حـدّ الله مـا بـيـني وبـيـن الزنـا ×××× واستغفر الله لو بـ فكِرّ فيه ساعـه
أنا وش حدني على الذنب الـمرّ أنـا ×××× لذة بعـدها يشكي القلب أوجاعـه
مانيب ناقص أمشـي على دروب العنـا ×××× وأنت جيّـتك للفتى كنك تلوي ذراعـه
يا هـيه ترا السعادة في بيـت الهنـا ×××× ماهي بالحرام ولا عند ابليس و اتباعـه
مـاني مـن اللي على نفـسه جنـا ×××× ولاني من اللي يبحر و يشق شراعـه
مـاني مـن اللي يبطـش لامنّه غنـا ×××× ولاني من تغنى بالشرف ثمْ بـاعـه
رح أنـت الله يسـتر عليك أمّا أنـا ×××× مـن اللي ربتّـه أمّـه علـى الطاعـه