خل الهدب يورد رماحه بصدري
لاتكسر النظرة دلال وتغلي
يا للي جبينك نور والطرف خدري
الى دعاني بالغلا جيت كلي
يا نافلٍ جيله جمال وقدري
مثل القمر بين النجوم متجلي
غالي وعن مكنون الاعماق تدري
كنك عليها بالنواعس مطلي
قلبي ملاذك عن ملام وغدري
لك بالهجير حصون واسوار ظلي
غديت في ليل المحبين بدري
تنور بها دروب ارتحالي وحلي
مشارب العشاق صافي وكدري
وبرضاك مشروب الهوا صافيٍ لي
اضحك و اقول لعاذل الحب مدري
لاقال من له في خفوقك سجلي