السلام عليكم ورحمة الله وبركاته هذه إحدى قصائدي أرجو ان تنال على إعجابكم شدو بخلي وحرموني من أوطاني= يم الديار اللي بعيده مغابيري وأمسى حزينٍ في دياره ووحداني= ماله ونيس إلا النجوم المناييري شدو الركايب يا هلي يم خلاني= نلفي ديار الزين صبحٍ مباكيري جينا لابوها جاهةٍ ترفع الشاني= قال البنيه امحيرة يالمناعيري فاضت دموع العين والقلب مرضاني= عقب السعادة صار قلبي محاسيري يالله عسى صبرٍ ولا ظن يقواني= جرحي عميقٍ والليالي مغاديري من صغرنا نحلم ببيتٍ وبستاني= واليوم مات الحلم وأصبح مداثيري أمس القريب أمشي مع كاحل أعياني= واليوم قدامي ويمشي معه غيري أمس القريب ألحانه أداعب الحاني= واليوم غيري في يده غاديٍ طيري اللي يبينا القلب عي ويعصاني= واللي نبيه اليوم صعبٍ معاسيري والزمن قاسي على البعد يحداني= وفي ليال البعد طالت مشاويري والزمان اللي ضحك ثم بكاني = خلى دموع العين درٍ مناثيري ليت الزمان اللي تولى رجع ثاني= وليت الزمن وقف ما ولى مدابيري ياويل حالي كان ما تصفي أزماني= ولا وقف حظي يعاند مقاديري بشكي زماني يا هلي ليش عناني= وأشكي معاه الحظ دايم معاثيري حانت وفاتي يا هلي هاتوا اكفاني= ثم اكتبوا ع القبر عاشق عناديري
يالله عسى صبرٍ ولا ظـن يقوانـي جرحي عميقٍ والليالـي مغاديـري من صغرنا نحلـم ببيـتٍ وبستانـي واليوم مات الحلم وأصبح مداثيـري أمس القريب أمشي مع كاحل أعياني واليوم قدامي ويمشي معـه غيـري كلمات ملئة بأعماق الحب العفيف .. كلمات نابعة من قلب يعشق حد الجنون .. أخي الغالي (( حياتي نجد )) ... ابحرت بين كلماتك وحروفك .. مما جعلني اٌقرأها أكثر وأكثر .. انا بإنتظار جديدك من روائعك الشعرية والنثرية .. تحياتي لك ،،
صح لسانك اخي الفاضل
الف شكر على النقل الرائع
الله الله .. حيـآته نـجد ..,.,’.. حـي هالإبدآع وحـي هالتميـز اللي بقصيـدك .. صـح لـسآنك مليـون ولآ يكفـون .. مـع هالتميـز .. نحـن بإنتظـآر إبـدآع بتوقيـعك ..,.,’..
حياتي نجد صح الله السانك لاهنت يالغالي قصيده رائعه تقبل تحياتي
اخي تبوك الورد أشكر لك هذا الثناء والاطراء وأسعدني مرورك ولا تحرمنا تواجدك الدائم معنا وتقبلوا فائق التقدير والاحترام
صح ابدنك بدويه وشكرا على المرور واسعدني تواجدك لا تحرمينا اطلالتك وتقبلوا فائق التقدير والاحترام
صح السانك قصيده رائعه سلمت يداك وتقبل مروري
][ حياتي نجد ][ كم أذهلتني احاسيسك التي تفننت برسم أصدق المشاعر وأنبلها وبإبداع قل نظيرة .. وبحرفة قل من يتقنها .. وبتميز قل من يحسنه .. كلماتٌ عذبة .. صادقة التوجة .. تحمل في طياتها المحبة .. وتحمل بين ثناياها المودة .. وشعوراً مليئاً بالمشاعر الجياشة .. وخفقـــات تنبض بوجدان .. ومعاني ترسم الحرف بأحلى صورِه .. ليعطينا هذه الروعه .. سطورك حقاً جميلة .. ولكن الأجمل منها .. هو فن تعبيرك لها .. ودمت دائماً لهذا الإبداع . . حلا الود