العتب ماهو زعل ..لوضايقك كثر انفعالي
.............. وانت لو ازعل على كل البشر ماازعل عليك
بس لاطال الغياب وضاقت صدور الليالي
.............. سقت لك ماجا على البال وتحمل مايجيك!
يوم شفت الكون كنه في غيابك شبه خالي
.............. صحت في وجه الزمان وقلت فيك وقلت فيك
ضاقت وساع الفجوج بعيني وزاد انشغالي
.............. وين رحت..؟ وليه رحت..؟ ولي متى وانا احتريك
كنت ادور في عيون الناس اجابات لسؤالي
.............. يمكن اعرف وين رحت وليه رحت وكيف اجيك
كنت اقول لكل شارع ..( ماوطتك اقدام غالي)؟!!
.............. من كثر ماكنت ابي قربك وابي دربك وابيك
كنت عنك..اسأل نسيم الصبح لامر متعالي
.............. ماحمل يمي على دربه جواب من يديك!
وامتلا صدري عتب..وانت السبب في ماجرالي
.............. ومن بعد هول التعب جيت اشتكي لك واشكيك!
تدري انك كل عشقي وان غيرك ماطرالي
.............. وانك بقلبي لحالك وان مالك به شريك
وان قلبي لو تفجر بالعتب وقت انفعالي
.............. زعلٍ منك ..وغيابي مايزعلني عليك
.
.
.
.
العرض العادي
