بعدك مأمل ترجـع شـئ راح = اللي راح انساه لايمكن يعـود
اللي راح انساه واعتبره مزاح = مثل ماانـي نسيتـه ياجحـود
مااشوف برجعتي يمك صلاح = ياللي اشواقي تقابلهـا ببـرود
كم وكم كافحت من شانك كفاح = ليه مابادلتنـي نفـس الجهـود
عشرتك هم وغرابيل وجـراح = والعواطف مالها بقلبك وجـود
لي عمر وياك ماشفت انشراح = اجني اشواكك واقول انه ورود
لاتعذرلـي ولاتبـدي اقتـراح = انت ياما قلت واخلفت الوعود
وسط قلبك مالقا قلبـي مـراح = والمشاعر مالقت منـك ردود
مانفع بك كل صبري والصياح = واعتقد للصبر يانـادم حـدود
لاتوسل ترتجي مني السمـاح = اعرفك ومجربك مامنك فـود