يعني سبب كرهي له فوق أنه حيوان وكلب <بالله ! يعني جبت جديد هالحين ؟
لأن صار لي معه موقف أيام ثالث متوسط على ماأذكر <صار لك معه موقف !! تزاعلوا على شان الكورة ولا كيف ؟ هههههههههههههههه
قديم كان أخوي الصغير عنده موعد كل أثنين في مركز العلاج الطبيعي وكنت أوديه كل صبح مع السواق للمركز
المركز ممنوع دخول الرجال فيه وكنت أنطق كل صبح انا والسواق فالحوش حق المركز لين مايخلص أخوي من موعده
طبعاً في عند بوابة المركز كان فيه غرفة للحارس وكان مربوط عندها كلب أعزكم الله
السواق الحقير كان كل يوم يتحداني اني اجي عند الكلب واطقه بالعصا وانحاش >يقول والله ياسئود انتى في طوقو كلب انا في يئطي انتى قمسة ريال <عاد القمسة لها وزنها لطالب متوسط منتف مصروفه 4ريال
وفي يوم جتني شجاعة مدري منين جت الصراحة <افااا
قلت خلاص , ورحت يم الكلب وهو قاعد ينابح علي وأنيابه الله لايوريكم بس
صرت قريب منه يعني بيني وبينه حوالي 5أمتار , ويوم شفته بهالشكل هونت قت ياعمي طير الخمسة يجي بدالها خمسات <راحت الشجاعة اللي جات قبل شوي ههههه
لكن المصيبة أني كنت أحسب الكلب مربوط
ماأن ألتفت وراي متجه يم السيارة الا والكلب يركض وراي