يا خاطفي وين ألقى عزتي في زمان المذلة !
:::
:::
:::
بآلمستشفى
عينه على الشبآك البعيد طول الليل مآغمضت عينه يفكر بسنينه اللي مضت وأسرآره الغامضه اللي خبآهآ عن الكل .. تذكر انهآ عرفت كل شي فار الدم بعروقه وأرتفع ضغطه الذكرى صعبه عليه والأصعب انهآ هي من درت .. كآن أهون عليه لو درى أخوه بآسل ولاتدري هي
فهد ( ويش تنتظر بعد .. تنتظر تتشمت فيك .. اصلآ هي دخلت حيآتك غلط وبتطلع منهآ غلط انت بيدك كل شي يافهد كل شي .. أشتر رآحتك ولاتسمح لقلبك يضعف أو يحن عليهآ مهمآ صار ... هذآ أبوك وبدأ يضغط عليك من جهه والجهه الثانيه ضغوطك الدآخليه تخلص منهآ كلهآ كــــــلــــــهــــآ )
أنفتح الباب ودخل الدكتور وعلى وجهه ابتسآمة رضاء : مشآء الله وجهك أحسن من امس
فهد : الحمدلله على كل حال
اخذ الملف اللي على الطاوله وبدا يشوف معدلآته الحيويه ... الــــخ : لالا مشاء الله صرنآ أحسن نقدر نطلعك الحين للبيت بالوقت اللي تبيه
فهد : يعني بكره أقدر اطلع
الدكتور : أن شاء الله بس اليوم لازم تشرفنا
طلع من القصر الكبير وتفكيره كله بكلام زوجة اخوه اللي كشفت له أشياء مآ كآن يدري عنهآ أبدآ ..مانآم طول ليله مصدوم من اللي سمعه عن شوق
بآسل ( يالله ماني مصدق للحين ان هذيك البنت اللي شفتها تكون قصتهآ كذآ .. اللي مجنني فهد أخوي كيف رضا يتزوجهآ أكيد مآ يدري لالا ويش مايدري هو زوجهآ كيف مايدري اكيد بيكتشف انهـآ ... لاحول ولاقوة الا بالله السالفه ورآهآ مليون سر وسر لازم افتش ورى السالفه حتى أعرفهآ فهد ورآه مصايب " طرت فكره على باله " معقوله فهد يكون هو اللي أغتصبهآ .. لاآآآ مستحيل أخوي فهد تفكيره أكبر من كذآ يمكن ياباسل يبي يستر عليهآ ماتدري عن حيآتهم الخاصه ... طيب كيف عرف أهلها وتزوجهآ هي بالمدينه وهو بجده هو من قبيله وهي من قبيله .. الدنيا قسمه ونصيب هذي كلها الغاز وحلها عند فهد وشوق مو عند أحد ثاني رزآن اعطتني بدآيآت أشياء كبيره مالهآ نهايه )
مآحس بنفسه الا وهو قدآم مبنى المستشفى نزل وطلع لغرفته أخوه .. وقف يتأمل سكون الغرفه فتح الباب ودخل على أخوه اللي مبين عليه الشرود .. تنحنح والتفت عليه فهد
فهد : هلا باسل
باسل : كيفك ؟
فهد : بخير .. في شي صار بغيابي
باسل : لا ابد مآصآر غير كل خير
فهد : والبيت ؟!
بآسل : أموره كلهآ تمآم كأنك موجود
فهد يحآول يوقف : بروح الحمام انتظرني بأتكلم معك بموضوع مهم
بآسل يجلس على الكنب : مآني متحرك .. غآب فهد عن عيونه ولفت أنتباهه بوكيه ورد مشى بأتجآهه وقرأ الكرت اللي عليه (( الحمدلله على السلآمه ... مآتشوف شر .. خآلد ))
ابتسم لما تذكر خالد اللي ماشافه من ثلاث سنين شآف اغراض فهد متشتته على الكمودينه لمهآ ورتبهآ .. أخذ محفظته الجلد وتحرك الفضول فيه فتحهآ وأستغرب من كثرة الأورآق اللي فيهآ جذبته ورقة لونهآ أحمر فتحهآ وقرأ محتوآهآ اللي ابهره
تصدقين ...!!
{ رقيت في حب?ْ ?ْثير .. !
حتى وصلت , اني
اطير !!
تخيل ..
أطير في | زرقة | سمآك
واذوب في ذرة هوآك
واستعذبك ..
خوف و هلآك ..!
غصبن علي ..
من كثر ما :-
أحبك ..
و
ابيك ..
ابغى اكون بدآخلك ..
مالي شبيه ولا شريك
إلا .. \ أنا / .. وبسس
وأخر الورقه مكتوب جمله
عآهديني على حبك
بخط مختلف ...<<~
أعآهدك على حبي ونبض قلبي الدآئم لك
(( شوق ))
شآف توقيعهآ المؤرخ وتوقيع أخوه بجنبه .. قفل الورقه بسرعه لما سمع حركآت فهد قريبه منه .. لف خباها عن فهد
فهد : اجلس بتكلم معك
باسل : شكل الموضوع مهم مره
فهد : بآسل بكره ابيك تروح للمحكمه
باسل عقد حوآجبه بأستغراب : لــيـــش ؟
فهد: ابيك تسوي أجرآت طلاق شوق
بآسل بصدمه : شوووق ... ليه ؟
فهد بحده : ويش اللي ليه .. انا بطلقهآ عندك أعتراض
باسل وقف بوجه فهد بعصبيه : أيه عندي اعتراض ..ليه بتطلقهآ مدآمك تحبهآ
فهد رفع حآجبه الأيمن بحده : ومين قال هذآ الكلام ؟
باسل طلع الورقه ورمآهآ عليه : هذا اللي قالي ..
فهد انقهر منه : انا بطلقهآ قررت وخلاص
باسل قال ببرود : أذا طلقتهآ انا بتزوجهآ
ارتسمت الاف علامات الاستفهام على وجه فهد مصعوق من كلمته أخوه : شنو قلت ؟
باسل : اللي سمعته .. وحده ملتزمه وخايفه ربهآ الف وآحد يتمنآهآ وفوق ذآ كلهآ حلوه
عصب فهد من القهر وطلع الشرار من عيونه خنق أخوه ودفه على الجدآر : شلون تتجرأ وتقول عنهآ كذآ وقدآمي بعد
بآسل ابتسم بلئم : أذا مو أنآ تزوجتهآ بيتزوجهآ غيري وبتنحرم من شوفة وجههآ الحلو طول العمر
فهد جن جنونه من وقاحة أخوه وصر على اسنآنه : لو سمعتك مره ثانيه تقول هالكلام عن حبيبتي أنهيك عن الوجود سآآآمـــــــع
باسل فطس ضحك على جنون أخوه بعد يده عنه : حبيبتك هآه .. وبتطلقهآ شلون تجي هذي .. فكر زين يافهد ولاتتسرع بقرارك فكرتي من كلامي أني أحسسك بالخساره اللي بتخسرهآ
وبعدين هي عيونها تفضحهآ باين أنهآ تحبك وتموت عليك ماشفتهآ يوم تبكي لما أغمي عليك وضمتهآ وانت بحضنها
فهد توتر من أخوه : كنت مآخذ رآحتك تطالع بزوجتي
باسل جلس على الكنب وحط رجل على رجل : ويش الفرق دآيم أطالع رزآن
فهد عصب : رزآن غير عن شوق " قال بنبرة تهديد " شوف ياباسل لو أدري والا أحس انك تطالع بشوق بيصير لك شي مايرضيك
باسل ماقدر يكتم ضحكه أكثر وانفجر ضحك : صدق انك مجنون فيهآ وبتطلقهآ ... الله على تفكيرك بس يافهد احيان يخونك
فهد : ويش رايك تقضب الباب وترتني بكلامك أبي ارتآح
باسل : ابشر مآ طلبت شي الحين افكك من خشتي
فهد : ترى بكره ابرجع للبيت خلهم يجهزون لي غرفتي وقسم الضيوف
باسل يبي ينرفز أخوه : طيب بقول لشوق
فهد صرخ عليه صرخه ارعبته : بــــــــــرآآآآآ
طلع بسرعه وسكر الباب ورآهآ وانفجر ضحك لأنه نجح بتوتير اخوه زيآده