بق بق بق ...بسم الله بسم الله <<<يطقطق المايك عشان يتأكد فيه صوت ولا لا
السلام عليكم ورحمة الله وبركاته
اخواني الطلبة ...ابائي المدرسين <<< متأثر بجو المدارس
عاد الحين من جد وخذوا يومي <<يقاله برطم
( بعد أن حلمتلي حلم يحبه قلبك حيث كنت أتمشى أنا و ( افريل لافنج ) ...
لاحظوا اني بس كنت أتمشى معاها في ضواحي مدينة الرياض العزيزة << ايه هين
شوي وأنا اتمشى بشارع البطحاء مع المذكوره اعلاه ..الا وألقى أخوي نعنبوا ابليسه طابلي بالحلم...
المشكلة مو هنا ...المشكلة انه طالعلي بالحلم وهو ماسك مخدة ويصفقني فيها
وماهي الا صفقة وصفقتين وأفوق من حلمي وألقاه فوق راسي :
أخوي : أقول قم ودينا المدرسة يالهيس
أنا :همممعععععععع <<<<صوت واحد توه صاحي يقلد صوت البعير
أخوي : اجل مسوي نفسك نايم انت وراسك ابشر بماكينة الحلاقة
الا وشوي اسمع صوت مكينة الحلاقة فوق راسي ...لكن بما اني ذيبان فعرفت ان اخوي مشغلي نغمته المخيسة اللي يحطها في المنبه عشان يقوم ...
وبقيت مسوي نفسي نايم .. إليييين شفته قرب راسه مني وهو متقمص دور الحلاق ويطلع هالقمل من راسي ....واطمر بوجهه ( بععععععععععع ) وينحاش من الغرفة
وارجع اتبطح فوق سريري بدون أي ازعاجات ..لا ماكينة حلاقة ولا تصفيق بالمخدة
المشكلة انه صار اللي كنت اتوقعه...ماهي دقيقة وحدة الا واسمع ....
دبنق <<<< صوت نطة وحد وزنه 91 على واحد نايم
واختنق ...ووجهي يحمر ..ويصفر ....وطلعت كل ألوان الطيف في وجهي
أخوي : هاه ..بتقوم ولا لا
أنا ووجهي متعفط : اعع امم <<<يعني ايه بقوم
واخيرا قام من فوقي اخوي التيس ...
لكن رديتله حركته بحركة اقوى منها وعطرته الغرفة بعد ما عفصني <<لاحد يفهمني غلط ..تراني اقصد عطرتها بمعطر جو
على العموم مالكم بالطويلة ...
قمت عاد على صوت ( زقزقة بواري السيارات )
وغسلت وجهي <<< من جدك تغسل وجهك ؟؟
ايه هين ..طبعا ما غسلت وجهي لسبب رئيسي وهو
اني ما ودي اتنشط عشان اول ما ارجع للبيت بعد ما اوصل الدبوش اللي معي المدرسة
امزع النوم من جديد
ومثل ما انتوا متابعين ...نزلت للسيارة ولقيتهم ( اخواني الاثنين ) ممزعين النوم بالسيارة
واول ما اركب اشوفهم صحصحوا ..(يدرون اني بأخضخضهم بعد شوي )
وما غير انواع التفحيطات ..وكل انواع المهارات في السواقة طبقتها عشان نوصل بأسرع قدر من الزمن
توني اكتشف ان السيارة تمشي على كفر واحد <<<
عاد مو لهالدرجة تقعد تشلخ
وأول ما وصلت عند المدرسة ...
قلت : همممممممممممم<<<يعني ترانا وصلنا
وهم اللي ينزلون وكل واحد منهم شعره واقف
كأنهم توهم الا متكهربين بفيش كهرب قوته 4550 فولت
وعاد انا اللي افحط من جديد وارجع للبيت ...
وامسك مخدتي العزيزة بأحضاني ( احس اني تركتها في وقت الضيق )
وارجع اغمض واقول ( يارب اني ارجع اكمل حلمي مع افريل لافنج ) <<<نتمشى بس
عاد هذي كانت فترة توصيل اخواني للمدرسة ...
حمسوني بردودكم عشان اكمل الباقي