ياصغيرة السن ياغصن الشجر والوانه
حبيبتي أنتي!
مثل هالورده ماكملت أزهارك
مع هبوب عطرك ترمين أسهامك
تحسبين القلوب الحيه بتصيب وتكون ضعيفه قدام جمالك
لاتظنين كل اللي بيحبك لأجل جمالك ولذاتك
إكان ذا تفكيرك كلن بيخونك لذاته
وبيعطيك درس ماتعلمتيه من بيتك
(شوفي يافلانه)
خذيها مني قبل لاتنفع كلمة ليتني طعته وخذيت برأيه
تذكري دايم ماحدن بيسلم من جروح الحب ولوطالت سنيه
في البدايه:
~لبيه~ مرحبا~ عمري~ حياتي~دنيتي فديتك~ يارمش عيني~ يابعد هلي وربعي وخلاني
حتى القمر بيحطه في يديك مع الوقت بتشوفينه
وتمشين معه سكه ماتعرفين وين تتوجهين ووشو عنوانه!!
وكل ماتقولين باقي ماأنتهينا...!
يرد باقي تونا مابدينا ياحياتي
ولاطاح الفاس في الرأس وفي اللي كنتي طول عمرك تحافظينه
ردعليك بكلمتين أنتي من ضمن اللي غرقتها بقارب الغدر والخيانه
وبالنهايه الثمن لوحدك بتدفعينه هذا الشي اللي لازم تحسبين له حساب وحساب ومليون حساب وتزرعي بعقلك عنوانه..!
عمرالحب المخدوع مهما طال عمره وكثرت عمرانه لابد تنهدم بيوم جدرانه..!
هذه نظرة العتيبي بالحب المخدوع وجنانه
كان بتأخذي بنظرته يكفيك عنوانه
ماودي أجبرك يابنت لكن خايف على جدرانك
هذا بالله عليك حب يانعبوها حاله وحاله
هبال جنان خبال مدري شسميه لكن ودي تحسبي له زين وزين يافلانه
ودي أكتب وأقول ياحب مخدوع نعنبو دارك
دمرت ناس وناس كثيره ولطخت جدرانها
ترى ماهي قصيده هي مشاعر عبرها العتيبي بقناعه
ياهيه أنت ماعندك خوات ماعندك بنات ماتخاف على جدرانك
ترى هاذي بنت مثل أختك نعنبو دارك
مسوي بطل ورجال وحب مغشوش وزعاطه
وأذا طرقت أبواب الجيش أنذارها
راحت علومك ورجالتك وصارت الرخامه عنوانك
استح عيب نعبو جدك على خالك على عمانك
عرض الناس راح ضحيتك يالهلامه
لكن حط بين عيونك وبتشوفها وتذكر كلام العتيبي وأحسب حسابه
يجي يوم وتلطخ جدران بيتك والسبب لعبك بعرض فلانه وفلانه
يامنتدى سمها اللي تسميها تبيها قصيده خاطره سوالف بوح هبال مشاعر يكفي أنها عن ذاته
عبرت عن مشاعر العتيبي بقناعه....
(رهين حرفها)