قلت لك لايوم اسمع : ( من يحب الثاني اكثر )
لنّي الكسبان حتى في كلا هالحالتين
لو أنا او أنت عادي .. المهم الوقت اخضر
وبصراحه ودّي انته .. لجل افوز بكلمتين :
( موت احبك ) من شفاهك .. موت توت بدم احمر
من شفاهك ( موت ) تنقط فوق ( احبك ) مرّتين
يعني صعبه مااتحمّل كان ذاك التوت اشطر
يعني عادي قل توفّى من سبب هالجمرتين
فدوة(ن) لك يوم اموت وهالغلا مازال اخبر
لو نشدته انتثر بك واجتمع بالوجنتين
وان ضحكت يبان فيهن . ( ودّي العن ) بس مااقدر
يكفي ان التوت يضحك لاانذبح بالشفّتين
ضاع دمّه وسط روجك واعتراه الشوق منظر
كيف سكّر ذاق سكّر واستباح لسكرتين ؟؟
لنّه اصلاً مايعرف ان الغلا مايوم ادبر
وان تمكّن وسط مضغه اشهد انه بلوتين
يبتدي بك وانت تضحك والنهايه موت اعبر
مايقدّر ظرف والا قلب صابه خفقتين
من زمان وعارفين الحب حالي بس اقشر
يعني مثل التمر يفرق بالطعم في فذّتين
لكن انته كنت فذّه والتهمتك جوع افقر
واغتنيت ولا شبعتك .. والعتب في فقرتين :
( موت احبك ياحياتي ) ( من يحب الثاني اكثر )
وادري انك تختبرني في كلا هالحالتين