مل عين لأظلم الليل عيت لاتبات
قسمة كتبت على العين من خلاقها
الوله والليل ومراحعات الذكريات
والهموم اللي تبذ الخفا برهاقها
والطعون الموجعه والجروح الخافيات
لوبغيت فراقها ما لقيت فراقها
والهموم اللي تهد الجبال الراسيات
لوتحمل فوق ظهر الجمل ما طاقها
كل مااقبل داجي الليل يالله بالثبات
لين شمس الصبح يبدي علي اشراقها
ياوليفي وش يحدك تسوي ذا السوات
والعهود الاوله ما اختلف ميثاقها
اجذبتني في هواك الوصوف المغريات
صرت اشوفك مثل ليلي وانا عشاقها
ياذهب ياماس ياورد ياسكر نبات
ياحلاة السكره سعد ابو من ذاقها
كن في صدره بياض القنوف المرزمات
لانعزل ربانها واشتعل براقها
هزني بالحب هز الرياح العاتيات
للغصون اللي يحت الخريف اوراقها