بين الشواطي والبحر شوق عجزنا نفهمه
بين السحابه والسما دمعه تبعثر همها
بين الدروب الموحشة صرخه صداها تكتمه
بين الليالي والسهر حسره جرعنا سمها
من يرسم الخطوة رجا بين الجهات المظلمه؟
من يروي النبته "غلا" مهما زمنها ذمها؟
من ياترى يصبر على جور الحياة المعتمه؟
لهفه تموووت وتندثر فرحة زمن ما تمها ..
ضيقة معاني تمتطي ذاك الشعور وتلجمه
ياذا <البعيييد> تفداك روحي "ضمها" ..
جيتك مع الموجه عسى أسرق من عيونك سمه
نظره يتيمه عابره كل الحناااان يعمها ..
جيتك وله .. جيتك وفا عمري وجودك يقسمه
إنت الرموز الباقية واللي مضى ماهمها..
خذ مابقى من حلمي الشارد بعيد وترجمه
غربة غلا وقلوبنا لون العطا في دمها ..
جيتك خواطر هايمه جيتك قصايد مبهمه
ياهاجسي مد النظر صوب النجوم (وسمها)
ياما تحريت القمر ياخذ من الليل اسهمه
عشق الزوايا والبحر بعثر حروفي ولمها
إما وصل والا جفا شي عسى مانعدمه
صمت وعنا،، عزلة مشاعر غارقة في يمها