السلام عليكم ورحمة الله وبركاته
أخوي القدير متعب الشوق أقتراح في محله وأنا مستعد أتكفل بنصف الرحله
ومستعد اوفر لكم جيب vxr + جيب شاص يعني صندوق
لكن وين الوجهه
أوكيه اذا تبون أوديكم أماكن بريه عمركم ما شفتوها ترى الحل عندي
تبون الدهناء هذي مو مشكله حافظها صم (( عز الله ضعتو))
تبون الصمان وما أدراك مالصمان (( أوديكم لخمسين روضه ))
وهذا منظر لأحد كهوف وتسمى (( دحول )) مفرده ((دحل)) الصمان
وعلى فكره الصور اللي بتشوفوها الأن ماهي صور لكهوف أمريكيه
بل هي موجوده بالمملكه العربيه السعوديه في براري الصمان
ولقد وقفت عليها ورأيتها رأي العين كما ترون الصور الأن من يريد احداثيات الصور ما عليه الا أن يخبرني لأرسل له احداثيات كل كهف
مقرونا بأسمه ومناسبة أطلاق الأسم عليه
ومن الداخل
وهذا كهف أخر
وصوره من الداخل
مع الأخذ بالعلم انه من غرائب هذه الكهوف أنه عندما تكون درجة الحراره
خمسين درجه مئويه فأعلى تزداد برودته ولقد حصل وزرت احدى هذه الكهوف قبل سنتين وكانت درجة الحراه على الأرض حوالي الستين فلما
نزلنا الى داخل الكهف الدرجه 16 مئويه اي بارده جداااا
ويثير استغرابي ايضا ان الذي يزور هذه الكهوف أغلبيتهم من الأمريكان
والهولنديين اي الأجانب فكيف علمو بها مع العلم أن أكثر السعوديين لا علم لهم بوجودها
على العموم
تدللو أنتو بس لكن وين اللي يعزم
وبصــــــــــراحه ودي اسألك سؤال وش هالضببه اللي بتطلع بالشتاء
أنا أعرف ان موسم الضببه باقي عليه حوالي خمسة أشهر يعني بالصيف
الا كانك بتغثها وبتطلعها من جحورها بالقوه ((هذا شئ ثاني ))
على العموم كانكم معزمين أنا مستعد حتى اجيب لكم السلق والطيور
لكن حدد المهمه
واذا تبوني أطلع معاكم
ابغى تضيفون شرط مع شروطك وهو عندي أهم شرط وبدونه أنا مقدر أطلع معاكم (( واثق أنهم يبونه))
الشرط هو :: انه لابد من أننا نتفق على أمير على الطلعه بمعنى
أن يكون كلامه هو النافذ على الكبير والصغير ...........موافقين على الشرط أوافق على الطلعه وأبشرو باللي تبون
تقبلو تحيات وتقدير
أخوكم ومحبكم
ضحية صمــــ(راكان)ـــــــــــت
المملكه العربيه السعوديه
الرياض