{ .......حُرُوفْ إسْتَثَنَآئِيَةْ ...}

[قـيـس نـجـد]

¦×¦ ¦×¦ ¦×¦


ماودي أتخيّل حياتي / بليّـاك
يا أغلى من أقرب شخص لي بحياتي
ومن كثر ما احبك وأبي ساعة رضاك
شفني على خنجرك / كاتب وصاتي !
دامك تبي الفرقا .. فـ أنا اروح وياك
ما ابغى أقابل لين أموت .. امنياتي !
خذني وعذبني على كيفك هناك !
وان مت .. رجعني على ذكرياتي !!

¦×¦ ¦×¦ ¦×¦

[اجوان]

تدري وش خطانا بالحياه...! إنا زرعنا أحلامنا فوق السحاب
وقلنا متى نصبح شباب ,
ونقطف ورود أحلامنا والأمنيات
ولما كبرنا وجينا نسأل حلمنا,
تدري وش لقينا..؟
لقينا أجمل حلم مات..
وبعده درينا..إن أجمل شي فينا.."الذكريات"

[عاشق الأحساس]

شفتك قلبي رجف صبري ضعف
شفتك يا لهفه خاطري لوني تغير و انخطف
و الكلمه أنطقها و ترد حتى الكلام طعمه اختلف
و انا في صمتي اقول الله يا زين الصدف
حالتي يا حالتي عيت الخطوه تطوف
خاطري و لهفتي آمروني بالوقوف
حاولت اصبر و اداري الشوق تحت رمشي
حاولت اصبر و اصد عنك و انا امشي
قضيت الوقت في حيره و صمت
و انا في صمتي اقول الله يا زين الصدف
شوفتك يا منيتي صدفه رتبها الزمن
فرحتك و فرحتي ما تتقدر بثمن
انا تمنيت صدق حلمي و رجع كل شي
صدق من قال مسير الحي يشوف الحي
قضيت الوقت في حيره و صمت
و انا في صمتي اقول الله يا زين الصدف

[مفارق الأحزان]

تركتني مثل لعبة تلعبها على كيف كيـفك


لما مليتها للأسف رميتها مع بقايا ذكرياتك

[عاشق الأحساس]

نويت مرباع الغضي سيد الاحباب
قصدي يزول الجرح زاد التهابه

جيت وبقايا نارهم حول الاطناب
بيت الشعر مروي وباقي زهابـــــــه

أقفت ركايبهم ومني الهدب
ذاب من دمع يسأل وانذهل بالإجـــــــــــــابه

على غزير الدمع ضمي الاهداب
صديت لين الدمع يكفي سحابه

بعض الوجع يمكن تداويه الاعشاب
وبعض الوجع ياويل من هو سطابه

عشق بدوي لا حب ماهو بكذاب
يوفي ولو جرحه تجدد صوابه

واليوم وصلت بيننا مثل الاجناب
هاك الغلا ياضيعته ياسفابه

باكر إذا جينا لهم مثل الاغراب
من عقب ماكنا الأهل والقرابه

الامر لله كلّ منه له أسباب
ولا الهوى من لي على هد بابه

وشلون قلبي مايجي اليوم منصاب
على الرجم منقوش بعض الكتابه

حتى أثر مشيه مع سهول وهضاب
مرّاً يبين ومرّ مايندرابه

قلبي من الفرقا صويباً ومرتاب
كنّه غدا نصفبن من هول مابه

حزني عليه أنّه تسبب ولا طاب
نظرة طبيبه عجلت في ذهابه

ريح الخزامى والنفل زين الاطياب
يشدني ريح السمر في ثيابه

لااقبل نسيم الليل له خيل واركاب
وله في طلوع الشمس عزّه ومهابه

[اجوان]

أجمل الأشياء ..
قد تكون تحت أقدامنا ..
ولانراها

ليس بالضرورة أن يكون أبعدها .. عنّا ..
هو احلاها ..!!

[عاشق الأحساس]

هذا أنا في وحدتي
بعدك على الله العوض
لا شفتني بمرايتي
غيرتني ماعدت أنا
بين على وجهي العنا
وصارت تعابير الحزن
تمحي تعابير الهنا
واتصنع البسمة عشان
الفرحة بوجهي تبـان
وشلون بس وبسمتي
وضع على الوجه انفرض
يالله على الله العوض
وشلون بس وكل شي
أيام قربك كان حي
واليوم مابين الحياة والموت
لاتحزن علي !
لا شفتني بعدك حزين
باكر تفرحني السنين
مدام بعدك قسمتي
ماني على امر الله معترض
يالله على الله العوض
بصبر وانا ياما صبرت
وياما قدرت و ماقدرت
اجني ثمر طول الصبر
وياما من احبابي خسرت
بس انت مابي اخسرك
دايم بشوق اتذكرك
وصورة قبال مرايتي
كل يوم تجمعنا بعض
يالله على الله العوض

[مفارق الأحزان]

أميرهــ انا تاارك المنتدى واذا اخطيت بحقك بشي ابيم تسااامحيني





مع السلامه

[عاشق الأحساس]

فكوني منه لا اموت صرت مدمن شوفته
لو دقايق غاب عني قلبي تضعف دقته
ليتني غمضت عيني قبل عيني شافته
أنا جرحه عني رقه والحنان بقسوته
وناره بالنسبة لي جنه وكيف عندي جنته؟
ليتني غمضت عيني قبل عيني شافته
امنعوني من غرامه وكرهوني بسيرته
حاولوا تشوهون اسمه في عيني وصورته
ليتني غمضت عيني قبل عيني شافته

[عاشق الأحساس]

ونتي من ويعة الجرح الخطير....ماغضا جفني ولا لي نوم طاب

ونة الماخوذ من قومه أسير....يرظف الونات مأسور مصاب

أو كما ونات مكسور الجبير....والجباير كسرها مايستطاب

أشتكي من ونة القلب الكسير....من تصاويبك ومن كثر العذاب

لك غلا في باطن الخافي الضمير....دايم في وجودي والغيـــاب

لا ولادونك ولا لي قط غير....ياعذابي منك يامنك عذاب

شوفني في صايب الحب الكبير....دايم ابهم وهموم واكتئاب

تختبرني وانت في حبي كبير....والمحبه بيننا شوق أو عتاب

الهوى ياسيـــدي ماله أمـيــر....وانت سيد البيض تلعات الرقاب

ليت مرسولك لفا منه بشير....ذا بريح القلب لو كلمة عتاب

لا تواخذني بقول المستعير....كالغفير ايمر والا كالســراب

ياشبيه الريم ياعين الحذير....عين فرخ الحر والا عين داب

نور خده يشبه البرق المنير....أو كما بدر تجلى من سحـــاب

مالي عوده له المضمر صغير....والمجدل مثل ماجنح الغراب

فوق متنه ســابح مثل الحرير....ينتشل وان هبه النسناس ساب

يارسول الخير عجــــل بالمسير....وانت بالمعروف تجزى بالثواب