.......................
ع السـآإعـه 6 المغـررب ..
جود لبست عبايتها على البنطلون الجينز والتي شيرت العايدي من تحتها ولبست طرحتها وتلثمت .. اخذ شنطتها بإيد مرتجفه وطلعت من البيت أشررت للسـواق يفتح السياره .. دخلت وانفاسها تسابقها ..
تطالع في الجوال الي بيدها وشويه بيطيح من رجفة ايدينها مو عارفه ايش تسوي تتهور وترووحله ولا تكلم وحده من صديقاتها تشوفلها حل .. فكررت في فرح هي تعرف تطلعها من هالمصيبه بذكاائها ..
دقت بس خاب ظنها لمن لقته مغلق .. بصوت مقهور : اووف هذا وقتك ياغبيه تقفلينه ..
السواق : وين روح ماما ؟
جود بلعت ريقها بصعوبه : تحرك عالتحليــ ..ـه..
وفي بيت أم نورهـ ..
دخلت نوف للبيت هلكانه وتمشي مثل السكرانه : اااه يايمه راااسي يارااسي
ام نوره ركضت لعندها : وش فيك يمه عسى ماشر ؟
نوف ماسكه راسها : لا مافيني شي بس خلاص مافيني حيل ابي اناااااااااااااام ..
ام نوره : روحي حبيبتي ارتاحي الحين اسويلك عصير ليمون تروقين اعصابك شوي
نوف غمضت عيونها بقوه من صداع راسها : الله يخليك يمه ..
دخلت لغرفتها وماكلفت على نفسها تفتح اللمبه رمت نفسها ع السرير بتعب .........
قلبت نفسها ع الجهه الثانيه بإرهاق واستغربت بنجود حاظنه البطانيه لصدرها ونايمه بعمق : غريبه هالبنت لازم اعرف وش فيها تغيب تغيب وفجأه ترجع تعبانه ومتضايقه .....
دق جوالها بنغمه فجعتها : وووجع
مدت يدها لشنطتها الي رمتها ع الارض وطلعت الجوال ردت بدون نفس من غير لا تطالع الشاشه : الوو
فرح : يسسلملي الالوو انا ..
نوف بتعب : اهليين فرح
فرح : ايشبو صوتك ؟ تعبانه شي ؟؟
نوف : لاء بس توني راجعه من المستشفى احس اني بنفجر
فرح : سسلامتك والله
نوف : الله يسلمك ..
فرح : نووف تقدري تجيني الليله ؟
نوف : الليله ؟؟
فرح : ايوا نامي دحين وارتاحي وتعاليلي بالليل ..
نوف : لا ماقدر وراي دوام بكرا
فرح : ياربييييه طيب شويه ساعتين تلاته ..
نوف : وليه ماتجين انتي .....(( سكتت بتفكير )) كيف تجيبها لبيتها الي بنظرها يفشل ومو من مقام فرح ..
فرح بفرحه : من جد ؟
نوف بارتباك : هااه ايه حياك أي وقت ..
فرح : اممم طيب اوكي متى حابه اجيكي ..
نوف : أي وقت بس مو الحين ابي انام هههههه
فرح : هههههه طيب ع الساعه اممم 9 _ 10 حلو ؟
نوف :؛ جنااان مو بس حلووو ههههه
فرح : طيب اشوفك ان شاء الله يلا باي
نوف : باي
سكرت منها الا بجية امها بإيدها كاسة العصير والبندول ..
نوف عدلت جلستها عالسرير وابتسمت بامتنان لأمها الحنوونه ...
ام نوره جلست جنبها عالسرير وناولتها العصير : سمي بالله يمه
نوف اخذ العصير وحطته عالطاوله وباست ايد امها وضمتها : الله لا يحرمني منك يابعدي
ام نوره بحنيه مسحت على شعرها : ولا منكم ياعيوني
........................
وقفت السياره قدام المطعم الايطالي الفخــم .. نزلت بتردد وهيا نازله نشبت عبايتها في طرف الباب سحبتها بقوه : افف هذا وقتك الحين ..
مشيت ورجلها ترتجف حضنت شنطتها لصدرها ودخلت بارتباك .. طالعت حولها مافيه احد .. جاه الويتر : اهلين انسه اتفدلي وين حابه تئعدي جوه أما برى الجو كتير حلوو
جود : رايقه لأمك انا وخر عن وجهي ..
الويتر مصدوم ايش فيها دي داخله بشرها : اسفين انسه بس حبينا نـ ......
جود خصرته ومشيت عنه تدور في الطاولات على شكله الي اصبح بالنسبه لها مقزز ويجيب الاشمئزاز ...
سمعت صوته من وراها : هلاااااا تو مانور المطعم
جود بهدوء وقلبها يطلع وينزل لفت عليه وتتجنب تناظر عيونه : وين نجلس ؟
رابح مدلها ايده بذوق عشان تتفضل معاه للطاوله ..
جود مشيت وراه بدون ولا نفس ..
دخلو للغرفه المقفله ولها شباك يطل على نفس المطعم ..
رابح ابتسم وسحبلها الكرسي عشان تجلس ... جود جلست وهي تدعي ربها مايسوي فيها شي ..
خلى الباب مفتوح علشان يطمنها مبدئيا ويكسب ثقتها حبه حبه ... ابتسم بجاذبيه : نورتي ياقلبي
جود تطالع في الصحن الي قدامها وساكته ..
رابح : امم وش حابه تتغدي او تتعشي ..
جود مارفعت راسها : مابي شي
رابح : له له له ليه متضايقه قلبي ماتثقين فيني
جود رفعت عيونها الغرقانه وناظرته .............
رابح ابتسم يتلذذ بدموعها ينبسط يستااانس على انكسارها وخضووعها وانه مابيدها شي تعمله ..
جود انقهرت منه يضحك ويستهزأ فيها يستصغرها ............
رابح : اممم ليه ساكته سمعيني صوتك لانك بصراحه (( بهمس جذاب)) وحشتيني
جود حضنت شنطتها لصدرها اكثر : وش تبـ..ـي مني
رابح رجع ظهره لورى : هههههه للمره الألف اقولك ابيك انتي ..
جود بقهر ودموعها قربت تنزل : انا ماني رخيصه مثل ماتظن انا ا.........
قاطعها ببرود : طيب ليه معصبه اذا مانتي رخيصه اقدر اساويك بالتراب مساله بسيطه ..
جود زاد حقدها حست قلبها بيطلع من فمها من قوة دقاته ..................
رابح قرب ايده منها بهدوء عشان ماتحس .. ولمن رفعت عينها عليه قبض على ايدها بقوه قبل لا ترفعها : اسمعي حبي
جود تسحب ايدها :اترررركني
رابح : ههههههه
جود بصوت اعلى : اتركني اقوولك
رابح مسك ايدها الثانيه : حبيبتي مايصير كذا اهدي شوي ..
جود خافت يسوي فيها شي سحبت ايدها بقوه واخدت السكينه الي كانت ع الطاوله والخوف والحقد مالين قلبها ...............
......................
تن تتتتن تن تننن << الجرس ..
حلا تشرب الكابتشينو بروقان : عازمين احد اليوم ؟
يارا بتفكير: امم نوو غريبه مين جاينا
لمياء ابتسمت بخبث : مادري الحين نشوف ..
شويه دق عليها الباب .. لمياء :ادددددخل
الخادمه فتحت الباب : مس لمياء مدام غرام تحت ..
حلا شهقت : غراام وش مجيبها هنا ..
يارا : عادي بيت خالها ..
حلا انبتهت على نفسها : هااه ايه صح ..
لمياء رتبت الجينز الي عليها والقميص الشفاف قدام المرايه : يلا بنات ننزل
حلا اخذت طرحتها احتيااط ونزلت بتنورتها الجينز الطويله حقت الجامعه والقميص التفاحي المفتوح وتحته بادي ابيض وشكلها مرره رااايق وناعم : يلا
نزلوا البنات للصاله الكبيره الي في الدور السفلي : هاااااااي
غرام ابتسمت : اهليين يارا ..
يارا سلمت عليها : كيفك ؟
غرام : بخير انتي شلونك ؟
يارا: تماامووو
حلا قربت لعندها بدون نفس وهي تشوف وجههـآ الملطخ بالمكياج كأنها أراجوزز "مهرج " : نورتي
غرام تسلم من طرف خشمها : منور بهله شلونك
حلا : بخير ................. كيفك انتي ؟
غرام : تماام ..
سلمو عليها البنات وجلسو سوى بالصاله بإنتظـآر فكـرة لمياء الجهنميه الي بتكشف حب حلا لفيصل بالطيب ولا بالقوه لازم تكتشتفه ..
.................
التلفون له ساعه يرن وهي عارفه مين المتصل خايفه ترد متردده ومرتبكه .. ايش تسوي ورطه ماهي قدها .. وماتقدر تتراجع خلاص بدأت في خطتها لازم تنهيها ......
مها ببرود : ليه ماتردي التلفون انفلق ..
سماهر بعصبيه : ليه ماتردي انتي ..
مها : انا ايش دخلني بيتي ولا بيتك ..
سماهر بخبث : هادا رقمكم ياذكيه ايش حابه اقولهم
مها وقفت بخوف : اييش ؟
سماهر : ههههه ارد ولا بلاش
مها راحت تجري للتلفون رفعت السماعه وسكرتها اكثر من مره بعصبيه وبعدها نسلت سلك التلفون ...
سماهر : يامجنوونه ايشبك كسرتي التلفون ..
مها رجعت جلست ع الكنبه : دحين ايش اسوي كيف ارجع مااقدر ماااااااقدر ...
سماهر : ههههه من ضربتو ايديه لا بكاء عليه ..
مها : انكتمي بس
سماهر :اوكي براحتك انا خارجه اشم هوى شويه اووف ضقت منك ومن الجو معاكي باي
مها خايفه تقعد لحالها : لاء خديني معاكي ..
سماهر :هههههه لاء بيبي ماقدر رايحه مع ناس كوول ومستوى هااي ماقدر اخدك معايا
مها وقفت بعصبيه : انا مهاااا الفارس عارفه ايش يعني ولا لاء
سماهر : ههههههههههه
مها قربت من عندها واعطتها كف : تضحكي تضضحكي اقلك انا مها عبد الله الفارس تقولي ناس هاااي وماتقدري تاخديني معاكي انتي تعرفي انـ ..........
قاطعها كف قوي من سماهر : مين انتي عشان تضربيني وبعدين اذا حابه اخلي سمعتك بالزباله ارفعي صوتك عليا والله لا اخلي اخوكي يشرب من دممك فاهمتني
مها ارتجفت وصوتها راح .. كيف نسيت سامي .. سامي الي مايرحم ...... ممكن يقتلها ؟؟ ايش يقتلها يدفنها حيه ؟ راح يتخلص منها راح يسوي فيها الي مايتسوى كيف وهي مدمنه ومو أي ادماان مخدرااااات مخدرااات .....
مسكت راسها بين يدينها وهي تلف حول الماسه الي بوسط الصاله الصغيره : مسستحيل انا ماأسوي كدا انا ماتربيت كدا .. مخدراات أنا أتعـآطي مخدراات كيف من متىىىىىىىىىى ؟؟ ((طالعت في سماهر الي واقفه سانده نفسها على الباب وتبتسم بخبث )) انتي السبب انتي .. ابليـ..ـيس مو آدميه حسبي الله عليكي ..((قربت منها وسحبت شعرها )) قوليلي كيف سار كدا من متى انا على هالحال كيف طاوعتكم ومشيت ورى حقاارتكم ..
سماهر : اااه يامجنونه وخري سيبيني ياكلبه ..
مها تركتها بقوه : طلعيني من هنا برجع لأهلي ..
سماهر فتحت الباب وهي مبتسمه بخبث : اهووه الشارع قدامك اتفضلي روحي محل ماتحبي هههههههه اموت واشوف شكل اخوكي بعد ماترجعي وبالذات لمن يعرف انك انسانه منتهيه المخدرات تمشي في دمك ههههههه
مها طاحت عالارض منهاره .. كيف وصلت لهنا لهذي المرحله بدأت بمعسل وبعدها دخان وشيشيه لين ماوصلوها للحشيش ودحين للمخدراات حبوب حبووووب وبوودره ............... ايش بقى اكثر من كدا هذي نهايتها رسمتها بيدها بتهورها وثقتها العمياء ..
..................
يصرخ بأعلى صوته : اااااااااااااااااااه يامجنونه ...... يطالع في ايده الي تصب دم .. وقف ودفع الكرسي على ورى لين طاح ..
ماسك ايده بقوه من الألم ومغمض عيونه
جود حطت ايدها على فمها ومن الارتباك وقفت واخدت شنطتها ارتبشت ماعرفت ايش تسوي اكيد راح يقتلها ديحن .. طاح الصحن عالأرض .. زاد فجعتها تركت كل شي وراها وطلعت تجري من المطعم ..
رابح لحق وراها ..
جوود تجري بسرعه خرجت من المطعم دورت على السواق بعيونها مالقته مافيه وقت هذا هو وراها صوت خطواته السريعه تلحقها راح يذبحها .. صارت تجري في الشارع مو عارفه فين تروح .. دخلت لواحد من المحلات بدون ماينتبهلها وهي تتنفس بسرعه وتناهج من الركض .. دخلت واتخبت بين علاقات الملابس كأنها طفله صغيره تلعب مع اخوها غميمه او أي لعبه طفوليه .. حاطه ايدها على فمها وتبكي بصمت عشان لحد يحس فيها ..
بس علىىى ميييين هذا رابح ....... اتجنن مين هذي الصغيره الحقيره الي تسوي فيه كذا .. ماسك يده الي تصب دم ويدخل محل ورى الثاني ..
دخل لواحد من المحلات وطلع جواله .. دق على جوالها ماسمع صووت .. راح للي بعدهـ ......................
دق مره ثانيه .. وجود من الخوف ماعرفت ترد ولا تسوي شي طاحت الشنطه من يدها وهي مغطيه وجههـآ بإيدينها .....مثل الي تشوفه بالأفلام .. ايش الحظ الي هيا فيه مين بيقدر يساعدها دحين مين بيطلعها من الي هيا فيه ..
رابح ابتسم بخبث مع ايده الي تنزف .. لمحهـآ متخبيه عند العلاقات وشنطتها منكووته ع الارض : هههههههههههههههههههه
جود شهقت وهي تشوفه يقرب منها .. قال بهمس : اطلعي من هنا بدون شوشره الناس تطالعنا ماراح أأذيك ..
جود بصراخ : كذاااب
رابح مسكها من ذراعها وسحبها لعنده .. تلفت يمينه ويساره محد حوله : امشي معي بالطيب احسن لك ..
جود ايدها آلمتها بس ماتقدر تسوي شي مشت معاه .. بعد ماأخد اغراضها من الارض وعطاها اياها ..
جود تبكي بصمت : رابح تكفى لا تآذيني حرام عليك انا مـ .............
رابح ضغط على ذراعها الصغير زياده : انطمممي
طلعو لبرى المحل وهو يسحبها وراه ..
جود تحاول تسحب ايدها منه : اترركني اتررركني برووووح ..
رابح : هههههههه
جود ترفسه برجوله : ياحقير يانذذذل اتررركني والله لا أصرخ وألم عليك خلق الله ,..
رابح يطالع حووله بالحاره الضيقه الي دخلووها : ههههههههه اصرخي تهقين احد بيسمعك هنا
جود دوبها تنتبه للمكان الي هما فيه حاره مظلمه وصغيره شارع ضيق دخلو فيه : اتررركني ابعد ابي ارررجع لبيتي
رابح : هههه طيب ياعمري انا بوصلك
جود تفلت بوجهه : ياكلب وخر عني ياحقير خلني امشي ..
رابح قربها من عنده بقسوه : كلي تبن وانطمي
جود قلبها ماعاد يتحمل حست انها راح تموت من الرعب ........ ايش راح يسوي فيها .............................
.......................
اندق الباب .... فتحتله الشغاله بابتسامه .. ودخلته للمجلس ..
طلعت لفوق عشان تنادي أم فايز تقابل هالضيف الغريب ..
ام فايز : ماقلك مين هوا ايش يبغه ؟
الشغاله : لاء مداام هوا سوي كلام نادي فراس او مدام
ام فايز تقوم من كرسي التسريحه بأناقتها المعتاده .. حركت يدها بعدم اهتمام : اوكي روحي خلاص
طلعت الشغاله وقفلت الباب وراها ..
امـآ ام فايز اخدت شال موف خفيف يناسب لبسها وحطته بإهمـآل على شعرها البني القصير والكثيف ..
نزلت لتحت بخطوات مرتبه ومنتظمه ..
وعبد العزيز مع كل خطوه بكعبها العالي تزيد دقات قلبه ..
ام فايز دخلت للمجلس واتفاجأت فيه اول مره تشوفه ابتسمت بهدووء : السلام عليكم ..
عبد العزيز وقف : وعليكم السلام اهلين خالتي
ام فايز قبل لا تجلس : اذا حضرتك جاي بخصوص فراس فهوا مسافر ..
عبد العزيز بارتباك حك رقبته من ورى : مو مشكله اتفضلي خالتي بكلمك في موضوع واذا رجع فراس بكلمه ..
ام فايز جلست باستغراب : ماعرفتنا بحضرتك ؟
عبد العزيز : انا عبد العزيز الشامخ ..
ام فايز حطت رجل على رجل : والنعـم ياولدي .. بس ماقلتلي انتا جاي على أي اساس يعني بيننـآ معرفه قديمه او..........
قاطعها عبد العزيز بأدب : لا لا ماتعرفيني ياخاله
ام فايز باستغراب : اتفضـل ايش الموضوع الي بتكلمني فيه ..
عبد العزيز يدخل اصابع يده في بعض ويرجع يطلعها مرتبك مو عارف كيف يبدأ : بصراحه ياخالتي وبدون مقدمات انا جايكم خاطب ..
ام فايز ابتسمت بكبرياء : نتشرف .. بس ماقلتلي فين اهلك ؟ ايش تشتغل كيف مستواك المادي واشياء كثير ..
عبد العزيز ارتبك : طيب لا تستعجلي ياخالتي بقولك كل شي ..
ام فايز : اتفضل .,
عبد العزيز : انا عمري 22 سنه متخرج ادارة اعمال واشتغل في شركة معروفه براتب حلو يكفيني .. ومستعد لكل التجهيزات سواء مهر او ملكه وزواج وان شاء الله بنتكم عالعين والراس ..
ام فايز : طيب واهلك يعني من التقدير يكون ابوك معاك او احد عمانك ..
عبد العزيز زادت حرارة جسمه : بصراحه ياخالتي انا متـ..ـزوج ... والشرع حلل اربعه وبنتكم بحطها على عيني وراسي ومو مقصر معاها ولا بفرق بينها وبين زوجتي و..........
قاطعته ام فايز بعد ماوقفت : ايش تقول انتا تبغاني ازووج وحده من بناتي لرجال متزوج ..
عبد العزيز : ياخالتي مافيها شي فاتنه بتكون على عيني وراسي (( سكت انتبه انه قال اسمها .. جابلها مصيبه اكيد امها بتشك في شي ))
ام فايز : وفاتنه كمان ..؟ لاء للأسف ياولدي لا تحاول الزواج قسمه ونصيب وفاتنه مو من نصيبك ..
عبد العزيز : بس ياخالتي انا شاريها وبحطها بعيوني
ام فايز بجديه : لو سمحت انتهى النقاش
عبد العزيز سكت مو عارف ايش يقول ياما قالتله فاتنه انه امها مستحيل توافق بس هو مافقد الأمل ..
ام فايز رجعت جلست هدأت نفسها شويه : يمكن في حاله وحده
عبد العزيز حس بروحه رجعتله ثاني باقي فيه امل : هلا خالتي آمري الي يرضيكي بسويه ..
ام فايز ابتسمت بخبث : تطلق زوجتك
عبد العزيز بصدمه : هاااا ؟؟
ام فايز : تطلقها وتجيب معاك اهلك يخطبوها رسمي اهلا وسهلا غير كدا انا اسسفه
عبد العزيز متلخبط تطلب منه المستحيل اهله مستحيل يرضو بلي قاعده تقوله : طيب اسمعيني ياخالتي نتفاهم ..
ام فايز وقفت واتوجهت لباب المجلس : انسىى ماعندي كلام غير كدا ..
طلعت وتركته عايش بين وهم وحقيقه بين كوابيسه والاحلام الي كان بيحققها بس سرعاان مانهدمت ...
حس بقهر فضيع يعني مستحيل فاتنه تكون له .. حب حياته بيضيع منه وهو ساكت ...............؟؟
لازم يكلم اخوها يمكن يقدر يقنع امه .. كلام رجال يطلع بفايده اما نقاش مع امـرأه عقيـــمم ..<< هوا الي قال مو انا مالي دخل ههههه
طلع من البيت يجر وراه احلامه المستحيله وبقايا الأمل الي فيه من انه يحتضن فاتنه بين يدينه وتصير ملكه للأبـــــد ..
.....................
وفي مكـآن ثاني ومجتمـع مختـلف بالمـره ..
في بريطـآنيـآآآ .. في لندن بالتحديـد ..
في الشقـه الكبيـره المتوسطة الفخـآمه .. جالس ع الكنبه وقدامه اللابتوب وماسك الريموت بيده يطالع التلفزيون .. كل شي ممل بالغربه .. ماتحس بلذة أي شي تسويه وانتا وحيد بعيد عن اهلك واصحابك ..
حس بالضيقه والطفش رمى الريموت واخد جواله من عالطاوله .. فكر يدق على حلا اشتاقلها لصوتها وضحكتها لرقتها وحنانها .. اشتاق لأخته صارله شهرين يكلمها ببرود وجفاء وهي مو هاينه عليه .. ابتسم بحزن وهوا يفتكر الي سمعه باذنه >> ليه ماأعطيها فرصه يمكن فهمت غلط او حتى سمعتها غلط انا حتى ماعطيتها ثانيه تدافع فيها عن نفسها على طول اتهمتها .. وهي العاقله الي تخاف على نفسها اكثر مننا ....... يارب ماتكون زعلانه مني وترضى تحاكيني ماتدري وش غلاتها عندي هالبنت << ..
دق عليها وابتسامته على وجهه وينتظر يسمع صوتها الحنون بلهفه ..
...................