ضاقت بي الدنيا
ضاقت بي الدنيا وانا منك مجـروح
وامسيت من حبك جريـحٍ شقـاوي
راحت حياتي منك ما شفت مصلوح
لا وا حسافه راح عمـري هقـاوي
ياللي سحرت القلب لا تجرح الروح
عندي امل لا تخيب فيك الرجـاوي
مقدر على نسيان حبـك ولا البـوح
وانا اعرف انـك اه للصـد نـاوي
ارحم عليلٍ صار من طبعـه النـوح
عطني دوا للجرح كان انتـه نـاوي
من جرح حبك صرت هايم ومطروح
ضاع العمر والجرح مالـه مـداوي
**********************
لاصـرت تـدري ان زينـك فتونـي
لاتلـوم عيـن بـك تعلـق نظـرهـا
فـي بحـر زيـنـك يبحرالعيـونـي
مالومهـا فنـك وزيـنـك سحـرهـا
ماابغى الهوى لكـن عيونـك رمونـي
ياويـل روحـي يـوم ساقـه قدرهـا
**********************
عام مضى تقل ساعة يوم انا ويـاك
واليوم تمضي الدقيقـة كنهـا عـام
وانا اتصبر ومني العين في رؤيـاك
لاشك خيّب زمانـي كـل الأحـلام
قسى علىّ الزمن مابين يوم اقصـاك
عني وصار الفؤاد لوصلكـم ضـام
إنشد ولا أحدن ذكر لي وين أنا القاك
ضاع الجميل أوتغيـر ذاك الإقـدام
يلومني فيك ناس مالقت بشفـاك ذاك
الحـلا اللـي لقيتـه إبعـز الأيـام
ياعز نفسي حقيقة ويش انا لـولاك
أعد مثل الصفـر بشمـال الارقـام