السؤال الأول :
ماهي نظرتك للنت ؟ وهل فعلا ألنت سرق أبنائكِ من الجلوس معكِ ؟
الانترنت مهوب زين
ولابارك الله فيه ولا من دخله المملكه بعد
هو مثل التلفون والجوال كل هذي الثلاثه غزو من اليهود اهو فيه الصالح وفيه الطالح
...... والله اني اتقهوى احيانا لحيلي اذا ماناديتكم وعزمتكم ما تجون << يمه لا تبالغين هههههـ
السؤال الثاني :يا ترى ما هي الأمنية التي تتمنينها للكايده ؟
اتمنى لك التوفيق و(احم احم كلام مشفر) والستر والوظيفه اللي على مستوى
ويبارك فيك ويطرحك في مطرح مبارك هذي امنية كل ام لبنتها واتمنى لك كل خير بابنيتي
السؤال الثالث :هل ألهنوف مرتبة أم فوضوية ؟ وما هو السبب ؟
يووووووووووووه بنتي مرتبه احيانا بس اكثر شي فوضويه وماتعرف تسنع بعض الاشياء ووو(احم احم كلام مشفر لو اقولها انفضح ههههههههـ)
بس شياكة في الطلعات والمناسبات وفي البيت فوضويه والا عالنت او تقرا كتاب صحيح
و السبب اني من كثر ما اغليها على اخوانها هي عندي غير << عاد انا هنا حضنتها
و بستها ع راسها قلت ربي يحفظك لي من الحين و رايح اقاطع النت لعيونك
السؤال الرابع :هل تدليع الفتاة أو الرجل يدمر؟ وكيف تجمع بين حبك وحنانك له وبين تدليعه الذي ربما يخربه؟:
ايه دمار و خراب
عاد وش اسوي لازم ادلع والام ماتقصر في بنتها من النصايح والاهتمام
ياليت البنات مثل امهاتهن اول الله يصلح ويهدي الجميع
الحنان و الحب يعطي الثقه ما يخرب بالعكس << وجهة نظرها معقوله
السؤال الخامس :لو طلب منكِ أن تغيري شيء في هذا العالم , ما هو أول شيء تفكرين تغيرينه ؟ ولماذا؟:
اغير نفوس الناس اللي صايره كلها حقد و غيره
حتى جيرانهم صايرين ما يعرفونهم اعوذوا بالله
السؤال السادس :ياتري ماهو المستقبل الذي كنتي تتمنينه من الصغر لا ألهنوف وهل هذا ماوجدتيهآ عليه اليوم ؟
ان الله يوفقها في دراستها و تتوفق في حياتها و كل بنات المسلمين
و هي للحين تواصل و مجتهد زي ما انا و صيتها
السؤال السابع :موقف حصل لاألهنوف منذ الصغر ومافارق مخيلتك الي يومنا هذا؟؟
يوم رحنا لمكه و هي عمرها 7 سنوات
يوم اقبلنا على الكعبه قلت ادعي ربك و اللي تبينه يصير
على طول رفعة يدينها وقالت يارب جب لي سيكل << كنت يوم انا صغيره داشره حبتين << ايه هين هههههههه
<< ههههههههههههه و ربي متت على هالامنيه ضحك على بالي زي بابا نويل هع هع هع
السؤال الثامن:نصيحة تنصحيننا بها أثابك الله؟
ان الله يوفقكم و تختمون القران في هالشهر الفضيل
و يرزقكم بر اهاليكم و تنولون اللي في بالكم
اختار بعدي ام غلااااااي مشكلتي دلوعه ..
العرض العادي
