كان الجفا يرضيك لا ترحميني
ماني على حب الجفا منك شفقان
أرضى عليّه بالهجر واهجريني
وامطر على قلبي من الحزن هتان
الحزن يبليه الدهر والسنيني
ولكل عاشق من غلا حبه أكفان
اليوم أنا مستسلمً واعدميني
واعتبري اللي بيننا كان ما كان
يا ما سكبت الحزن من دمع عيني
وياما كويتيني على غير برهان
قلب المولع في هواكي يليني
وأنا آتمنى قلبي اليوم ما لان
وليا خضع قلبي رمت به يديني
خليه لك ما عاد أبي قلب ينهان
واليوم لي عندك طلب تتركيني
وأسكب على حبك مع الوقت نسيان