رد اتهام .. ومفاخره .. اتمنا ان ترتقي لذائقتكم
بسم العزيز المقتدر سميت بإسمه وأبتديت=بديت أركبها على طرق الحدايا بيت بيت
نويتها مربوعة المبنى وأنا لامن نويت=يصبح لي الشعر ألطف امن الضحك في وجه الغرير
,,,,,,,,,,,,,,,,,,
أفصّـل الفكره وألبّسها على ماطاب لي=وأجيب ماصادف خيالي فالسنين وجابلي
اعرف خروجي قبل مدخالي لو ان الباب لي=والشعر عندي عالي وغالي ومقداره كبير
,,,,,,,,,,,,,,,,,,,
يالشعر أنا جيت أنتصف وآخذ حقوق الشاعرات=اللي لهن حق الشعر حتى ولو هنَ البنات
الشاعرات الطاهرات المبدعات الصادقات=ياجعل من يرميهن أمن الناس يرمى فالسعير
,,,,,,,,,,,,,,,,,,,
ياهيه أنا بنت الرجال اللي يضدون الرجال=وفر كلامك وأبعد عن الدرب ياولد الحلال
ماتدري إني بنت قوم ٍ مايحبون الهزال=سبعان في وقت اللزوم تفرق الجمع الغفير
,,,,,,,,,,,,,,
المحترم في كلمته يفرض علي الاحترام=وراع الهروج الناقصه مااعطيه لو ربع اهتمام
من عادتي مااحب أفتش في تفاهات الكلام=من داس عرض الناس داسوه ولقى نفس المصير
,,,,,,,,,,,,,
ابوي رباني وانا بنته على العز أعتزيت=ومع الدروب المايله ماقد تمايلت ومشيت
واليا حكى راع الجهل قفيت عنه ولاحكيت=من عادتي مالد عيني يم أبو هرج ٍ حقير
,,,,,,,,,,,,,
والشعر ديوان العرب من ورث ولا موهبه=وانا الفتاة اللي عذوبتها تغني بأعذبه
يملى عروقي وأرتوي من غيمته ثم أسكبه=وتصبح بيوته عذبة المشرب على جال الغدير
,,,,,,,,,,,,,
حبر القلم والطرس وأفكاري وطاروق القصيد=في حكم نوره كلها تصبح خدم مدري عبيد
الله مسخرها تحت حكمي وتجري كيف اريد=أفصل أفكاري وأحيكها من أسلاك الحرير
,,,,,,,,,,,,
وأرجع وأقول الشاعره من حقها تكتب شعر=ومن حقها تحفظ حقوق الطبع وحقوق النشر
فالمدح ولا فالغزل ولا الوصف ولا الفخر=يانصفي الثاني تراي فكل شي ٍ لك خشير
وسلامتكم ::
أختكم نوره بنت الزلفي
العرض الشجري
