ابد ما عندي الاّ ما ذكرته صدك المعتاد
إذا ممكن تكرّم تلتفت وتصير باالصوره
تراني جيتك من اقصا القهر عساه ما ينعاد
بعد ما ضاقت اعصاب الغلا والقلب من طوره
إذا هي باالغلا انا اشهد اني باالغلا من جاد
عطاك بلا حدود وحّطلك من حبك اسطوره
واذا هي باالوفا انا ليّه مع الوفا ميعاد
ابد صورَتك مع بروازها في القلب محصوره
واذاهي باالمشاعر والشعور وفرحة الاعياد
تمنيتك ولو لحظه تحس القلب وشعوره
علامك يوم تبداها جفا وتزيدها بعناد
وانا كلي وفا لك من وفاي اقول معذوره
الا يا كثر ما ضحّيت يا قلب الوفا وش عاد
يا شيخ الله يسامح حضرِتك اليا طرا جوره!