آتنومس لا طرى محبوبي
ولا تلوموني اذا نومسني
لو ذكرته تنفتح لي دروبي
والسعد في مهجته يغرسني
عطره الصاخب مصاحب ثوبي
وخافقه فوق السحب يلّسني
هو شروقي يا عرب وغروبي
هو صباحي وليلن يعسعسني
راضي بحسناتي وبعيوبي
وفاهمنّي دون ما يدرسني
اشرب بكوبه وهو من كوبي
يشرب وبطيوفه يلامسني
لو لفاني ضايج ومنكوبي
بالكلام الساحر يوّنسني
جعلني فدوة ثرى رعبوبي
اللي في سجن الهوى حابسني
لجلك انا راح اخوض حروبي
واجعل الموت الحمر يلبسني
لجلك انا راح افضّي جيوبي
ما يهم لو الهوى فّلسني
لجلك انا ما بتم عزوبي
والمحبه فغيبتك تحرسني
واللي يعذل بيننا مدحوبي
ما يعرف ان الهوى اسّسني
اشهد انك يالغلا محبوبي
ومافي غيرك بينهم نومسني
العرض العادي
