .. جلست على الارض وضمت رجولها وصارت تبكي بشكل هستيري المكآن ظلام ومخيف .. وهي تآهت بطريق ماتعرفه .. كآنت تبكي وماهي حاسه بدنيآهآ .. فجأه حست بأحد وآقف قبآلهآ
رفعت عيونهآ والدمع مغرقهآ وشآفته وآقف يطآلعهآ .. وقفت بسرعه قباله وهي ميته من البكاء حست بالأمآن بوجوده معهآ في هذآ المكآن ..ومن خوفهآ رمت نفسهآ بحضنه وصارت تبكي بهستريا
عبدالله : رغد أهدي أهــــدي
رغد مآزآلت بحضنه : كيف أهدى ..
عبدالله سكت وبعدهآ قال : سآمحيني .. بعدت عنه بسرعه ومسحت دموعهآ بعشوآئيه
رغد : ما أقدر اسآمحك على اللي سويته فيني .. كنت أنتظرك بفآرغ الصبر كنت تقتحم كل أحلآمي ... مآ أقدر اسآمحك على تدميرك لي
عبدالله اللي يتأمل نظرآتهآ الامعه من دموعهآ ماقدر يوآجههآ أكثر من كذآ او يعترف لهآ بأسبآبه الخآصه
رغد تعدل طرحتهآ : روح لزوجتك لاتخونهآ زي مآخنتني
عبدالله : أنــآ ما خنتك
رغد طلت فيه : روح لهآ وأنسآني مآعدت تعني لي شي ... قبل تمشي سحبهآ لسيارته لكنهآ رفضت تدخل معه
رغد : ويش تبي مني أكثر .. مآ كفآك اللي سويته
عبدالله : ماراح امشي بدونك .. لآزم اوصلك لسيارتك
رغد بأصرآر : مآني بحاجتك .. انا أعرف اتصرف
عبدالله لف رآسه يتأمل المكآن : تعرفين تتصرفين بين المزآرع هذي .. لو أحد طلع بوجهك بتعرفين تتصرفين .. رغد لاتعاندين خليني اوصلك وبعدهآ ماراح تشوفيني أبدآ
ركبت السياره وقفلت الباب بقوه وركب بالجهه الثانيه مشى بسرعه ..والسكوت طآغي على جوهم قلبه مآزآل يحبهآ .. ومشآعره تشتاق لهآ ... لكن هو أتخذ موقف ولازم يكون قد كلمه اللي قآلهآ .. عيونه تحاول تتمرد وتسترق رؤيتهآ لكن شعوره بالذنب يمنعه .. زوجته مالها ذنب ان قلبه ملك لغيرها .. وذنبه انه اخلف وعده مع رغد اكبر من ال... هو بموقف لا يحسد عليه أحساسه يتجدد بروعته لانها متوآجده بجآنبه ... لكن كيآنهآ متزلزل بصدمتهآ فيه ودموعهآ ماتوقفت عن الانتثار
قطعت نغمة جوالها سكونهم .. ردت ببرود
رغد : هلا جلالي
جلالي : رغد انت وين انا في قريب
رغد : تعال عند بوآبه 2
جلالي : تيب الحين يجي ... قفلت الجوال ولف عليها عبدالله
عبدالله وقف السياره عند البوآبه اللي سمعهآ قالت لجلالي يجيها عندها : وصلنا
رغد شالت شنطتها بتطلع لكن استوقفهآ عبدالله بكلمته : قلبي بعده يحبك ..
سحبت السلسال اللي بصدرها كان محتوي دبلاتهم رمته عليه و قفلت الباب بقووووه شآفت سيارتهم ومشت لها بسرعه ورجعت للبيت

ببيت ابو مهآ أول مادخلت شآفتهآ ريم مسكتهآ
ريم : وين رايحه تعالي اتعشي معنآ
رغد والزعل مبين عليها : اكلت مع فاتن وريماس
ريم تطالعها بتفحص : مبين مره انك اكلتي شوفي حالتك كيف تعالي كولي لك شي
رغد بتأفف : قلت لك شبعانه اووف
ريم : شوفي كيف نحفآنه مره وحالتك كل يوم تزيد سوء تستني تموتين ؟
رغد تطنشهآ : أنا تعبانه وبنآم بغرفتي .. تركتهآ ورآحت لغرفتها وقفلت على نفسهآ

:::
:::
بآلمطعم
يوسف يسلم على سيف : هلآ والله بولد خالتي
سيف : هلابك أكثر .. كيفك
يوسف : الحمدلله بخير .. أنت كيفك ؟
سيف : ماشي حالي
يوسف : اجلس في بيننا كلام كثير
سيف يبتسم : باين اصلا من شكلك .. خير احسك بتقول شي مهم
يوسف : شي يخصك انت وريم
سيف بصدمه : ريــــم ؟
يوسف بأستغراب : سيف ليش تاركهآ ولا سأل فيهآ في بينكم شي خآص
سيف نزل رآسه : لا ابد
يوسف عقد حوآجبه : اجل ليش تاركهآ عند اهلها .. ترآهآ زوجتك مو احد غريب عنك
سيف : مو هذي المشكله انهآ زوجتي
يوسف سكت مصدوم من رده : سيف خوفتني البنت قالت شي زعلك
سيف : لا ريم مره شفافه وحنونه
يوسف تجنن : طيب ويش السبب قلي ؟
سيف رفع رآسه وبان الالم بعيونه : والله اني احبهآ وأشتاق لهآ بس مقدر اروح لهآ واقول هذآ الكلام
يوسف بحده : وليش ماتقدر هذي زوجتك مو غريبه
سيف أحتدت ملامحه : ادري انهآ زوجتي .. بس ما أتجرأ اكلمهآ واتكلم معهآ زي ماكنت
يوسف طالعه باستغراب : غريبه والله
سيف غمض عيونه : اعذرني يا يوسف بس خلني على راحتي
يوسف : والله مدري ويش ذي الحاله .. بس انا اقول لو ترجعهآ وتتحمل عشانهآ زوجتك تحبك وقلقانه عليك حرآم تكسر خآطرهآ
سيف بحده : بأحآول باقرب وقت
يوسف : هي كلمة زوجتي واشتكت لهآ وشهد قالت لي اكلمك يمكن نصالحكم
سيف : انا ماتقصر انت وشهد بس انا ما أجل هذا الموضوع لشوي
يوسف سكت : اللي تشوفه

[قلب الزهـــور]

يا خاطفي وين ألقى عزتي في زمان المذلة !
:::
:::
:::


بالرياض

الساعه 2 بالليل .. صحت من نومهآ وشافته نآيم بسلآم جنبهآ .. ابتسمت بعذوبه وهي تتأمله .. قربت منه ومررت يدهآ دآخل شعره وهي تتأمله بكل مآفيه توقفت عند وشمه اللي بكتفه جسمه الرياضي والوشم اللي على عضلة عضده يرجعهآ لأيآم ماتبي ترجع لهآ ابدآ .. نفضت الأفكآر الشيطانيه من رآسها وتعوذت من الشيطآن وقرأت المعوذآت وعيونهآ مافارقته .. حست بألم اسفل بطنهآ كآن يتردد عليهآ بن فتره وأخرى لكنهآ كانت تتوقعهآ ألأمهآ الشهريه وما أهتمت لهآ لكن كل مآلهآ تزيد اكثر ... غمضت عيونهآ بقوه وتحس الالم يقطعهآ تحملت وسكتت وبعد دقايق رآح الآلم حطت رآسه على كتفه بشويش حتى ماتزعجه .. فجأه
قآل بهمس سآحر : شوآقتي
رفعت رآسهآ وكآنت المسافه بين وجههآ ووجه قريب ولاتكآد تذكر ردت بصوتهآ الرقيق : يآعيونهآ
حط يده على خدهآ ميل فمه على جنب : ليه صحيتي بدري ؟
شوق ابتسمت : شبعت نوم .. لايكون نكدت علي بحركتي
فهد : بالعكس الحمدلله انك نكدتي علي
شوق رفعت حوآجبهآ بأستغراب : وليش ؟
فهد يضحك : عشآن اكمل سهرتي معك
شوق حمرت خدودهآ : فهووود
فهد ضحك بصوت عالي : ترى والله ماقلت شي يحرج
شوق تقرص يده وبحده : عطيتك وجه انا
فهد : أمووت على الناس المعصبه
شوق تكشر : مآ عصبت .." سحبت الشرشف وغطت رآسه فيه " .. ارجع نآم احسن
فهد ميت ضحك : يابنت ماقلت شي
شوق تقلب عيونهآ : انا ليش تحركت مدري .. تصبح على خير
فهد مسكهآ وضمهآ بقوه لصدره : فديتك وفديت كل شي فيك
شوق لفت يدهآ على رقبته : فهد قد أيش تحبني ؟!
فهد : أمممممم والله مدري .. ضربته ولف رآسهآ بزعل
شوق : ماتدري اجل ليش تكذب من الأول وتقول تحبني
فهد يدفن وجهه بخدهآ : ما أقدر اوصف حبي لك ... يآ ملآكي
شوق تضحك : أيوه هذآ الكلآم اللي ابيه
فهد : جنني الآشقر وصآحبته

:::
:::
:::

رجع البيت تعبان وهلكآن من شغله ومشاويره اللي كآنت كثير .. رمى نفسه على الأريكه
يوسف بتعب : السلآم عليكم
شهد وعيونه مافارقت الــ tv : وعليكم السلآم
يوسف : قفلي الــ tv ابي اكلمك بموضوع
شهد لفت عليه وحطت الــ tv على السايلنت : خير ويش في ؟
يوسف يعدل جلسته : كلمت سيف عشان ريم
شهد بأهتمآم طالعت فيه : ويش قال لك
يوسف رفع عيونه للسقف : قال لي كلام غريب ما اقنعني فيه .. بس قلبي مو مرتاح
شهد قربت منه : ايه ويش قالك تكلم
يوسف : يقول انه احيان يشوف اطرآف ريم على شكل حيوآنآت الله يكرمك ومايقدر يجلس معهآ
شهد شهقت : يعني مسحور ؟!!!
يوسف طل فيهآ بصدمه وقال بحده : كيف مسحور ؟
شهد تغمض عيونهآ وبسرعه تفتحها : وايش قال لك كمان ؟
يوسف : يقول انه ينخنق اذا كلمها والا نآم جنبهآ .. ويتضايق ويشم اشياء مو كويسه
شهد وقفت بخوف : شكله مسحور جد
يوسف مسكها : شهد ويش تقولين انتي
شهد طلت بيوسف بخوف : هذي أعراض سحر او عين .. لازم نوديه شيخ يقرأ عليه ويشوف حالته
يوسف : بس يمكن مايطلع مسحور
شهد : مدري والله مدري .. يوسف خلنا نتصرف قبل يصير فيه شي
يوسف : ويش تبيني اسوي انتي خوفتيني بكلامك هذآ
شهد جلست بخوف وعيونهآ على يوسف : خلنا نفكر بشي نسويه


اليوم اللي بعده
الصبآح رجعوآ لبيتهم بعد مآ عاشوآ احلى لحظآت حيآتهم ... اخذ له شور سريع وغير ملابسه ورآح لشركته .. آمــآ هي .. نآمت لهآ ساعتين بسبب الألم اللي يعآدوهآ من فتره الى أخرى
بعد مآ صحت أخذت له شور .. ولبست بجآمه وردي برمودآ وبدي كم فرآشه كآن ناعم وكيوت .. رفعت شعرهآ وحددت عيونهآ بكحل أسود واضآفة روج خفيف على شفايفها .. نزلت للصآله تبي تطلع للمزرعه حتى تتمشى لأن الجو مغيم ... رآحت مع الباب الخلفي .. ومرت من عند قسم مكتب فهد .. وقفت دقآيق تتأمل الباب الخشبي الكبير اللي عمرهآ مآ تجرأت تفتحه وقفت قدآمه دقائق طويله
شوق ( يآترى ليه هالمكآن ارض محرمه علينآ جميعآ عدآه هو .. أي عآلم ورى هذآ بيكون ورى هذآ الباب )
حطت يدهآ على مكبس الباب وفتحته بهدوء .. ودخلت للمكتب بكل جرآئه على رغم مسآحته الوآسعه وديكوره الفخم وتصميمه الكلاسيكي شآفت مكآن يعُج بالفوضى سيديآت متناثره على الأرض ... وملفآت على المكتب وأورآق كثيره على الطاوله الخشبيه وشآشة بلآزمآ عملاقه على الحآئط قربت من الطآوله اللي أعجبهآ تصميمهآ الفخم وادرآجهآ المطليه بالفضه .. فتحت الدرج وشآفت دآخله اشرطة فيديو قديمه وكآميرآ ديجتل أحدث موديل .. تملكتهآ الدهشه والأستغراب .. وقفت وكملت مشيهآ بالمكتب الكبير ولمحت زآويه اثارت الفضول فيهآ قربت منهآ وشآفت ممر ضيق مشت فيه ونزلت الدرج اللي طلعهآ على غرفه انصدمت بوجودهآ بهذآ القصر .. غرفة شخص يعشق الرسم ويهوآه لحد السُكر ... لوحآت معلقه ومتناثره على الأرضيه ولوحآت مغطآه بغطآء ابيض كالثلج زآد فضولهآ فضول .. وفتحت الغطآء عن اللوحآت وكآنت اقوى صدمه لهآ في حيآتهآ ... رسم رسآم مآهر
اعجبتهآ وبنفس الوقت اربكتهى وزلزلت كيآنهآ ... انتبهت الى نمط اللوحآت جميعهآ تشترك بشي وآحد .. وجميعهآ يظهر فيهآ الجآنب العدوآني .. مرت سآعه وهي دآخل هذي الغرفه الجآنبيه .. طلعت منهآ للمكتب وبدت تفتح الادرآج وتقرأ الأورآق والمستندآت الى ان طآحت بصندوق ذهبي متوسط الجحم .. فتحته وشآفت اورآق وشهآدآت كلهآ قديمه الجمتهآ عن الكلام وكآنت زي الصاعقه بالنسبه لهآ ... صآرت تفتش اكثر وكل ثانيه تكتشف شي ماكآنت تعرفه شي يعذبهآ ويزيد المهآ ألم ... خلصت كل شي وصآرت تبكي بحرقه وألم ... جريت لأشرطة الفيديو لما فتحتهآ زآد بكآهآ طلعت جري لغرفتهآ وأنهآرت فيهآ من البكاء والصدمه اللي شآفتهآ بمكتبه

::
::

بالمدينه وتحديدآ ببيت أبو مهآ
كلهم مجتمعين على الغدآء عدآ رغد
ابو مهآ : وين رغد .. هالبنت ماصارت تنشاف
سحر : بس حابسه نفسهآ بغرفتهآ حتى الأكل ماتكل زين
ابو مهآ : لايكون فيهآ شي ؟
ريم : تقول انها بس تعبانه ومكسله ... يمكن متضايقه او شي خلوهآ على رآحتهآ
هنادي : ويش على رآحتهآ لو يصير فيهآ شي بنقول ياليت اللي جرى ماكان
ابو مهآ وقف ورآح لغرفة رغد .. دق الباب ودخل
اول ماشافت ظل ابوهآ بغرفتهآ المظلمه مسحت دموعها وجلست بسريرها
ابو مهآ : يبه رغد... تشكين شي ؟
رغد ابتسمت بتعب : الحمدلله يبه مافيني الا العافيه لا تخاف علي مافيني الا كل خير
ابو مهآ بلوم : يابنتي ماصرنا نشوفك تضحكين زي اول .. تبدل حالك وين رغد الأوليه
رغد نزلت رآسهآ بأحرآج : أنـــآ زي ما أنــآ
ابو مهآ : لا يبه مآ أنتي رغد بنتي اللي اعرفهآ انا وآثق في شي مكدر خآطرك
رغد : خاطري مابه الا الف عافيه
ابو مهآ يوقف ويمد يده لبنته : قومي يابنتي ارجعي اضحكي الدنيا ماتسوى زعلك وضيقك
رغد وقفت بمسآعدته ابوهآ : الله يخليك لنا يايبه ولا يحرمنا من حسك ووجودك
ابو مها : ويخليكم لي

[قلب الزهـــور]

يا خاطفي وين ألقى عزتي في زمان المذلة !
:::
:::
:::

طلعت مع ابوها تغتصب الضحكه والفرح غصب عنهم ... تحاول تبري جرحهآ وعلتهآ لكن قدرهآ ماتدري ويش مخبي لهآ من مفاجئآت .. جلست معهم وقلبها وعقلها مو معهآ ابدآ ... رآح ابوهآ يأخذ له غفوه وهي جالسه مع اخوآتهآ
هنآدي : بنآت شوفوآ ايش سويت تصميم بالفلاش
ريم كآنت جنب رغد .. وأخذت الاب من هنآدي وبدت تشوف العرض اللي صممته هنآدي بنفسهآ بدت الموسيقى الحزينه تنتشر في الغرفه والكل سكت ... أغنيه جآت على الجرح ادمته من جديد واستفزت نزفه كلمآت كآنت تحكي عنهآ وعن حالتهآ وكأن من كتبهآ حآس فيهآ

وش مسوي مع غيري .. وش الدنيا في قربه قول
ياروحي انت متهني .. ولابشوقي لي مشغول
انا مازلت افكر فيك .. واموت فحبك وطاريك
ولكن هذي اطباعي .. اخبي الحزن بي ماقول

رجعت اسأل غصب عني .. جبرني الشوق واعذرني
انا ماقدر على قلبي .. عجزت القى لوفاه حلول
انا مازلت افكر فيك .. واموت فحبك وطاريك
ولكن هذي اطباعي .. اخبي الحزن بي ماقول

أمانه ان جيت في بالك .. تطمن قلبي عن حالك
على الذكرى انا عايش .. وكيف انساك مو معقول
انا مازلت افكر فيك .. واموت فحبك وطاريك
ولكن هذي اطباعي .. اخبي الحزن بي ماقول

{ للفنآن نبيل شعيل }

رجعت لغرفتهآ ودموعهآ على خدهآ تحس الكل يتقصد يعذبهآ .. قلبهآ مايتحمل كل هذي الصدف رمت نفسهآ على السرير وماحست بنفسهآ الا رآيحه بسآبع نومه

بالغرفه
سمر بأستغراب : ايش فيهآ رغد
سحر باصرار : اقولكم فيهآ شي مو طبيعي
ريم خافت على رغد : نفسي اعرف ويش فيهآ قلبي يتالم على حالها ابفهم ليه تكتم في نفسهآ
هنادي حطت يدهآ تحت خدهآ وبأنسجآم قالت : رغد ماتخبي شي بسيط .. اكيد السالفه كبيره
سمر : بنات خلونآ نتحرى عن ذآ الشي .. يمكن نقدر نساعدهآ
ريم : مالاحظتو شي .. السلسال اللي كآن عليها من زمآن ماكانت لابسته اليوم
هنادي عقدت حوآجبهآ : اجل السالفه حطنطيره هي مره قالت لي اللي اهدآهآ السلسال مآت وهي محتفظه باخر هديه له
سحر سكتت ( يعني هذآك عبدالله اللي قالت مآت هو اللي أهدآهآ السلسال ... والله رغد بتجنني لازم افهم قصتهآ لايكون مسويه شي غلط ومتوهقه .. لالا بسم الله عليهآ رغد عاقله ماتسوي شي زي كذآ )
ريم رفعت صوتها : سحر وين وصلتي ؟
سحر : هاه .. معكم
هنادي : ايه مره باين .. من قبل شوي تناديك وانتي ولا داريه
سحر : المهم ويش كنتي تبين
ريم : نسيت ويش كنت بقول ..

::
::
::

رجع من شغله وتذكر ملفه اللي نسآه بالمكتب .. مشى له وتفاجئ لما شاف بابه مفتوح وتذكر انه نسى يقفله زي عادته كل يوم .. دخل له بسرعه وشآف الأشرطه طالعه وشريط ينعرض على شاشة البلازمآ .. نزل للغرفه ولقى الغطآء على الأرض جن جنونه وطلع بسرعه من المكتب وصآر يصرخ بهستريا
فهد: مـــــيــــــري ... لـــيزآآ .. جوآ الخدم يركضون على صرآخه
ليزآ : يس بابا
فهد ونظراته كلها شرار: مين دخل مكتبي .. مين اللي تجرأ ؟
ليزآ خآفت منه وقالت بأرتباك : ماما شوق كآن فيه
فهد حس الأرض تدور فيه .. طلعت كل شيآطينه بهذي اللحظه .. كآن مثل الأعصار الهايج يدمر اي شي بطريقه .. طلع الدرج وهو يعديه درجتين ويصرخ بأسمهآ اللي زلزل اركآن قصره .. فتحت باب جنآحهآ مثل العاصفه وشافهآ واقفه تبكي بجنب السرير
فهد كآن يصرخ بكل قوته : شـــــــوووق
كآنت تبكي .. وبنفس الوقت خآيفه منه لانه بحاله ممكن يدمر فيهآ اي احد قباله .. عيونه تلمع من الشر ووجه أحمر من العصبيه كآن مثل الوحش الكاسر لا يعرف الرحمه .. ركض لهآ ومسكهآ مع اكتافهآ بقوه وصرخ بوجههآ : ويش سويتي بمكتبي
شوق كآن الخوف يسري بدمهآ ودموعهآ تجري على خدهآ : مــ....أنــآ
فهد هز جسمهآ الصغير بالنسبه لجسمه الرياضي الضخم : قولي ويش قريتي
شوق بهمس يرجف : ولا شي
فهد جن جنونه ودفهآ بقوه : قولي ويش قريتي قبل ما اسوي شي مايرضيك
شوق خآفت منه : قريت كل شي يافهد كل شي
تمنى انه مآت قبل يجي هذآ اليوم اللي شوق تكشف فيه كل شي عنه ... حس ان الدنيا ضاقت عليه ومستحيل تصفى له أبدآ .. بعد ماصار يحبهآ ويهتم فيهآ ... ترجع لهم المشآكل من أول وجديد ... لكن مو أي مشآكل ممكن تعدي والسلآم .. لآ لآنهآ مشكله ممكن تكون حد فآصل في حيآتهم مع بعض
مآحس بنفسه الا وهو يمد يده بكف قوي على خدهآ النآعم

طآحت على السرير من قوة كفه اللي الجمهآ عن الكلام والبكآء ... غمضت عيونهآ ودموعهآ تشق طريقهآ كآلعآده وقفت وحطت يدهآ على على مكآن الكف وعيونهآ على فهد اللي يلف بالغرفه زي المجنون .. وقف بعيد عنهآ وصدره يرتفع وينخفض بشكل مخيف وانفاسه تزدآد .. تحس انهآ اطلقت العنآن لوحشه المكبوت بدآخله
فهد بدا يصرخ بصوت يتردد بجناحهم : أرتحتي يوم عرفتي حقيقة زوجك ... ارتحتي يوم عرفتي من هو فهد .. عرفتي عايشه مع اي شخص " سكت شوي وبعدهآ رجع يصرخ " قولي لي ويش استفدتي الحين

سمع صرآخه العالي فتح باب القصر ودخل وصرآخ فهد يتأجج بكل زوآيآ القصر.. سمع كل كلامه ومستغرب كلام اخوه ويتسأل عن اي شي يتكلم

بغرفتهم
شوق تبكي : بـــ..ــس هذآ مــ.. ــآ نقص حبي لك
حس بسهم يطعن قلبه مايستآهلها ولا يستآهل طهرها ... غمض عيونه ورجع صوته العالي يرتفع وهو يلومهآ ويلوم نفسه على سهوته اللي ضيعت كتمآنه طوال 8 سنين وضيعت احلى أيآمه معهآ
فهد : هذآ حقيقة اللي تحبينه .. بعد اللي عرفتيه كيف بتحسين بالأمآن معي ؟!!
حط يده على صدره وبدت انفآسه تضيق ضاعت كل قوته وجبروته ... طآح على ركبه وبدأ يشهق ويحآول يأخذ اكبر قدر كآفي من الاكسجين .. ركضت له ومسكت يده وهي تبكي وعيونهآ تشوف الشخص اللي هآمت بحبه الحقيقي يطيح قدآمهآ .. صار جثه هآمده قدآمهآ قلبها ينطق قبل لسانها بحبه نزلت لمستوآه وهي تصرخ وتبكي بهستريا
شوق ضمته لحضنها : لاتتركني الله يخليك لا تروح مني
دخل الغرفه بسرعه من سمع صوت طيحة فهد شآفهآ بالموقف هذآ اللي أثر فيه واجتمع الدمع بعينه وهو يشوف اخوه اللي يعتبره عونه وسنده بالحياه مايتحرك .. حس انه بيفقده للأبد
ركض له وشآله من بين أحضآنهآ وحطه على السرير واتصل على الأسعاف بسرعه ...
آمــآ هي مافارقته دقيقه وحده حست ان روحهآ تطلع من جسدهآ بغيبته ... فكرت انها لو فقدته ماراح تسامح نفسهآ لأنهآ هي السبب بكل شي
شوق تبكي بحضنهآ فهد ويدها ماسكه يده : سآمحتك على كل شي سويته فيني .. بس أرجع لي سآمحتك حتى على عرضي اللي هتكته .. بس لاتروح مني .. سآمحني يافهد سآمحني
كآن واقف عند باب الجناح ويسمعهآ تبكي بصوت مسموع وكلمآتهآ ترن بأذنه .. فهم ان كآن بينهم شي قبل يتزوجون لكن القصه اكبر الحين ... تنحنح ودخلت تلبس عبايتهآ .. سمعت صوت الأسعاف اللي جآء وأخذه بوقت قياسي وصلوآ المستشفى وصلت بعدهم بدقايق بسيطه مع سوآقهآ .. دخلوه الطواري وكآن باسل وهي ينتظرون الدكتور اللي دخل غرفه الطورائ ..كآنت تبكي وتدعي ربهآ انه ينجيه وهم مايدرون عن سبب طيحته ... عيونهم متعلقه على باب غرفة الطوارئ اللي وآقفين جنبهآ وكل وآحد فيهم بجهه .. ثوآني وطلع الدكتور كآن باين عليه الارتباك قربوآ الأثنين منه
بآسل : بشرنا يادكتور
الدكتور : ما اخبي عليكم الآستآذ فهد يحتاج عمليه بأسرع وقت والا ماراح نلحق عليه اتمنى توقعون على الاجرآت بسرعه
شوق شهقت : عمليــه ؟
بآسل ارتجف من سيرة العمليه وزآد خوفه شكل الدكتور اللي مايطمن : عمليه ويش يادكتور
الدكتور بأستغراب عقد حوآجبه : مآتدرون ان الاستآذ فهد يعآني من مرض القلب وحالته متدهوره
أنصدموآ بالكلام اللي يسمعونه من الدكتور
شوق توقفت دموعهآ فجأه وقالت بعدم تصديق : شنو قلت ..؟
الدكتور : ارجوكم احد يتصرف ويوقع الأورآق قلبه مايتحمل اي تأخير .. يمكن ترجع الجلطه مره ثانيه
بآسل : انا اخوه اقدر اوقع
الدكتور يمشي ويستعجله : ويش تنتظر تعال وقع الاورآق وانا بأطلب الممرضين يجهزون غرفة العمليآت
كآنت مصدومه والكلام يتردد برآسهآ
فهد يعآني من مرض القلب وحالته متدهوره
فهد يعآني من مرض القلب وحالته متدهوره
فهد يعآني من مرض القلب وحالته متدهوره
جلست على الكرسي وتحس الدنيا تدور فيهآ ماهي مستوعبه اللي تسمعه... صوت بكآهآ بسري في الممر وعيونها تدمع بحرآره .. أحسآسهآ بالذنب صعب ينوصف .. لكن أدهى وامر صدمتهآ بمرضه اللي كآن يعآني منه ... بكت بحرقه وألم لكن لامجيب لهآ .. محد حولهآ وحيده في هذآ المكآن غريبه عنه وعن افرآده .. طلعت جوالهآ من الشنطه ودقت بدون شعور

[قلب الزهـــور]

يا خاطفي وين ألقى عزتي في زمان المذلة !
:::
:::
:::

بآلمدينه
كآنوآ يتفرجون على فلم ...رعب ومنسجمين فيه .. لكن كل وحده تفكيرهآ بعالم غير عن وآقعهآ
اللي تفكر بنفسهآ ومشآكلها .. واللي تفكر بحبهآ الضايع والخيانه اللي انطعنت فيهآ ..
{ هنآدي }

كآنت عايشه جو الفلم ومتابعه له بأخلاص ... لكن بين كل فتره وفتره يتمرد طيف مآجد ويمر ببآلهآ

{ ريم }
تفكر بزوجهآ اللي تآركهآ لحالهآ وبحالتهآ بدونه .. غيابه اثر على نفسيتهآ وحتى على ثقتهآ بنفسهآ

{رغــد}
كآنت بعيده كل البعد عنهم قلبهآ يبكي ويصرخ بدآخلهآ .. لكنهآ كآتمه لصرخآتهآ وانينهآ الذي ازعج برآئه تفكيرهآ وطفولة احلامهآ الورديه

{سحر }
كآنت تحلل كلام هتدآء اللي حست بتناقضه وسرآ الشك بعروقهآ بعد مآ أعطتهآ كامل الثقه والارتياح ..أحسآسهآ بشي يدور حولهآ تجهله خلهآ تفرط التفكير بكلامهآ بالساعات الطويله معهآ

صحوآ كلهم على صوت جرس التلفون المزعج
هنآدي قآمت بسرعه من مكآنهآ وهي تتسابق مع سمر على الاجآبه
سمر تسحب السمآعه : أنا برد
هنآدي تسحبهآ بقوه وتلف السلك حول جسمهآ : الــــــوووو
سمعت صوت بكآء شوق الحآد وشهقاتها اللي مافهمت منهآ شي
هنادي تغير لونهآ وبدأ الخوف يسري بعروقهآ قالت بحده : شوق .. ويش فيك
شوق تبكي : وين عمي
هنآدي طآح قلبهآ من الخوف : شوق ويش فيك تبكين
شوق زآدت حدة بكآهآ أكثر : فـــــهــــــد
هنآدي شوي وتبكي : ويش فيه فهد .. تكلمي
كلهم وقفوآ وقربوآ بسرعه من هنآدي
شوق : جآته جلطه وبيسوون له عمليه
هنآدي شهقت : جلـــطـــه ؟!
شوق تبكي : وين عمي ابيه .. انا لحالي محتآجته جنبي
هنآدي تصرخ على سمر : روحي نادي أبوي .. جريت سمر بخوف لغرفة عمهآ ونآدته يكلم شوق المنهآره .. بعد مآقفل الخط منهآ لف على البنآت
رغد بخوف : يبه ويش فيهآ شوق
ابو مهآ : زوجهآ تعبان وجآته جلطة
هنآدي وسمر : نبي نروح الرياض
ابو مهآ : قريب احتمآل بعد يومين عشآن عندي كم شغله اخلصهآ
سحر : طيب ويش قالت ثآني
ابو مهآ : الله يكون معهآ
الكل : أميـــن


بآلــريــآض
أتصل على أبو ريآض وقاله عن فهد اللي دخلوه غرفة العمليآت
ابو رياض وقف بوسط المجلس : فــهــد .. أنت متأكد ياباسل ؟
باسل : ايه انا قلت اقولك لانك أبوه .. ومالنآ بالرياض الا انتم
ابو رياض : خلاص انا جاي الحين من الخبر مع السلامه
رياض وقف جنب أبوه بخوف وعيون اعمامه على ابوه اللي باين الخوف والارتباك عليه
رياض : يبه .. ويش صاير ؟
ابو رياض نزل راسه : فهد جاته جلطه
الكل وقفوآ بصدمه
ابو رزآن : كيف جاته الجلطه .. شنو السبب
ابو رياض : كله مقدر ومكتوب
ابو رزآن طلع من المجلس ونآدى رزآن من عند الحريم
رزآن : أمرني يبه شنو بغيت ؟
ابو رزآن وعيونه تلمع بالخبث : تعالي يبه عندي كم كمه لازم تسمعينهآ زين
رزآن قرصهآ قلبهآ : خير يبه ويش صاير ؟
ابو رزآن أخذهآ عند الجلسات الخشبيه وركز بعيونه عليهآ
ابو رزآن : أسمعي زين يابنتي زوجك الحين طآيح والله أعلم متى بيفارق الحيآه
رزآن تعلقت عيونهآ بأبوهآ : ويش فيه فهد ؟
ابو رزآن : مجلوط عسآه للموت والحين بالعمليآت
رزآن شهقت ودمعت عيونهآ : من جدك يبه فهد جآته جلطه
ابو رزآن : ايه من جد والحين كلنا بنرجع الرياض بس ابيك تسمعيني زين ..
رزآن نزلت دمعتين من عيونهآوبعدهآ اصغت لكلام ابوهآ بكل حوآسهآ حتى تطبقه بالحرف الوآحد

::
::
بآلمستشفى كآنت تنظر بآلجنآح اللي حجزوه خصيصآ لفهد فارشه سجآده أخذت مصحف وصلت ركعتين دعت فيهآ ربهآ انه يقومه بالسلامه ويعدي هذي الأزمه على خير ويطلف بحآلهآ اللي كل مآ ابتسمت لهآ الدنيا ترجع تصفعهآ ولا ترحمهآ .. تجدد الآلم فيهآ وحآولت تتمآلك الآمهآ
شوق رفعت يدهآ : يارب قومــه لي بالسلامه .. وطول لي بعمره يارب ياكريم اكرمني من فضلك وأبدل حزني وألمي فرحآ وسعآده ياكريم ..
سمعت صوت دق على الباب .. تغطت وطوت سجآدتهآ ومشت للبآب وفتحته وشآفت بآسل وآقف
بآسل : محتآجه شي ؟
شوق : لا .. ماطلع الدكتور
باسل : لا بس الممرض طلع وقال محتآجين دم سويت تحليل ومآطلع متطآبق جيت عشآن اقولك تسوين تحليل دم ونشوف التطآبق
شوق بخوف : ماعندي مآنع خلني اروح بسرعه
بآسل : يالله مشينآ

بعد نص ساعه طلعت النتيجه وكآنت متطآبقه سحبوآ كميه من دمهآ ودخلوهآ تحت الملاحظة سآعتين
جآء ابو ريآض للمستشفى مع ام رياض وريآض ورزآن .. ودخلوآ على شوق اللي كآنت دآيخه من بعد سحب الدم
ابو ريآض : سلآمتك يابنتي
شوق بتعب : الله يسلمك
ام رياض ضمتهآ وبآستهآ على جبينهآ : الله يقومه بالسلامه
شوق : الله يسمع منك ياخالتي
رزآن تتخصر : أكيد ماجآته الجلطه الا بسببك أنتي
ابو رياض : رزآن يابنتي استهدي بالله وان شاء الله زوجك مافيه الا العافيه
شوق طلت فيهآ بنظرآت ناريه وقالت بحده : أطلعي برآ مابي أشوفك بــــرآآ
ام رياض استغربت ردت فعل شوق وحآولت تهديهآ : تعوذي من ابليس يابنتي
شوق : اعوذ بالله من شياطين الانس والجن
رزآن انقهرت منهآ وقالت : انتبهي لكلامك يا شوق قبل تندمين
شوق : انتي ماتفهمين قلت لك اطلعي برآآ بـــــــرآآ
اخذ ابو ريآض رزآن وطلعهآ معه برآ عند باسل وريآض اللي كآنوآ يتكلمون مع الدكتور بعد مآ طلع من غرفه العمليآت
الدكتور : الليله بيكون بالعنآيه المركزه وبكره اذا استقرت حالته نطلعه بغرفته
ابو رياض : طمنآ عنه يادكتور
الدكتور : ما اقدر اقول اي شي الا لما تمر 18 سآعه
بغرفة شوق .. زآد التعب عليهآ
ام رياض : يمه شوق خليني انادي الدكتور يشوف علامك
شوق : لا ياخالتي متعوده على هذآ الألم من زمآن
ام رياض : لاتسكتين على المرض .. خليني اروح
شوق حست أنهآ بترجع وأنتم بكرآمه قآمت بسرعه للحمآم وصآرت ترجع دم .. نفس حالتهآ قبل تتزوج عآدت لهآ
خآفت ام رياض وطلعت للممر تكلم زوجهآ بعد دقايق معدوده دخل الدكتور ومعه النيرس .. وبدأ يأخذ الغط والسكري ويعآين مكآن الالم

[قلب الزهـــور]

يا خاطفي وين ألقى عزتي في زمان المذلة !
:::
:::
:::

خآرج الغرفه
بآسل : هي ويش صار لهآ
ام رياض : والله مدري فجأه قآمت ترجع .. اكيد عشان سحب الدم
رزآن بحقد وفرح نفس الوقت ( ماتقوم ان شاء الله .. من هذآ وأردى يارب )
ابو رياض بحزن وضيقة خلق : ويش صاير لهم فهد بين الحيآ والموت وشوق ماحد يدري ويش بلاهآ
طلع الدكتور من عندهآ
ام رياض : بشرنآ يا دكتور
الدكتور : لازم نسوي لهآ فحوصآت وأشعه بكره الصبآح
رزآن : ليش ؟
الدكتور : نتأكد بس ان شاء الله مافيهآ الا كل خير بس الأحتياط وآجب
ابو ريآض : مشكور يا دكتور تعبنآك معنآ
الدكتور : هذآ وآجبي .. ماتشوفون شر .. عن أذنكم
الكل : تفضل
بالغرفه
أعطآهآ الدكتور مسكن للألم حتى ترتاح شوي منه .. حطت يدهآ على بطنهآ وغمضت عيونهآ وهي تتمنى اللي ببالهآ يتحقق
شوق ( لي شهرين شآكه يارب يكون شكي بمحله وأكون حآمل .. يــــآآآرب )
كآنت هذي اخر كلمآت تذكرهآ وأخر طيوف للضوء شآفتهآ وغطت في سبآت عميق سرقهآ لعالم غير عن عالمهآ الحالي وأبعدهآ عن ضوضآء الأفكار وتعذيب الصبر .. وألم معآنآتهآ في انتظاره

::
::
بآلمدينه
دقت عليهآ رغد وقالت لهآ عن الخبر
شهد : ويش المصايب اللي تتحذف علينآ
رغد بحزن وصوت باكي : الله يكون بعونآ كلنا
شهد : اهم شي شوق كيفهآ ويش قالت لأبوي ؟
رغد : والله مدري ابو دخل غرفته وقفل على نفسه يقول بكره بيروح الورشه يزبط السياره عشان كلنا بنسافر
شهد : بقول ليوسف نروح معكم مستحيل اترك شوق لحالها
رغد قالت بغصه : يوسف ؟.. ماقلت لك اني شفته مع عبدالله
شهد شهقت : مع عبدالله
رغد قفلت الباب وبكت بصمت : احس قلبي ماهو قادر يتحمل اني اكتم اكثر من كذآ ... شهد نفسي اروح لمكان ما اعرف فيه احد .. انا اتعذب كثير
شهد : هونيها وتهون بعدين هو الخسران .. تذكري انك الف من يتمناك
رغد : بس قلبي لسى يحبه
شهد : رغوده تذكري انه متزوج وعنده ولد شفتيه بعيونك وكمان زوجته حامل ايش تبغي اكثر من كذا انسيه طلعيه من حياتك وتفكيرك
رغد : انا بقفل الحين باي
شهد سكتت : براحتك بس لازم تكوني اقوى من كذا وماتتهربين من الواقع
رغد : ويش اسوي ؟.. ماعاد فيني عقل
شهد : فكري زين وراح تلاقين الحل .. بشوف يوسف باي
رغد تقفل الجوال وتتامل شاشته ودموعهآ على خدها : آآه ياقلبي وين نهايتنآ معه
دقت سحر عليها الباب وفتحته
سحر : ممكن اتكلم معك شوي ؟
رغد ابتسمت بعد مامحت ملامح الحزن : حياك قلبي
سحر جلست قبالها على السرير وسحبت جوالها وحطت على جنب : رغد بقولك شي .. الله يخليك قولي الصدق
رغد عقدت حواجبها : شنو بتقولين ؟
سحر تأشر على صدرهآ : وين السلسال اللي على صدرك من سنتين ؟
رغد ارتبكت وتغير لون وجههآ : نزلته صاير يضايقني كثير
سحر بحده : مامليتي من الكذب ... قولي ويش قصة السلسال وعبدالله من يطلع هذآ ؟
رغد عصبت : ويش فيك علي انتي .. كل مره والثانيه عبدالله وعبدالله .. خلاص عبدالله مآت وشبع موت افهمي
سحر رفعت حآجبها : رغد انتي غلطتي بشي
رغد صرخت عليها : ســــحــــر ايش صار لعقلك .. كيف تشكين فيني مستحيل اعملهآ أنا
سحر توترت : اجل ليش بس تبكين شوفي حالتك راضيه على شكلك لونك المخطوف .. وين رغد اللي الكل يتحآكى بجمالها صايره جلد على عظم
رغد : ضغطي نفسي عارفه الطب مأخذ عقلي
سحر بسخريه : أي طب وحنآ بأجآزه .. رغد كافي كذب كآآفـــي
رغد عصبت وحمر وجههآ : ايش فيك انتي ماتفهمين ... بعدين انا ماني مضطره اقولك شنو فيني .. رجآء سحر لاتتدخلين بخصوصياتي
سحر وقفت وبقهر قالت : أي خصوصيات هذي اللي بتكون سبب موتك
رغد ترفع حآجب: انا حره بنفسي
سحر لفت ومشت عنهآ لكن قبل ماتطلع قالت : انآ ورآك ورآك الين افهم السالفه

طلعت وقفلت الباب ورآهآ أمـــآ هي تغطت بالبطآنيه وجلست تبكي

[قلب الزهـــور]

يا خاطفي وين ألقى عزتي في زمان المذلة !
:::
:::
:::

ببيت يوسف
كآنت بالمطبخ تسوي العشاء .. نزل من عند امه وشآفهآ حزينه شوي
يوسف : شهد
شهد : هلا
يوسف : اشوفك زعلآنه ..؟
شهد لفت عليه وميلت فمهآ : مادريت عن فهد زوج شوق ايش صار له
يوسف بقلق : لا والله خير
شهد : جاته جلطه
يوسف : ان شاء الله ماصار فيه شي
شهد : الله اعلم بس توهم مسوين له عمليه .. اقول يوسف ابوي وخوآتي بيروحون الرياض خلنآ نروح معهم
يوسف : ايه لازم نروح هذآ عديلي ووآجب نزوره .. ولاتنسين ان شوق شقيقتك اكيد محتآجتك
شهد شوي وتبكي : ياقلبي عليهآ اكيد محتآجتنآ وربي اني افكر فيهآ ... قلبي مو متطمن احس فيهآ شي
يوسف : تعوذي من الشيطآن .. وكملي عشآنآ تراني جوعآآن
شهد ابتسمت : ربع ساعه ويكون جآهز .. كم سوسو عندي
يوسف : مشاء الله رجعتي شهد بتاع زمان
شهد : هههههههههههه روح للصاله لاتشغلني
يوسف : بروح وأمري لله معك 15 دقيقه وبعدهآ بأهجم هنآ خلص العشاء والا مآخلص تصرفي عآد
شهد : مآبقي شي يالله روح بلا ثقالة دم
يوسف يمشي : ماراح اوريك ثقالة دمي لأنك عارفتهآ زين
شدت شعرهآ بقهر ولفت تكمل شغلهآ وتقطع السلطه
:::
:::
:::
اليوم اللي بعده
صحى ويحس بألم ينهش بلحمه .. فتح عيونه ولمح ظل النيرس والدكتور .. بدأ يستعيد وعيه ويرجع للحياه من جديد
الدكتور : الحمدلله على سلامتك
فهد بتعب وصوت مبحوح جدآ : الله يسلمك
الدكتور ابتسم : خوفتنا عليك
فهد وصدره يالمه أكثر : ويش صار لي ؟
الدكتور : كل خير .. قولي تحس بشي يألمك
فهد غمض عيونه : ايه صدري يألمني مره
الدكتور : شي طبيعي بس اتمنى تكون أقوى من كذآ يا أستآذ فهد زي مآ تحملت الألم سنين تقدر تتحمله كم يوم
فهد يحآول يجلس : أكيد اقدر بس شنو سويتو لي
الدكتور : عملية قسطره للقلب انت عارف حالتك مايحتآج اشرح لك
فهد اخذ نفس طويل وشآف المغذي بيده وصدره عآري وعليه أسلاك للاجهزه : يعطيك العفيه يادكتور ماقصرت
الدكتور : هذا وآجبي .. وعلى فكره جوني بعض الصحفيين يسألون عن حالتك وهل ممكن تأثر على توآجدك بالسوق .. بس مآ أعطيتهم جوآب وآضح
فهد ابتسم بلئم : أكيد فرحوآ بطيحة فهد الجابر
الدكتور : تقوم بالسلامه ان شاء الله .. واي شي تحتآجه كلمني
فهد : ماتقصر
الدكتور : قدآمك العافيه
دخل بآسل بعد محاولات مع النيرس .. وشآف فهد جالس يتكلم مع الدكتور .. مشى بأتجآهه بسرعه
بآسل يبوس راس فهد ويضمه : خوفتنآ عليك يالظآلم
فهد ضحك : كل هذآ حب
بآسل يبعد عنه : ماتشوف شر يالغالي .. كيفك الحين ؟
فهد : الحمدلله على كل حال .. زي ماتشوف بخير
باسل : بس طيحت قلوبنآ عليك ..وطيحة قلب المسكينه شوق
فهد تعكر مزآجهآ وتحولت ملامحه الي الشراسه .. استئذن الدكتور بعد ما خلص من فحصه
باسل : ترآهآ برى من امس تنتظر رغم انها تعبانه مره
فهد : روح قولها مابي اشوفهآ ... مابي اشوفهآ ابد لاتجيني هنآ سآمع
باسل استغرب وتأكد اني اللي صار بينهم الليله اللي قبلهآ شي كبير مره : بـس ياهد زوجتك تعبانه سووآ لها تحاليل واشعه خلها تطمن عليك اقل شي بعدهآ أنا اوصلهآ للبيت
فهد بحده : كلمتي ما أرجع فيهآ .. قول لهآ فهد مايبي يشوفك الحين بخليهم يطلعوني غرفتي الخاصه وانت خذهآ للبيت
باسل : ورزآن .. كلهن برآ صعب اقول لشوق وما أقول لرزآن
فهد عاقد حوآجبه بعصبيه : قول هذي رغبتي أنــآ وهي عارفه السبب
باسل يحآول يهديه : طيب طيب .. ماراح يصير الا اللي يرضيك .. بس لاتعصب اهم شي صحتك انا طالع لهم الحين

برآ الغرفه ..
بعد مآ طلع قربت منه رزآن وكلمته وبعدهآ دخلت هي وابو رياض للغرفه .. ومشت شوق تبي تدخل
باسل : شوق
شوق ردت : نعم
باسل : فهد مايبي يشوفك
انصدمت من كلمته اللي ماتوقعتهآ ابدا
شوق ردت بنبرة مصدومه : بــس انــآ بشوفه
باسل نزل رآسه بحيآء : هذي رغبه اتمنى تنفذينهآ
شوق نزلت دموعهآ : وقلبي اللي خآيف عليه انا ماقدر استحمل لازم ادخل والحين .. فتحت الباب ودخلت وقلبهآ يسبقهآ له ..
سمعت صوت رزآن العالي : اكيد منهآ اللي مآ تخآف ربهآ بنت الشوارع
فهد صرخ : رزآن احشمي نفسك
رزآن : مآ قلت شي اووف
دخلت شوق وقالت بصوت هادي كآتمه ورآه دموعهآ وغصتهآ : السلآم عليكم .. ردوآ السلآم عدآه هو دخلت ورآهآ ندى وامهآ وكآنوآ توهم وآصلين
ندى ركضت لفهد وضمته وهي تبكي : الف سلامه عليك .. ماتشو شر يالدلوع
فهد : الله يسلمك .. ليش البكاء شوفيني بخير مافيني شي ؟
ندى : باين مافيك شي
ام رياض سلمت عليه وحطت باقة الورد على الكمودينه : تقوم بالسلامه ياولدي
فهد : الله يسلمك ياخالتي ... مشت شوق ووقفت جنبه
رزآن : لو سمحتوآ بعدوآ عنه خلوه يتنفس شوي
فهد اعطهآ نظره جآمده : المكان وآسع وانا مرتاح
ابوه : يبه فهد عسى قلبك ما يوجعك
فهد بدون نفسك : تهمك الأجآبه
سكت ابوه من رد ولده الجاف وماقدر يكمل كلامه معه وهو خايف عليه
ام رياض : ليه سكت عن روحك يمه .. شوف يش صار فيك
فهد ابتسم والالم بعيونه : ما سكت ياخالتي تعالجت بما فيه الكفايه من كنت بعمر 17 وانا اعاني من القلب وجدي ماقصر معي بس هذا مكتوب من رب العالمين

الكل مصدوم اعتراف كآن بمثابة الصاعقه لهم جميعآ .. الأف علامآت الآستهآم انرسمت على وجوههم .. وملايين الاسئله استحلت تفكيرهم
ابوه : وانت عمرك 17 ؟
فهد : ويش اللي اختلاف سوآ انكم دريتم ... وأنآ مايهمني دريتوآ او مآ دريتوآ
شوق : اللهم لا اعتراض
رزان تدقها : اسكتي انتي لاتتكلمين
شوق طلت فيها بقهر : انتي اللي اسكتي ماحد كلمك
رزآن ترفع صوتهآ : مآ بقى الا اكلم نآس مخطوفين وسمعتهم بالارض
فهد صرخ عليهآ : رزآآآآآآآآن
شوق أنقهرت وطلعت بسرعه من الغرفه كلهآ


^^^
^^
^
؛انتهــــى البــــــــــــــارت ..

[شمس القوايل]

يعطيج العافيه قلب الزهور ع الطرح والمجهود

عساج ع القوه

ننتظر جديدج القادم

[قلب الزهـــور]

اقتباس المشاركة الأصلية كتبت بواسطة شمس القوايل يعطيج العافيه قلب الزهور ع الطرح والمجهود عساج ع القوه ننتظر جديدج القادم

هلااااااااااا وغلااااااااااا
يسعدلي قلبك ويسلمووو ع الحضور الرآئع بصفحتي
تقبلي شكري تقديري واحترامي
مع تحياتي قلب الزهور
بباي

[قلب الزهـــور]

يا خاطفي وين ألقى عزتي في زمان المذلة !

البارت الثاني والثلاثون ...~

[قلب الزهـــور]

يا خاطفي وين ألقى عزتي في زمان المذلة !

البارت الثاني والثلاثون ...~

وسالت دمعتي وانتي .. بعـيـدهـ ..
وحيد وداخلي ( انتي ) الوحيدهـ ..!

أحاول أڪـتبك ) ( بدموع عيني ..
يطيح الڪون !. ماطاحت قصيدهـ ..!

وابلل هــ الـورق .. وآخـافتـغـرق ..
حروفك في ( ألف بائي ) البليدهـ ..!

وآمـد يدين ( خفّـاقي ) وأنـطر ..
وأناادري خافقڪ مامد ّ .. إيدهـ ..!

وأحاول أڪـتم انفــاسي .. لأنــّي ..
أخاف الصدر ( يزفرڪ ) بنهيدهـ


فهد صرخ عليهآ : رزآآآآآآآآن
شوق أنقهرت وطلعت بسرعه من الغرفه كلهآ .. جرحهآ كلآم رزآن .. دقت على السوآق عشآن يرجعهآ للبيت

أمــآ بغرفة فهد
فهد بعصبيه : رزآن اطلعي برآ
رزآن بقهر : ليش أطلع مآ قلت شي غلط .. مو شوق قبل تتزوجهآ كآنت مخطوفه بس انت سترت عليهآ ياحبي
فهد ولع منهآ : أنتي ماتفهمين .. انطمي وأطلعي
رزآن رفعت حآجبهآ : ليش معصب الحين .. هدي نفسك نآسي انك مسوي عمليه
فهد مآعآد قدر يتحمل وصرخ بقوه : قلت أطلعي برآ
مسكتهآ أم رياض وندى وطلعوآ بسرعه من الغرفه .. كآنت عيون أبوه تلمع حزن عليه وعلى حآله وبنفس الوقت غبن وقهر من ولده اللي مآ يشآور أحد بقرارته
ابوه : عآجبك الحين .. سيرتنآ بتصير على كل لسآن
فهد رفع عينه ونظرآته حآده : ويش تقصد ؟
أبوه : العالم كلهم بيدرون عن زوجتك وسآلفتهآ لو أنك طآوعتني ماتزوجتهآ ...
فهد قآطعه : يبه أرجوك أسكت
ابو رياض عصب : شلون أسكت انت جبت لي المرض بتصرفاتك وعنآدك ... ماتسوي الا اللي برآسك .. أسمع يافهد بعد مآ تتشآفي البنت هذي تطلقهآ سآمعني
فهد طالع ابوه بصدمه : أطلــــــقـــــهــــآ ....!!
ابو رياض : أيه تطلقهآ ... ماراح يجينآ من ورآهآ الا وجع الراس
فهد سكت ومآرد على ابوهآ اللي قال : شوف يافهد .. اختآر بين أهلك وبين زوجتك شوق يا تطلقهآ يا ... " سكت "
فهد بحده : كمل .. ليش سكت يبه... الحين همتك مصلحتي والا الكلام اللي بيطلع علي.. لحد هنآ وبس مآحد له دخل فيني .. اسوي اللي أنآ ابيه مو اللي انتم تبون
ابوه عصب : هذآ أنت ماراح تتغير أبد
فهد ضغط على نفسه وتمآلك أعصابه .. صر على اسنآنه : أتركني لحالي
أبو رياض قبل يطلع : فكر بكلامي زين.. طلع وسكر الباب ورآه
غمض عيونه بألم .. ويحس بنغزآت في قلبه وحرارة جسمه بدت ترتفع ضغط على الجرس اللي جنب سريره وجآه الدكتور في غضون دقائق معدوده ... بعد ما كشف عليه .. طلع من الغرفه
بآسل : خير يادكتور
الدكتور : لاحول ولاقوه الا بالله الاستآذ فهد صحته ماتتحمل الضغوط النفسيه ارجوكم اذا كآن عندكم مشآكل أجلوهآ شوي لحد ما ترجع صحته زي أول وأحسن
بآسل : والحل الحين ؟
الدكتور : ممنوع عنه الزياره مده ثلاث ايام حتى يتحسن
بآسل : بس نآ لازم اشوفه
الدكتور : أنت بس غيرك ممنوع عنه الزياره
باسل : اللي تشوفه يادكتور انا رايح اللحين وبكره راجع
الدكتور :مع السلامه
مشى لعند رزآن اللي كآنت وآقفه لوحدهآ بعد ما رآح ابو رياض مع الاهل لبيتهم
رزآن : ويش قالك الدكتور
باسل بدون نفس : أكيد انتي السبب ماحد يتعب فهد غيرك
رزآن بحده تتخصر : لا والله .. ليش ما تكون مدام شوق
باسل : انا سمعته صرخ عليك .. قولي ليش صرخ عليك
رزآن تمشي قدآمه : مالك دخل شي مايخصك
باسل : صدق والله مايخصني ... مشى لعندها بسرعه ولفهآ عليه وبعيون شراريه
باسل : رزآنوه تأدبي معي والا بقول لفهد كل اللي سويتيه واللي ناويه تسوينه مع ابوك .. ترى حياتك او موتك بيدي أنآ ... مايحتاج اقولك فهد ويش راح يسوي فيك
رزآن انقهرت منه وبحقد قالت : ويش بتقوله هآآآه ؟...
باسل يبتسم بلئم : على كل اللي أعرفه .. اللي ......" سكت "
رزآن ولعت منه وصرخت عليه : رجعني البيت بسرعــــــــه
بآسل : ما أشتغل عند اهلك أنآ ... دوري أحد يرجعك
رزآن بحده : بآآسل .. لاتفكر انك تضغط علي بأسلوبك هذآ ... لالا ترآك غلطان ياحبي
بآسل ميل فمه على جنب : امشي بس لوعتي كبدي خليني اوصلك وأفتك
طلعوآ من المستشفى .. وركبت بالمقاعد الخلفيه وكآن ودهآ تقتله ووتخلص منه لأنه بدأ يهددهآ ويشكل خطر عليهآ وعلى مستقبلهآ مع فهد اللي لسى ما خضع لمخططاتهآ الشرآنيه

:::
:::
:::
بقصرهم
قفلت على نفسهآ غرفتهآ وأنهآرت بالبكآء اللي خآرت من بعده كآمل قوآه نفسيتهآ تعبت كثير وقلبها ماعاد يتحمل المزيد ... انجرحت بما فيه الكفايه وتعذب اكثر من الازم ... ماتدري متى النهايه او كيف بيكون شكل النهايه ... مع كل دمعه تذرفها يزداد الم بطنها اضعاف واضعاف .. ورغبتهآ بالأستفرآغ اصبحت أكثر وأكثر .. صدع راسها من هجوم الافكار وتضارب التحليلات .. وعواصف مخاوفها من المجهول
تذكرت ان ماهو غائب عندهآ عند الله معلوم .. تذكرت ان ما تخاف وقوعه عند الله مكتوب ... تذكرت ان مايحدث لها كله قدرومكتوب وعليها الرضاء به لكي تزدآد روآبط الايمآن في قلبهآ ... تذكرت انه الله يشتاق الى مناجاة عبده له في وقت ضيقته وحزنه .. وان نفسها وقلبها لا يرتاحان الا بسجودها لخالقها تبث حزنها وخوفها ومُصــآب قلبها الضعيف له .. فهو القادر على كل شي

توضت وفرشت سجآدتهآ وبدت تتلو سورة الرحمن بصوت رآئع وعين دآمعه وقلب خآشع .. ختمت سآعتهآ بدعاء وترجيآت لخآلقهآ عز وجل ... التعب سرى بجسمها وانهك قوآهآ .. استسلمت لوسادتها وأبحرت بعالم احلامها بعد معاناه طويله مع الألم

:::
:::
:::
بالمدينه
تحديدا ببيت أهل سيف
أمه : ويش صاير لك ياولدي ماعدت زي أول .. لك مده جآلس عندنآ
سيف : يمه تكفين خليني على رآحتي
سآميه تقلب عيونهآ بغرور : اول ذبحتنا بتتزوج العله زوجتك والحين تاركها من مده عند اهلها ويش طاري عليك
سيف أعطآه نظره قويه : ويش دخلك انتي الزمي السكوت ابرك لك
سآميه : مو انت اللي تأمرني اني اسكت .. تكفى ارجع لبيتك وريحنآ
سيف عصب : سآآآميوه
ام سيف : يمه ساميه روحي غرفتك بتكلم مع اخوك
سآميه تحط رجل على رجل : ماني قايمه ... تبون شي روحوآ بمكآن ثاني
سيف يسحب شمآغه : أنآ طالع احس اني انكتمت
سآميه : الله معك خذ الباب بطريقك
طلع وصفق الباب ورآه وهو يدعي لأخته بالصلاح والهدآيه

::
::

بيت ابو مهآ
كآنوآ يجهزون شنآطهم للسفر .. اما رغد كآنت تكلم فاتن
رغد : فاتن اطلبيه بس اسبوع واحد يأجل الزواج بعدين انتي ماخلصتي اغراضك
فاتن : بكلمه والله مستحيل اتزوج وانتي وشهد ماتحضرون
رغد : حآولي فيه قولي لسى ماتجهزت زين .. احنآ مانطول بالرياض ثلاث ايام او اربع بالكثير
فاتن : اوكي بكلمه وأن شاء الله يوافق
رغد : أن شاء الله .. يالله برتب أغراضي
فاتن : اوكي باي ..
قفلت من فاتن وفتحت شنطتهآ وبدت تأخذ الملابس اللي تبي والأشياء الضروريه دخلت عليهآ ريم
ريم : انا برجع مع زوجي توه أتصل ماراح اروح معكم الرياض
رغد ابتسمت : مبروك
ريم استغربت : على ويش ؟
رغد : على رجعتك لزوجك .. طولتي عندنآ
ريم ارتبكت وقالت: كآن عنده شغل كثير وانا اطفش لحالي الحين بجهز نفسي لانه بيمرني
رغد : الله يسعدكم يارب
ريم : ويرزقك باللي يسعدك
كآن احد لمس جرحها اللي مابرى حاولت تشغل نفسهآ بأي شي حولها طلعت ريم وتركتها لوحدهآ تصارع افكارها وأحزآنهآ
رغد ( انا بفهم شي واحد بس .. ويش ارتكبت من خطآء حتى تكون هذي نتيجة صبري )
تردد صدى ضميرها ( قولي ويش ماسويتي كلمتيه وطلعتي معه فوق هذا كله تقولين ويش ارتكبت من أخطآء كل شي سويتيه يارغد غلط × غلط وثقتي فيه ونسيتي انه رجل تفكيره شرقي مستحيل يتزوج وحده عرفهآ وطلع معها بس انعميتي لما خدرك بكلمة أحبك .. )
رغد بينها وبين نفسها : بس انا جد حبيته واخلصت له المفروض ما يجازيني كذا
رجع الصوت بداخلها يتردد ( انتي بنت ضعيفه تمشين ورى عوآطفك وأحاسيسك لكن هو ما أهتم لك ولا ايش بيصير فيك .. ولازالتي للحين تحبينه يارغد ؟.)
رغد : مآ صرت أحبه زي أول صدمتي فيه كبيره مستحيل أسآمحه حتى لو رجع لي ندمآن خلاص عافه خآطري .. عــــــــآآآآفـــه