قالت : وش احلى مايقول المحبين ؟؟؟
...................ساعة لقاهم بعد غيبه طويله
قلت : اصبري,قالت :انا اقولك زين ؟
....................قلت : اتمنى ماتكوني بخيله
قالت :عسى موتي على يدينك الحين
....................ان كان قيلت بين خل وخليله
قلت:احبكيها صح ياقرة العين .
....................قلبي يبيها صدق تشفي غليله
قامت تفكر!!! قلت :يالله وبعدين ؟
....................كن اصبعك طول بلف الجديله
قالت: كليب!!!وقلت:خير اشتقولين!!!
...................قالت:رجع !!وشو شعور الجليله
قلت:اليمامه ماهي اقوى تحسين؟؟؟
...................من يوم غاب جبير صارت هبيله
وشبك سكتي؟؟ليه قمتي تلفين؟؟؟
...................قالت:اخاف ان قلت تطلع ثقيله
اخاف اقول وكلمتي تجرح الدين !!!
...................واشيل ذنباًماقدر اني اشيله
استغفر الله وين وصلتني وين؟؟؟
...................وانت تعرفني والاصيله اصيله
ضمت يديني قلت:توك تحنين ؟؟؟؟
...................قالت:يدينك بس هذي قليله
يوم احضنتني ,دمعت قلت: تبكين؟؟؟
..................قالت:اظن الدمع اصدق وسيله
ردت وقالت:وش عذاب المحبين ؟؟؟؟
..................قلت: الغياب !!وفي عيونك دليله .