ووووآمطرت ,
فوضة وزحام وناس بلهفه تتظلل !
المظلآت وآضواء الشوارع والممرات غرقانه حنين
ترتجف المدينة وملآمحهآ معجونه فقد وآحتيآج وآنين
الا انا ! ,
من شميت ريحه هالمطر طش فيني عطرهآ
وركض دآخل شرآييني طآريهآ / صوتهآ وحسهآ !
ورحت آتبلل تحت المطر وآركض وآطيش ,
طش فيني هالشوق وغرقت بطهرهآ
يسمونها : حنآن ويكتفون !
وآنآ بعيني هي حنان هالكون وآكثر كثيير !
تحت صوتك يالمطر انا تذكرتهآ ,
يآآآه يالمطر تشبهك حييل هالـ عبير !
بطهرهآ ونقآء قلبهآ والبيآض !
آنيقه وكل من مر من جنبهآ لآزم يتهندم !
صوتهآ وضحكتهآ وبسمتهآ فيهآ شموخ !
مثل نعومه الديم يكون حكيهآ ,
الربيع الي دآخل صدري يسكنه آزهآر كثير
وهي غيرهم ,
هي وردتي , وردتي البيضآ وآجمل هالزهور !
هي آشيآئي وآورآقي والسطور ,
يَ حنآني , يَ آجمل آقدآري ,
يَ ممزوجه بـ الحب وبالطيب وريحه البخور
كل من شافها تمنى تكون له صآحب !
وكل من صاحبهآ يدعي الله يديم لهآ صاحب !
كبيره ,
كبيره بعيني كثر مايعني لها مصطلح عز وكرآمه !
متوآضعه حيل يخجل حتى تعبيري بوصف طهر نيآتها ,
انا كل يوم
كل صبح اتلبس جناحات الرضا وآطير ,
وآدعي الله عسى بسمتهآ مآتفآرق محيآهآ وتدوم !
انا كل صبح , آشكر ربي وآحمده كونهآ بخير وسرور ,
وكل مامرت بدآخل تفكيري أحمد ربي وأقول :
نعمه هي وتستحق الشكر !
يا عبيري يَ آجمل آشيآئي ,
يَ تؤام الصبح يَ آعذب آمطآري ,
آحبك كثر هالمطر الي طش بسنيني ,
آحبك يَ عبير القلب آنتي ,
ومدام انتي بقلبي وردة
بظل آسقي وآروي بدآخلي طآريك ,
لين آمتلي كلي , ولآ آكتفي بك
وهذا انا آرتب لك آغنيآت آمنيآت وحنين وقلب
وكل مافتحت جفون الغيمة مطر , لك دعيت
يآرب تسعدهآ ولا تذوق قلبها للحزن طآري
عبير الخالدي