اليووم جمعة تعرفوون أحياناً أبووي لاجاء قريب لنا من السفر يمووت إلا يعزمه الجمعة أنا لماعرفت ماعصبت
يعني جلست أقول لأمي وش معنى اليوم تعزمون ولد أختي يعني هو مالت عليه مافكر يجي يسلم علينا ولما يجي يفكر نه يسلم علينا تمسكوونه على العشااااء قالت أمي أنطمي اليوم أبوك قال وأخووك طيب يمه واحنا نبي نتمشى ماصدقنا الجمعة تجي عاد يعني هم ماعزموه رحت أقوم أخوي قلت خله بكرة ماعلي حتى لو أخوي وأمي حاجزين ومسافرين احنا فيه والله يخلي أختي أمووله ندق عليها وتجي هي أمنا الثانية وأحلى شئ إن بيتها بنفس حينا مو زي بسوومة بالغرب مشوااار واحنا أصلاً كنا طالعين للبر بس تحققت أمنيتي وأخووي دق عليه قاله احنا بالثمامة عاد انا هون تشققت من الفرحة قلت أحسن نبي نتمشى من زماان ماطلعت وعاد رحنا للبر مع خالي وزوجته وسواليف الى العشاء وبعدين رحنا هايبر بنده وفلسنا أخوووي وآخر شئ قالي أنتي محد يأخذك معه ترى والله فاتني أهم شئ الشوكولاتات مامريت عندهم عشاان كنت مخططة أخوي بعد بنده يمر كرسبي كريم يجيب لنا منه قلت اسكتي ان عصب بيقوول أحلمي شبااب ماينعطون وجهه << واضح من اللي ماينعطى وجه
وشرينا كل شئ ورجعنا البيت احس اني تعباااااااااااااانة يالله يالله اشيل نفسي لاني كنت مترووشة وراايحة البر بالبرد ولابسه لبس عادي على بالها حر حتى كورة مالعبت مع قوت وجود وحنوونه ونمت وتوني قااايمة بس يازين نوم الليل والله أحسن شئ تشبعين نووم وغير كذا تحسين لما تقومين جسمك نشيط نصيحة ناموا بالليل والله ترتاحوون
وبما ان بكرة أمي بتمشي دقيت كلمت أختي اللي بجدة واستغربت صوووتها قلت نايمة الحييييييييين قالت تونا بنام سولفت معها وقلت عمر بيجيكم وكذا يعني أمي قالت لاتقولين لها إني بجي خليها مفاجأة وكلمتها وقفلت ودخلت النتلي
وبث خلص الكلام
برب بروح أشوف دورس السويتش ماكس ونطبق لعل وعسى أنجح ماأرسب
العرض العادي
