.. ~ {وش تقــول للــي فـ بــاللــك } ~ ..

[عاشق الأحساس]

أعاهدك ..

أعاهدك بالله أبقى أحبك

أعاهدك باللي زرع ودك

أصون حبك

أوعدك ما أتخلى عنك

أوعدك ماأخيب ظنك

وأبقى أحبك

أنا عايش بس عشانك

ولا أرضى أبد بدالك

أنا أحبك

هذا قلبي كله حلالك

وروحي بعد تفدالك

والله أحبك

أعاهدك ما أنسى هواك

أعاهدك ما أبغى سواك

لأني أحبك

أعاهدك عمري ماأنساك

أعاهدك يزيد فيني غلاك

هذا حبك

مادمت عايش مالي غيرك

وأعاهدك مصيري مصيرك

أعاهدك ياحبيب عمري

أبقــى طـول عمري

أحبك يابعــد عمري

أعاهدك بالله اللي خلقنــــي

أضمك لصدري و حضنــــي

وأحبك في فرحي و حزنــــي

أعاهدك وخذ هالعهد مــنــي

بس أرجوك لا تخيب ظــنــي

لأني أعشقك غصب عــنــي

لأني أحبك موت يامجنــنــي

أعاهدك أحبك ... طول العمر .... وهذا وعد

أعاهدك أحبك ... أبـد الدهر .... وهذا عهد

أعاهدك وهذا عهد رجال

مو بس كلمه وكذا تنقال

[سـارونة الـحلوة]

أنا ما أبي من الدنيا سوى لحضة لقى وحده

أبي أطيح من طولي على صدرك وتحضني!!

تعبت أشدبك حبل الشوق وأمده..

أبي أشكي على صدرك عطش هالحب يا عاشق !!

أرويني..دخيلك لاتخليني ترى صبري وصل حده..

"أهيم بعالمك طفل أمانه لاتخليني؟؟!

" أحبك "

[عاشق الأحساس]

اذا حبك جريمه ..

ياحبيبي اذا كان حبك جريمـه شفني أقولها أنا أول المجرميـن

والله أنا حياتي بدونك أليمـه شفني أقولهـا لك من الحيـن

لك بأعماق قلبي معزه وقيمـه لك بحشايا جوفي حب وحنين

والله بدونك روحي سقيمـه والله بعيونك لقيت كل زيـن

أحبك وحبك منيتي القديمـه الله يخليك و يحفظك مالعيـن

أحبك ويشهد قلبي وصميمـه أحبك بعيوبك ولو فيك شين

[مفارق الأحزان]

حبيبي ما علي من هرجت العـذال ذاك وذاك
علي من الكلام الي تقولـه انـت مـن يمـي
ترا قلبي وروحـي والمشاعـر كلهـا تفـداك
غلاك الي دخل وسط الثلاث وصار في دمـي
مكانتـك الرفيعـه بالمحبـه زودت مشـراك
تشب النار بـا الاحسـاس وتطفيـه وتحمـي
رسمتك با الخيال وكل ساعه با الخيال القـاك
اطالع صورتك واحتار بين الكيـف والكمـي
زرعت الود بالاحساس تعطي والخفوق اعطاك
عطاك الود مثله ما عطـا خالـي ولا عمـي
وعدتك با الوصال ولا تجاهلت الوعـد ويـاك
وعدتك باهتمامي واعترف لك يا كبـر همـي
قمر خمسة عشر لاجيت في منطحك ومحيـاك
جمال الكون كنـه فيـك يـا الفتـان ملتمـي
جمالك يلفت الانظار ربـي واعسـى يحمـاك
عليك اخشى العيون من الحسد واذكرك واسمي
خفيف الدم همي بين كل العاشقيـن ارضـاك
رضاك بخاطري ما ضاع بين الجـم واليمـي
حبيبي ماعلي من هرجـت العـذال ذاك وذاك
علي من الكلام الي تقولـه انـت مـن يمـي

[كلي نعومه]

اشتقتْ لأيامكْ وجيتْ أنشدْ الوقتْ
وينْ الحبيبْ وضحكتهْ وأمسيآتهْ
ليتهْ يوسعْ خآطريْ لآ تضآيقتْ
مثلْ الكفيفْ انْ قربوآ لهْ عصآتهْ
مآهوْ زعلْ لآ شفت ْوجههْ ودنقتْ
العينْ تخفيْ فيْ نظرهآغلآته

[مفارق الأحزان]

يوم الخميس اجيك وأخـذك ونـروح
صوب الحجّاز وصوب مكـه وجـده
نمشي على الفكسار والخط مبـروح
ومؤشـر الأمبيـر يـزداد عــده
وليا لقينا الجمس والفـرد مطـروح
لاتلتفـت صوبـه ومــر وتـعـده
وأن كان راع الكامري يطلب مزوح
وشفتـه يـدور للتـحـدي تـحـده
وآمن الطرق لو عاند شوي مسمـوح
قله تـرى الطرقـه طويلـه وشـدّه
وأن جيت في الطائف وعادتلك الروح
سلّم على أهل الطيّب والعّـود بـده
وليـا دعانـا للشبـب لازم نـروح
صعـبٍ ليـا صمّـل علينـا نـرده
نشرب قهوته والغداء كبش مذبـوح
كريـم سبـلأ جـزل وافـي بمـده
في مجلسٍ تلقى بـه البـاب مفتـوح
والعـود الأزرق للنشـامـا يـمـده
يستقبل الضيفان والصـدر مشـروح
زبن الدخيـل اللـي زمانـه يحـده
ماشح فـي مالـه كريـمٍ وممـدوح
منصـى الرّجـال بيسـر ولابشـده
وياصاحبي قلبي من الزين مجـروح
متعلـقٍ مابـيـن مـكـه وجــده

[زهور الكون]

اشتقت لك يالغالي

[مفارق الأحزان]

اشتقت لك حيل يالغالي عسى الليالي يردنك
اشتقت لك ياهوى بالي ماكن ضني على ضنك

[زهور الكون]

انا من راسي لاقدام مشاعر حب عطشانه

[مفارق الأحزان]

قاعد لحالك ! .......... ولاقد جيت في بالك !
----------- وش فيك ساكت ! علامك ماتعلمني ؟


كل مااتصل فيك.......... وازهم رقـم جوالك
----------تعطيني " مشغول " والمقصود تشغلني


يعني عشاني " احبك" ... واعشق وصالك
----------- تقعد.. تغلى علي ........... وماتكلمني!


ياهيه وش فيك ؟ شــــ اللي غير احوالك؟
----------- كل ماقترب منك .... فجأه تبتعد ..عني!!!


ياما تحملت ............ ناسٍ دهورت حالك
-----------واليوم اشوفك ... تصد ...وماتـْ حملني



لاصار بعدي على ماقيل يحــــــــــلالك
............. والله فلاتشوفني ياهــــــــيه واسمعني


اما " معي " تعتدل ...............وتعدل افعالك
--------- ولا توكل على الله وقوم.......... فارقني


يعني عشاني " احبك" ... واعشق وصالك
----------- تقعد.. تغلى علي ........... وماتكلمني!!!