حزين مثلك يابحر..
مليان هالخافق أنين..
لو شفتني دوم ابتسم
مليان قلبي يابحر
واقف على جالك ونا...
مهموم والخاطر كسير..
أخذت اراجع دنيتي ..
ومرتني آلاف الصور
جيتك وأنا كلي أسى
بحيا معك هذا المسا
أبنثر جروحي واروح
لاماأطول بختصر
كثير من ناسي اختفوا
وخانوني أصحابي كثير
واللي أبيهم هاجروا
وخلوني وحدي منكسر
ماطابت الدنيا لأحد
وما وقفت جنبي أبد
وماقد خذيت اللي أبي
واحلامي ماتت من صغر
لاتلومني ميت قهر
لو شفتني كلي هنا
صفرا جذوره هالغصن
لو كان مليان وخضر
وارجع أردد حسرتي
قدام عينك يابحر
مرتني أشكال كثير
والدنيا غايات وعبر!!
كنتي اللّي تقلبي الدنيا عليّه
واقلب الدنيا معاها , موعليها
كنتي اول بنت ,امسكها , وتمسكها يديها
صرتي كلمة
ماهي كلمة
صرتي نظرة
ماهي نظرة
صار ماعندك مشاعر
صار ماعندك ضمير
ما تغيّرتي ابد
بس تغيّرتي كثير !