*·~-.¸¸,.-~* حالمه في عالم الكوابيس*·~-.¸¸,.-~*

[๑ஐتــآهت افكــآري ஐ๑]

كلما تضج جنونـــ امســــــــياتك\ ارجع لصبــــــآحي اكذّبُ غيــــــــآبك

[๑ஐتــآهت افكــآري ஐ๑]

صباح الخير اليوم وباكر .. عدد ماغرد عصفور عالشجر
صباح الخير لامسي والحاضر .. عدد مافي الارض من حجر

اشتاق لك كل صباح واشراق شمس
واحبك كثر مالفراش الالورد يهمس

\

اكتفي بهذه المقدمه اعتقد اني دهنت زوبده بما فيه الكفايه تري وراي اشغال عندي بزنز
تبي تعلمكم انها مهمه وختيره اوي رغم انف الحاقدين << وشدعوه كونزاليزه

الموووهم وحده زعلت علي في المسن وحده راحت تسرح الرعيه << هاها ايقونه

بروح اسوي لي حلوم وشاي فطوري اليومي .. باكر اتوقع اتفقر واكل قرص اليقطينه لوووووول

برجع ........... ياويله بالويل الي يتلقف وينزلني من فوق .. :( حزن

[๑ஐتــآهت افكــآري ஐ๑]

قد جربت بيوم كوعك باعلا قوتك يصقع في يده الباب الحديد :0 :( هذا شعوري براسي مو راضي الصداع يطس

[๑ஐتــآهت افكــآري ஐ๑]

في واحد نفرات ماكو مخ روهي سوي اكل << مثل ماقال سايقنا اقل بالقاف
ماتلاحظون ان السواق ماخذ حيز كبير من مذكراتي ياتري باكر منو يقوم بدوره لابغيت اسوي فلم :( فكرو معاي
احمد زكي لا مات عادل امام لا ماينفع سعيد صالح لا مخرف .. احمد عز .. ههااي

خلاص لقيته ماراح اصرح عنه اخاف احد يسبقني عليه ..

\
نطلع من الافلام لعالم الواقع ..

اليقطينه تنظر لي شزرا واقول شفيني احس بحرقان في معدتي شكلها تبي الحلوم وانا بلعتها ..
والله العظيم البيت مليان والثلاجه .. وماحد يسالها وين راح هذا ومعاد فيه افلام الخدم انا مافي اكل ماما سكر تلاجه هذه اشاعاتهم لاراحوا المكاتب .. هذه شفاحه .. حصريا تتميز بها لدرجه اني اطلقت عليها لقب ناقه في مزاييين الابل ... وحدها تتمتع بنسف الشخص بنظره من عينها التي كانها خرم ابره عجوز امريكيه تهزهز علي كرسي الياس ...

جايبين كباب العيال واكلت معاهم .. وهي متعشيه قبلنا يمل البلعه .. خزتني وهي رايحه غصيت بخبزه ؟؟ احد يغص بخبزه بريقي صاير كنه بتكس مو راضي يروح الخبزه ... اهيييييييب
طبعا سويت اعاده رستارت للحلقي استخدمت صبعي وطلعتها .. ومعها كل ماجنيته ..

هذه حاله قيدتها رغم كثير من الحالات ياويلكم بالويل لاتشوف معاكم شي ولا بعد تلحقني وتقول وين رايحين
قلت روه بارمسي جيب دوا قحه هق بيبي فيه هراره .. قالت تلاجه بييه دواء .. تحشرني يعني .. قلت اقول طسي داخل...

ومن اطلع اقرا الزلزله والمعوذات ... من مخارمها النجلاء

لوووول


هذه نقطه من يقطينه ..

\


ودي اجيب شي من القديم كاتبته ومتعاجزه انقل ..

لكن ساحاول اغير الاجواء من مكتب الخدم الي مكتب ادب
\







داعبتني لذعه برد خفيفه من الشباك
طارت الستائر وطارت اوراقي
كانها تذكرني بشتاء قادم وصيفك عاد من السفر

صيف شتاء لا فرق ولا جديد هو الحديد حولي زنازن
في كل اتجاه قيد اختنقت وعدت لانام هربا
لاصحي وانام مجدد كثير ماحلمت وانا في سبات الشتوي
رايت زهره شبابي تذبل عندما لا اجد الشمس تشرق
مجنونه انا وليس جديد طالما اتسمت بطبع مجنون
كان طباع والحلم دستور لي اغفو علي كتاب واصحي
لاغسل الحروف في بحر الكلمات وكلها كانت من تلك النسمه البارده

[๑ஐتــآهت افكــآري ஐ๑]

اكتفي بهذا القدر راسي مصدع يوم سجل الرقم القياسي
وعيني تغمض غصب يعني نووم

باي برجع ياويله بالويل الي ينزلني .. عجزت وانا اجيبني

[๑ஐتــآهت افكــآري ஐ๑]

قد جربت تنام في الصيف بطانيه مورا علي عليك والمكيف طافي .. هذا شعوري الان

برجع ان شاء الله

[๑ஐتــآهت افكــآري ஐ๑]

رجعت ياعيني يالنومه اتعس نومه الله يكفينا الشر خصوصا ان كان عندك قطوه تخربشك كل ماحد سحب ذيلها
لووول ياجعل عمرهم طويل الي يجننونها انا وحده مو قادره عليها عاوزه حضن يلمها علي ماقالته وحده من الاخوات الصالحات سنها منكسر هع بعد

الموهم دهنت شعري لين حسيته نفيخه مو جمجمه .. نصيحه سيلانيه خبيره مساج ومرخ عجايز ومعالجه بشوط عراقيب العجز التي ذابتها سنون الدهنا والصمان .. صح قويه <<
الموهم فعلا رشخته الله يخلي نرجين :( وهذا هو تجمد من البرد مو شعر حشي لووول

صار كنه جذوع شجره يابسه ماجربت الماي
انثبري <<
ومازلت اصرصر عيوني نظاراتي انتهي تاريخها الافتراضي ماتفيد يعني عاوزين نغير النظر ..
ومافي ليتات الا وحده فوق راسي مو كافيه ..

\
سني مسوس اتهرب من الطبيب.... خايفه من الابر بصراحه اكرهم ..

اكلت حلوي بحرينيه تهئ تووبه ... ان كنت اكلك تاني توبا

[๑ஐتــآهت افكــآري ஐ๑]

ماحب اراجع دكتور احب الدكتوره لانها حنونه ويدها اكثر رقه ونعوومه لكن ان كان صعيدي ياويلي يكسر الحنك ومافي قلبه رحمه اقوول واق واق يعني شيل المعجون ابي اتنفس ارحمني يالتور يضحك ويقول تنفسي من منخارك عنبووه لو منخاري تنفس ماشاورت لك يالقاموس ..
هذه موقف ...
ومره دخلت العياده الحكوميه دايم فيها مصريه تكفخ المراجعين يعني ماتحفر غير سن واحد وهي صاحبه فضل عليهم يعني قلها يدكتوره في نقطه هنا خايفه تزيد مع الايام احفريها قالت غسليها بالمعقون ياستي وبطلو اكل سد الحنك ياعل تسدد حنوكك ...
انا ودي اعرف يومها ماهي طايقه المهنه ليش صارت دكتوره انطقي بيعي جرجير وشبت ..

مره رحت مراجعه حشو السن النهائي لقيت دكتور هندي <<< امبييه

قمه الاحراق يلهوي .. امزح عاد لاحد يصدق جيكر وضعيف يعني مافيه من ابهشيك اي شي ..
احسن مافيه هدوءه وخفيفه يده يعني انا اكره الاطباء الرجال
ومارتاح اتعالج علي ايديهم حتي لما يجيس النبض
لاشعوري ودي اعطيه طراق .. اول مره تعالجت عند رجل كنت لحالي امي مو معاي وفحص علي ظهري يسمع قلبي من وري ؟ كيف مادري احد قاله اني حيوان برمائي ..
نطيت من السماعه بارده واطالع الي معاي محرم قالي اييه شوو مالك ماراح اكلك .. وانا اقول الله يجعل ياكلك تمساح استرالي ميت جووع شهرين ..
نرجع لدكتور الهندي <<< خدودها زرق
ماقالي ايه مالك يختي هو انا حاكلك ولا قالي ليه سن واحد النهارده وعقب سنه تعالي احشي الي وراه ..
قالي مافي كويس روحي المستشفي الكبير يسوي لك الجهه هذه مره وحده .. وعطاني ورقه تحويل يعني مستحيل الدكتوره فتكات تسويها .. ولو ان حنفي جاب لها تلاجه وتلفزيون مستورد ..
...
نطلع لدكتوره شاميه كنت ابيها تحفر سن طفل .. سلمت عليها ورب البيت احسب اني مسكت قطن مشاء الله سبحانه مالومهم يوم يهجون للشام عنبوكم هجوا لهم مسموحين لوووول

بس انها بقره لعبت في الصبي لعب حطت له بنج اربع مرات ومافاده قالت شنو بيشرب الكولا كتير عاش مصرف الا والله ماتعرفين يمناك من يسراك وريعه خلصت الثانوي وجاتنا تفرد عزلاتها ..

وانا ابشي وابشي من صياح الغرير ... مصع كبدي خفت عليه عقب المعركه الطاحنه وهي تحاول تقلع سنه هذا وهو لبني مابغي يطلع عيل لو كان سن جبني ويش كان .. تهئ قسم تعبت نفسيتي ذاك اليوم ومسكت خدي وقلت لا مالازم اسوي سني خليه يسوس مره وحده ولا اقلعه . واااااااااااءءء يمه لحقيني

.......

اطلع من عياده طب الاسنان الي عياده فكر الخبال ..

بصراحه انا جبانه اجبن ماخلق الله علي الارض من الاوادم الماشيه والزاحفه والطائره ..

امي الله يطول عمرها تعرف هذا الشي .. وتعرف اكثر شي للحين مهما كبرت وصغر حجمه هالكائن اخافه اكثر من قبل لوووول تعرفونه اكيد................ الصورصآر
لازم تشيك امي عالبيت ... بيتنا قديم ومرمم ومعدل .. لكن مهما كان القديم قديم منبر لتكاثر تحته الله يلعنهم ان كانهم خارشين قليبي وصياحي يوصل اخر الكون لاشفته حتي وهو ميت .. عيال اخوي نتف توهم درو اخاف منه بعضهم ينظر لي نظره تهديد ... وبعضهم يسوي بطل يصقعه بالنعال .. وانا اخبل منهم اعتبرهم نشاما وابطال ..لوووول

ابوي الله يرحمه يدري اخاف منه ودايم يتطنز علي لاشافه قال نادوها خلها تستانس عليه ...
ان كان مزاجه ناري لعن خيري وقالي ماهو ماكلك ارقعيه بالنعال .
رحت لاختي مره كانت في شقه وانا طلعت اسهر عند قرايبي ورجعت بليل وابي اطق باب الشقه
وماقدرت الباب عليه صرصور كبير .. وقلبي يرقع ارتبكت واناديهم من بعيد طبعا انا اخاف نوع الي يطير يجيني انهيار عصبي قسم بالله جد هالحكي لاشفته ابكي.. ومن حظي الحلو فتح ابوي وقالي حمدالله
عنبوك انتي خبله ..شكبرك تخافين منه واستحيت وطاح وجهي لكن مازلت اعترف اني اخاف مال طب ..
ومن يومها صرت مسخره ابويه كل مايشوفني قالي حيالله الي تخاف الصرصور هههه
مره كنت افطر في المطبخ دخل علي واشوف طمر علي عقاله صرصور وابي اقوله يبه ارجع وراك لاتقرب مني واخاف يعصب لاني اخاف هو يهاوشني يكره الخوف في .. قلت بصوت بارد يبه علي عقالك حشره ..
والمصيبيه نزله وطيره بصبعه صوبي ... واءءءءءءءءءءءءءء ...

...

الله ياشينها هالذكريات.. قمت احسه علي ظهري يمشي هههههههههههههههههههااي
احلا شي البر مستحيل القاه هناك ..

لذكرياتي بقيهـ

[๑ஐتــآهت افكــآري ஐ๑]

قبل مو الحين وقت الشغاله هي معزبه البيت << علمي نفسك

كنت مع خواتي الهاوس كيبر للبيت انا بالاستقبال معي مبخر واختي اصغر مني دله وتقهوي ..
والكبيره مطنشه لام الدونيا تسمع ام كلثوم وتكتب خواطرها وحب قطع كبدها طبعا تحب عماد حمدي لووول
الموهم كل ماتجينا وحده قالت مشاء الله بناتكم كبروا يحليلهم .. تلميح يعني حسي زوجينا خخخ امي عاد تدري بس حركات حريم تفتخر عندها بنات قبل مسكينه ام بنات والحين عندها عرايس حلوات مالت عليهم اي عرايس ام 13 14 عروس ؟؟؟ اهيييب

الموهم ندخل مشاء الله نسلم بالتدريج لانها كثير .. وانا لادخلت ودخلت معي الي وراي بالعمر قالو مشاء الله
عليهم ويطالعوني كبرت يحليلها .. وانا الكبيره الي سلمت الصغيره لانها اطول مني .. واءءءءءءءءءءء
هو نعمه ونقمه يصغر البنت قدام الناس مهما تكبر تقول انا لسي صغيره زي مقالت سعاد حوسني بس حط ظفاير واكل برد ... وشين ليشششش لارحت المطبخ وابي اجيب علبه السردين والاندومي ماطولها وااءءءء
...

الطول عز ..
....
شفتو الصبي الي تزوج مادري لعبت عليه تمساحه مؤنثه وخلته اب .. الله يعز الاسلام بسس

بصراحه ضحكت حيييل وجتني بكيه لمنظر الصبي قطع قلبي ... حسبي الله تخيلته شخص احبه قدن وحيل واوي اوي اشهد اني لو كنت امه شليتها وقطيتها في مثلث برمودا هالنسررره يومها ناويه الخنا ليش ماكلت الحبوب يمال يحبب بدنها ولا ماغير وجه فقمه بحر ورديه .. كش عليها

..


بزعجكم قبل اسافر بكتب هنا جرعات زايده .. حتي اعود ... شدعوه رايحه باريس لوووول
لا جد ابوي في كندا طرش لي تذكره سفر وقالي جيبي حبايبك وانا اخترت ثلاث شخصات
وافكر اجيب شخص معنا لكن مافي للحين الي يسافر معنا يجيب معه عزبته .. تكاليف الرحله لاربعه ..



بروح اشئر عالمنتديات الي مشاركه فيهم وارد ايه انا عامله زي كونزليزه يخويه من مطار لميناء سفيره فوق العاده ... لووول

[๑ஐتــآهت افكــآري ஐ๑]

راح الليل ماحسيت صج السوالف دايم تسرق الاشخاص لاجتمعو ا

الموهم ماعندي سوالف غير شخصيه مره وماتكتب هنا ولا هناك <<<<<<<<< تبقي هنا قلبي

الله لايعيدها الاقطه الي كليتها طارت وشرقت فيها تهئ راسي بينفجر ...


.. اليوم قمه القهر وديت جهازي الي جبته من خرير مكتبه الفلس وطلع تصليحه 700 يلهوي
برجعه لهم والكارثه ورقه الضمان مادري وين راحت قلبت شناطي ادورها لاوجود لها
وانا اشك انها بالكيس مع الجهاز يوم وديته للمصلح رجع الجهاز بكيس ثاني ...
مالي حظ في الاجهزه انا ...
شسوي فيه الحين مالت عليهم مايجيبون غير الخرده كش
هذا درس نتعلمه من الدعايات والي يركض وراهم ..