دكتـور
أنا مابي دواك أرجوك افهمني
دكتـور
كل اللي ابيه إنه تسامحني
،،،
دكتـور
نادي لي حبيبي بضمه دقايق
ابيه يحضني ترى الصدر ضايق
،،،
دكتـور
جاوبني أنا عندي إحساس؟
فيني حياة وحب مثل باقي الناس؟!
،،،
دكتـور
عطني أمل أعيش به عمري
قلبي احترق من زاد في داخله جمري
،،،
دكتـور
حبيـبي يقول الموت هو انت
انتي مو قد الحب ولمبادئه خنتي
،،،
دكتـور
حبيـبي يشك في حبي وصدقي
مايدري إنه سكن في نبضي وعرقي
،،،
دكتـور
طالبتك تسمح لي أشوفه
أتأمل عيونه أو حتى ألمح طيوفه
،،،
دكتـور
هو وحده دوا جروحي
هو أماني وحناني وهو دفا روحي
،،،
دكتـور
لاتتعب ترى الجرح في قلبي
لاتشخص الحاله ولاتحكي حكي طبي
،،،
أرجوك يادكتور
لاتقول ماعندك دم
تقريرك يعذبني ويزيد همي هم
،،،
لاقلب
لادم
لاإحساس
وش باقي؟
ليه أنا عايش ومايُعلن فراقي؟!
،،،
دكتــور
ارحمني وزود لي الجرعه
لاحب أنصفني ولاعزّني شرعه