يازين مزح الحبيب وضحكة سنونه
اللي يفرح خفوقي كل ماشفته
يازينها مزحته ويازينها عيونه
غيره من الناس لو مزيون أنا عبته
أحب كل اللذي لجلي يحبونه
لو التقاليد تمنع عن معاشرته
وأعاف من يكرهه لو بنت مزيونه
مادام أنا ضعت في نبتة ومزرعته
طعم العنب فيه ومن شكل العنب لونه
وفراولة شفته تطغي على نبته
فيه أمتزج لون تفاحة وليمونه
وحتى الكمثرى بوصفي غصب أنا جبته
والخوخ والتين ماظنيت ينسونه
والورد منه مع الزيتون وشجرته
منه زعل لون رمانه وزيتونه
وحتى خدوده خذت من لون مشمشته
أبا أتغزل في شعري فيه وعيونه
ويغفر لي الله إذا فبحر الشعر عبته