اعتبرني اي واحد
مر صدفه في طريقك
واعتبرني لا تقابلنا غريب
كنت انا في يوم
يا ظالم حبيبك
يا عديم القلب ضيعت الحبيب
كل ذا منك وهذا الي بغيت
واعتبر حب مضا وهم وخيال
واعتبر ما فات كله حلم ليل
لا تقول الذكرا ما هانت عليك
لا تقول افراقنا يصعب عليك
كل ذا منك وهذا الي بغيت
يا عديم القلب ضيعت الحبيب
اعتبرني اي واحد
مر صدفه في طريقك
واعتبرني لا تقابلنا غريب
كنت انا في يوم
يا ظالم حبيبك
يا عديم القلب ضيعت الحبيب
ابتعد يكفيني منك الي حصل
ما بقا في دربنا شمعه امل
حبنا الي مات لا تبكي عليه
حاول النسيان لو تقدر عليه
ابتعد عني انا منك انتهيت
ان كان حبي لك هو اعظم خطاياي
ما اقول يا نفسي عن الحب توبي
اجمل خطاياي واخر احدود دنياي
واصدق معاذيري واطهر ذنوبي
نزعات روحي لك تباري نواياي
والقلب يملك والمشاعر صعوبي
حب لك الله ماكل في حناياي
ابيه لو ضعفي باكبر عيوبي
كل الهوى والحب باقي بقاياي
خذت وله واتلاه واقول ذوبي
ومن له مثل حبي يسوي سواياي
ياصل مواصيلي ويسلك دروبي
من عرفت العلم و انتي يالليالي سرمديه
و الوصول أغلى طموحات الفتى بأول شبابه
و المهابه ماتهادت غير لنفوسٍ رديه
ليت في قلب الليالي للفتى قدر و مهابه
دنيةٍ تجمع صفاتين الخجل و العنجهيه
كنها بنت يزود بحسنها ثقل و ذرابه
يوم جتني تمتحني في زمان الجاهليه
جيتها رجلٍ تحلى في تقاليد الصحابه
بالعطا تبخل علي و بالعذاب تموت فيه
عشتها قلب رحوم يكره الضيم و يهابه
بس ابدري وش نهاية وصلها و أخر هديه
و هو صحيح ان القصايد للجريح أول عذابه
و من عرف لك يالليالي و انتي اكثر من هويه
و من تحلف في ترابك مقتنع باللي جرى به
من قدر يفرض طموحه في زمان المعمعيه
مَن مِن الناس يتجرا يتركك و انتي ترابه
السؤال يعيد نفسه و الاٍ جابه مبدئيه
السؤال يعيد نفسه والإجابه مبدئيه
الرحوم يخون ناسة والخوي ينسى خويه
والقلوب اللي تخالف ودها صارت تشابه
و الخلايق ما تسوي طيبها جود و حميه
كلنا نضحك بوجهِ مبتسم للغدر نابه
لو يصير الموت راعي .. كلبونا له رعيه
لو زعل نزعل و نرضى لا رضى حضرة جنابه
و الله اني ما نويت اكشف ملفات القضيه
لكن اني شفت شيٍ يفقد العاقل صوابه
يا الحياه انتي غديتي بالغرابيل اجوديه
كنك اللي مايميز بالخطا غير ارتكابه
ما عطيتي غير جرح و لعنبوها من عطيه
و الله انك ما عطيتي خير للقلب و صوابه
خاينه .. ما انتي عزيزة خافقي يا الاجنبيه
جنبي عني و أجنب من مداهيل الغرابه
و أخذ بدربٍ يدرك للقى روحه و جيه
يا يموت الدرب و لا بدفن القلب بضبابه
و ان ذبحتني تمني رجعتي و ابكي عليه
لين تملين المحاجر بالبكا حزن و كآبه
و ادفنيني بين ظلك و الخيوط العسجديه
لو لقيتي بعد موتي واحد بنفس الصلابه
شاعرٍ قدم قصيده لاغلب أيامك ضحيه
بين ناسٍ مايطيقون القرايه و الكتابه
يا زماني لو بقى للشعر في صدري بقيه
بكتبه و ارسم خيالي بالورق و أروي سرابه
و كان ردت للعناد و عودت للمقدريه
و الله أني ما اتنازل لين اعديه السحابه
يا زمانٍ مبتلي به و ابتلى فيني بليه
لا تلوم اللي يخونك كان له عقل و لبابه
بقفل القلب المشقى عن هبايبك العتيه
و دق بابه من بعدها لو قدرت تدق بابه
الحياه اللي تسمي لعبة الشاطر خطيه
ما تساوت في عيوني مع جناحين الذبابه
أذكر أني كنت عايش بالليال الاوليه
و أذكر أني كنت عايش وقتها باحضان غابه
ما عرفت إلا عبارة مثلها مثل الوصيه
عيش عمرك ذيب تسلم من مخاليب الذيابه
على ذاك الطريق اللي يسمونه غرام أحباب
وطت رجلي على دربه و لا أدري وش نوى فيني
تبعته لآخر دروبه ألين أن القمر قد غاب
تعب قلبي و لا تعبت مسافاتٍ توديني
لقيت الليلة الجردا هدب ظل و سما و اعشاب
بعد ذاك الظلام اللي يتوهني عناويني
صدفتك معجبه فيني و ياليت الغرام اعجاب
و تراك انتي الهنوف اللي هقيتك تستحقيني
عطيتك عشق من قلبي وسلمت لغلاك رقاب
و غيرك يحترق قلبه و لا يقدر يحاكيني
أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني
رماني حظي العاثر عليك وجيت لك طلاب
و لا أنتي اللي عشقتيني و لا انتي اللي عتقتيني
تعالي و اعتقي ذاك الخفوق المولع المرتاب
مهب لاجلي عشان الله يجازيك و يجازيني
تعدي في سما عشقي و لو عشقي خراب أصحاب
و صوني بالهوى نفسك قبل لا انتي تصونيني
و شيليني على متنك خفوقٍ باريٍ منصاب
و من فوق الغرام العذب شيليني و حطيني
و لا منك هقيتيني شجاع و ما يطيق يهاب
أنا لك بالهوى و الله مثل ما انتي هقيتيني
أنا ما أمشي ورا غيرك و لو أنه يطق الباب
و ترى عيبٍ عليّ أطعن و لو كثرت سكاكيني
زهودٍ ما يطيق الدم لا داين و لا طلاب
شجاع و عارفٍ نفسي و أظن أنك تعرفيني
غيورٍ ما عرفت أضحك مع الغدر ببّرود أعصاب
أبيع عيوني الثنتين قبل أنك تخونيني
إذا شد الغرام اترك خفوقي بين ناب و ناب
لفرقى تكسر ضلوعي و لا عشقٍ يوطّيني
أنا رجلٍ و لي غيره و إذا شفت الهوى كذاب
تثور بقلبي الفزعه و لا تهدى شياطيني
سؤالك لو يزعزع بي كياني ما قبلت عتاب
اجي لك و أسالك نفس السؤال اللي سألتيني
عن العشق القديم أبواب تقفيها كثير أبواب
بعد ذاك الحبيب اللي خدعني و انخدع فيني
أبي عشق تحسب له كل نظرات العيون حساب
و ابي قلبٍ علي قلبي و ابى دينٍ على ديني
و ابي نظرة عطا توفي و لا تخلف بدون أسباب
و ابي منك قبل لا نتي تصديني توديني
و ابي دربٍ على العذال صعبٍ و متعبٍ و غلاب
و ابي نفس الطريق الصعب يبعدهم و يدنيني
ترى لو للقلوب عيون و لدموع العيون أهداب
حشى ما تنزل الدمعه لغيرك لو تركتيني
أنا أول من عرف قدرك و أنا توي صغير و شاب
و ابي منك ما دام أنك عرفتيني تحبيني
ما دام أني لقيتك في طريق أسمه غرام أحباب
دخيل الله و بعد الله دخيلك لا تخليني
ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني
العرض العادي
