جعل السحاب اللي معه برق ورعود
يمطر على دار وليفي سكـنها
يسقي وطن منتوقة العنق ياسعود
مالي وطن بالعارض إلا وطنها
قلبي غدا واستيسره لين العود
محد يفكـ القلب ياسعود منها
ساطي وفي كـفه سديحه وبارود
وادخل يده بين الضلوع ودفنها
بيني وبينه وصل واسرار وعهود
مصيونة ماتدري الناس عنها
في كـل عام يزود حبه بعد زود
اقفى بروحي والتوى في رسنها
اموت بين الخد وعيونه السود
وحواجب ربي بملحه قرنها
وشعر بدهن الورد والمسكـ مكـدود
جديلة تضمني واحتضنها
ليل جمعني به عسى ليت ويعود
يبعد عن النفس الحزينة حزنها
العرض العادي
