هنّيت ياصاحبي من يقعد اقبالك=أنا اشهد انه خلِي اهموم ما جنّه
يهنا لي الجو في قربك ويهنا لك=والكل منّا ضلوعه مالها حنّه
هذا الذي ميّزك يالحر بأفعالك=والفضل من واهبك ما للعرب منّه
ماهي غريبه لفعلك يسبق اقوالك=عسى عدوك ينام ولا ضحك سنّه
همّال مزنك ما طفّى جمرة دلالك=فنجال مجلسك دايم فايحٍ بنّه
عسى الليالي حلاها دوم يصفالك=وجعل المنايا مثل شرواك يخطنّه
هاك الإجابه ولو ما ابديت سؤالك=كل المحاجر قدر ؛ جنّك ، ويهدنّه
من غير ما تطلبه عسى السعد فالك=ما فيهن اللي نوت من دونك الكنّه
هدّت يديني على الكيبورد كرمالك=حتى خفوقي على دربك يمشنّه
يشوش لا من قرا جزله من جزالك=وأسمى المعاني على طاريك جابنّه
اقتباس
المشاركة الأصلية كتبت بواسطة شاعر الدرر
لي الشرف يا رفيع القدر بوصالك=من قلب صافي سواد الحسد ماكنَه
ممن يعز الديار اللي بها اطلالك =ما دام لك في الحشا ياصاحبي جنَه
همس القوافي يقف حشمه من إجلالك=يامبدع الحرف همسك شاقني فنَه
ياجعــــــل ربــــــي يحقـــــــق كل آمالك=وتحيا على هدي رب الكون والسنَه
مابي صداقة بشوفة رقم جوالك=في كل ســـاعة تعيد الوصل بالرنَه
ابغى تخلي وصالي دوم في بالك=ومحاجر العين عشقك لي بترعنَه
من جال الآهات حتى نلتقي جالك=سَلم مصاعب لدرب الشوك يرونَه
إما التنازل وإما الموت فدوى لك =مُريـــن واحلاهما ما لي غنى عنَه
اختم بذكر الإلــــه الواحد المالك=اللي اودع الروح في إنسه وفي جنَه
يديم ذا الــــود منوالي ومنوالك=ونفوسنا بـــه رفيــــع القـــــــدر يحضنَه
قد له من سنين عاشق عذبة الخـاطر = اللي لها القلب يلهث جوع ماطاها
ماهي لنا يا جميل الروح والنــــاظر= اللي تجر العيون السهد لخــطاها
يومني انشد صغير القوم والــعابر = بالله بشـــر سديم القــلب وش جاها ؟
يا صاحبي ديرتي ما جالها مــــــاطر = اخيل عذب الشفايف وانحبس ماها ..
الله يرحم كفيف الحظ والصـــــــابر = والله يسامح حشى قلبي ويــــرعاها
اقتباس
المشاركة الأصلية كتبت بواسطة العـ راعي ـليا
يا زِين عذب المعاني جوّها عاطر=ينطحك يشمومها من قبل تقراها
من هيلعيّين بها ما يعرف القاطر= حقوق نوّه صحْاح البيد يغشاها
ياصاحبي والذي للسبع ؛ هو فاطر=انا لعينك من اليسري ليمناها
ابشر بعزّك نخيل البرق ونخاطر=لو دونها ام المعارك معك خضناها
لو ان الايام قسوتها على الشاطر=ماني براجع أنا وأنتا بليّاها
ياصاحبي ما دام تبغى البدايه=أنا لعينك بس آشّر بيمناك
يا شاعر(ن) له في سما الود رايه=بالطيب ؛ ودروب المراجل عرفناك
كفّي بكفّك يالخوي للنهايه=يالحر ؛ راع الأوّله ما لحقناك
لو للوفاء والطيب قصر وبنايه=بالعون في روس الشِواهيق مبناك
كل المعاني ؛ لا مدحتك معايه= ياطيب السيره كتبت وقريناك
ما اقولها والله نفاق ودعايه=غنّى السعد لي كان بالعين شفناك
كنّيت لك قدرٍ كبير بحشايه=اخير صدفه ؛ يوم فيها صدفناك
لك بين ريضان المحاني ولايه=مهما تمر سنيننا ما نسيناك
كمّلت مشوارك بفهم ودرايه=مهما كتبت بشخصكم ما وفيناك
عسى الولي يحميك من كل سايه=ولك ايتحقق مطلب النفس ومناك
اقتباس
المشاركة الأصلية كتبت بواسطة شاعر الدرر
كفيت يا صاحب له المجد غايه=ولوما غلاتك صاحبي ما طلبناك
يا طير ياحايم بعالي سمايه =أن اشهد إنا نفتخـــــر لو تبعناك
كتبت لك بالقلب اجمل روايه=وبحبر دمــــي يارفيقــــــــي كتبناك
ياراعي العليا ترى لي كفايه=إني اصوغ الشعر من وحي معناك
كاسب قلوب الناس هذي كنايه=عن شخصكم يا صاحبي لا عدمنــــــاك
وانا ولو حاولت يبقى ثنـــــــايه = عاجــــــز بوصفه عند طيَــــــب مزاياك
كسرت لي سيستم نظام الحمايه=وبرمجَة إحساسي اليوم تهناك
ما هو لاني ما اتخــــــَـذت الوقايه= لكن لاني يا رفيقـــــــي لعيناك
كم في دروب المجد حثَت خُطايه= لا يأس ,لا تقصير, حتى نصيناك
واليوم لو هي تنتهي بي الحكايه=ما ينتهي ودَك بقلبي فديناك
الود .. هو للود يالود تبرير = والا كذا من الله منزل علينا
نحب في لحظة ونشتاق ونغير = لو ما زرعنا الود .. حنا جنينا
يالود هذا حلم .. واحتاج تفسير = الود يُنزل .. وللا مزروع فينا
اقتباس
المشاركة الأصلية كتبت بواسطة محمد ^ العتيبي
الود هاليومين من دون تغرير = ماهوب حاصل لا ولاهو يبينا
الود يا نايف في زمن سالم الزير = ذاك الزمن ماهوب هذي السنينا
شخص ٍ يود اليوم هند و أغادير = وبكره يود أسماء و يارا و لينا ..!
اقتباس
المشاركة الأصلية كتبت بواسطة م/ســ ع ــود
الود يانايف بهالزمن حبله قصير=يومين يزين وباقي وقته يشينا
الود راح ..ومابقى فالود غير=اسم(ن)فيه انخدعنا وحنا ابتلينا
وقد قالها محمد قبلي يالامير=الود ماهو في زمنا ولاهو يبينا
اقتباس
المشاركة الأصلية كتبت بواسطة العـ راعي ـليا
للود يانايف .. اشكال وتصاوير=يكشف مداها كل عاقل فطينا
اهناك ود قلوب .. اوقل مخاسير!=وهنا بشرع الله .. وآخر دفينا
لاشك معتبره على أقل تقدير=احساس نابع خارجٍ عن يدينا
اقتباس
المشاركة الأصلية كتبت بواسطة عـiiilـق JJlـيـJ
الود ..ترى ما يحتاج تفسير=لان الود مخلوق فينا
حكمة الله مخاليق ونسير=لكن بالعقل انعم علينا
كان الود يالنايف يحتاج تبرير=اسمع كلامي وايقن يقينا
الود ..بلوه تعمي البصير=يحظ من هو ابتلا حينا
وياحظ من عرف له تدابير=ويلقى مصير مجنون لينا
منتدى همس القوافي اهديك من قلبي سلام=واعتذر لك لو قصيدي تاه وسط المعمعه
كان ودي لو ألاقي فيك إحســـاس الكلام=او ألاقي من يدور همس صادق يسمــعه
لوعرفت اللي لمســته قلت لي مابه ملام=الذي قد شاف مثلك ربي الواحـــــد معه
وادري اني لوتركتك عشت احساس الغلام=الذي يهوى المعالي مير خانه مطمعــــــه
بامتطي صهوة قصيدي حتى لو دربي ظلام=واترك آهات القصـــــايد وسط واقع تدمعه
دام لي حلم (ن) بنيته ضاع في وسط الغمام=وإن تبعته صاح فيني روح عني يا امعه
أح منها ابتدينـــا وانتهينـــــا بحرف لام =والبدايه والنهايه ســــر من هو يجمعه
اقتباس
المشاركة الأصلية كتبت بواسطة العـ راعي ـليا
قلبي اللي بك تولّع يا جزيل القاف هام =ما خطر له يوم ياتي فيه ينزف مدمعه
كل ما طير السعاده في سماه اقبل وحام=دار وقته واستدار وجاب شين يقمعه
لا تلومه يانديبي كان جاله يوم شام=دام صيّور الليالي يافرح كم تصمعه!
صاحبي / ياصاحبي / خطٍ قريته سهم سام=كنّه مسلط على خدّي لك الله يلمعه!
ليّه يا حر(ن) تعلاّ في سما العليا السنام != ما هقيت يخيب ظن القلب يوم بمرمعه
إن رحلت الحزن خيّم في خفوقي واستدام=تو بعدي ما ارتويت من الإناء ؛ وبكمعه
جاك شوري ياصليب الشور ياعال المقام=وأنت في حكم المخيّر ترفضه او تسمعه
عز الله انك صدقت القول يا متابع=الكل منّا صحيح يكمل الآخر
الود كف(ن) وفيها كلّنا اصابع=والهمس فيه القوافي بحرها زاخر
العبــاااره
( يُقال : شرب البحر وعجز عن البحيّره )
اقتباس
المشاركة الأصلية كتبت بواسطة متاابع
يامرحبا ن من فؤاد متاابع ن نابع=باللي نعزه ونفخر فيه ونفاخر
مسمار محلي تشوفه بالبحر طابع=ماانشال وانشال حمل كبار البواخر
ان كنت شابع فأخوك اجويع ياالشابع=ماعاد عندي عقب ذي لااول ولااخر
العبارة
)) أترك الداب وشجرته ((
اقتباس
المشاركة الأصلية كتبت بواسطة العـ راعي ـليا
كلّي فخر وأفتخر لا صرت لك تابع=ولا همني من يردّد هرجته ساخر
ابعد عن الداب ؛ واللي تحتها قابع=صاحبك مادام له حيله ماهو ذاخر
العبااااره
)) الحـــــي يحـــــــييك ((
اقتباس
المشاركة الأصلية كتبت بواسطة متاابع
عند المطابع طبيعي يطبع الطابع=وعسر القوافي يلين ويستوي صاخر
والحي يحيي عروق ن بالثرى السابع=والميت ان ما ذبحك اتنام وتشاخر
من بين هالجوف والسرجوف=وقامت تصافق بي يديّة
عظّم سلامي ولاهو بخوف=ومعظّمي ساق لك ريّة
يمكن انا هاوي ملقوف=وإهتضت طرقٍ وقافيّه
وجريت قاف وصدره اوف=جريتها بأوفٍ وبأيّه
والشعر ماهو بصف حروف=ولاهو اعذبه كذبة وغيّة
ولاهو بلعب (ن ) بعقل ضعوف=ولالي بحرفي ردى نيه
من حاف يوم رجع محيوف=ومن قال بيّه نقل ليّه
شوف الحكم وإحكم بماتشوف=ثم إرجم ابليس بحصيّه
والنور لو تسترة مكشوف=والحق ماينحجب ضيّـــه
اقتباس
المشاركة الأصلية كتبت بواسطة العـ راعي ـليا
وجدي على باهي الغطروف=عنق المها ؛ خشف ؛ ريميّه
ماهي من اللي تهزّ اكتوف=اتقلد رقصات شرقيّه
كل الحلا ؛ منّها مقطوف=من شافها .. طب مهفيّه!
الذارب من زينها المشيوف=عـذوبة ؛ رِقّـه ؛ حياويّه!
ابوها عند العرب معروف=فكْ النشب فيه ماريّه
واخوها لا من لفوه ضيوف=ما قال ما هو هنا بيّه
عمامها ينطحون الطوف=ما بهم اللي وقفته نيّه
وخوالها مغيثة الملهوف=ما يلحقه ضيم موليّه
لا جاك يوم الدهر بصروف=تلقى مرافه وماويّه
تذريك عن واهج الشفشوف=ترفعك وإن جوك طرقيّه
ما صفقت من وراك اكفوف=تضحك وبك جمرةٍ حيّه!