الله يسامح ظروفي ما تساعدني
تاخذ و تضغط علي تاره وراء تاره
و ان جيت بأقرب من المطلوب تبعدني
دنيا على قولة اهل العرف دواره
اسوق نفسي على الطوله و تقعدني
غصب علي انسحب و الكبد فواره
يالله ياللي بنيل الرزق موعدني
يا غافر الذنب لا من ثقلت اوزاره
استر على ما مضى يا رب و اسعدني
ما غيرك أحد بخص في القلب و أسراره
قامت همومي ترصّد ني توعّدني
أشوف دنياي مهما أوفيت بوّاره
من حاجة الناس رب الناس باعدني
عزيز نفسٍ بحاله ما درى جاره