**)جملة علــى السـطر وأبيآآآتـ من الشع ــــر (**

[عليك آسف]

لك ياطيّب تحية وسلام بمـــلأ فــــــــــيه .,.,., ياشاعر الدرر بيـاسمـيـنـه وفلـه

من جالنا بالطيب لـــــــذا الطيب نعطيه .,.,., ونقدر ه ونـغـــليه والروح يشلـه

ومن يزرع الطيب أكيد بيــجيـــــــــــــــنه .,.,., وبثماها علم الجاحــــد وقـلــــه

لان الوفاء من جنسه واجبً توفــــــــيه .,.,., والقسـوة للئيم أتــــركه وخـلــه


العبارة ( الصداقة بحر جاف ... وأمواجه لا تهدأ ) ....... تحية طيبة ...

[تركي 2000]

الصداقة. والعلاقة. والمحبة ،،، بحرها. مع برها. هايج وصحرا
والبنادم. يوم نادم. من مطبه ،،، والخطا. ماينعطا. والناس قشرا
ياصديقي. يارفيقي. لو تنبه ،،، ماكتبلك. بيحصلك. خير شرا

العبارة ( الحمولة للجمال )

[العـ راعي ـليا]

ياتركي معروف الحموله للجمال الصايجه=اللي حداها لا برك ‘ للحمل قادر له يشيل
ما تشيلها يا صاحبي حشو الزّمول الهايجه=والسيل مع مجراه ياتركي اتعرف انه يسيل

الجملــــه ( وش على العقبان من دبي الجراده )

[تركي 2000]

ترا العقاب الحر ماهمه جراد الفايجه= لان الجراده قلبها من حجمها قلبَ ذليل
والا العقاب الكون كله في زمانه دايجه=واليا لقى الصيده تعشاها ولابه مستحيل

العبارة ..من تقدم ماتندم..

[العـ راعي ـليا]

رجِل(ن) على قطع الفيافي والمصاعب ‘ سايجه=تقدّم ‘ ومال الندم مدخل عليها يالعميل
اللي تندّم يالخوي ‘ رجِل(ن) تدور اللايجه=اليا اثقلتها احمولها ‘ تلهث ولابه من مقيل

الجمله ( ابعد مراويح القطا )

[تركي 2000]

ترا الرجل ملزوم يقضي فالزمن حوايجة=لو حاجته عنه ابعدت لابد مايعلن رحيل
ولو ينجبر يرحل مراويح القطاة البايجة=يبوج وقته ويتحزم بالسواري والصقيل

العبارة (وافق شن طبقة)

[العـ راعي ـليا]

بعض الرجال بفعلها تسرح وتمرح رايجه=والبعض الآخر ليت ياتركي تغطى بالخميل
لو ما توافق شن مع طبقه ظهر له عايجه=في عود ماون كل فجر(ن) فوق راسه له صليل

العبارة ( طباطيب صيف )

[العـ راعي ـليا]

طبطاب صيفٍ من درى ياويش هي نتايجه= غير الخِيال اللي نخِيله هو يجي منّه حصيل
توقعون الهرش ظهره يشتكي حدايجه=وإلاّ الحليله قلبها ما خاف من فرقى خليل

العبارة ( الدنيا مبطي ميّاله )

[تركي 2000]

ياراعي العليا ترا الدنيا تحتنا مايجة=هذي عبارة قلتها وانا بقدم لك دليل
الناس تشكي في الزمن كلن حسب نهايجة=وكلن بصم ببهامه ان الوقت والدنيا تميل

عبارة ( من طول الغيبات جاب الغنايم)

[العـ راعي ـليا]

يا تركي قل الهرج يغني قيل عن سمايجه= ما كل من طوّل غيابه جاب نبعٍ سلسبيل
ترى الغنايم في رضى من نرتجي فرايجه= في ساعةٍ يصبح بها طفل المهد شيخٍ جليل

العباره ( لا شفت سهيل لا تأمن السيل )