يشهـد علي الله وخلقه يشـهـدون = ما جاك ياذا البنت جاني زياده
قالوا نـووا له بنت عمه يخطبون = وهذا طبع عنـد البـدو دوم عاده
قلت أرحمـوني ياهلي بس تكفـون = مالي على فرقاه صبر وجلاده
حبه تمكن بالحشا كان تـدرون = ومعطيه أنا قلبي بضمـان وشهاده
ويسوى عيوني وكل غالي له يهون = ولو هو طلب روحي عطيته زياده
والله ما اصـدق كلامٍ تـقـولون = حتى يجـيـني صاحـبي بالإ فـاده
وجاني يجر خطاه ضايق ومغبون = وقال العذر يابنت مالي إراده
هذا قـدرنا لا تقولين وشلون = الله يـقرر مـا يـصيـر لـعـبـاده
صـديت ودموعي على الخـد يجـرون =وأحس بالـدنيا غشاها سواده
وفي يوم عرسه والحبايب يهنون = عزيت نفسي في وفاه ووداده
وجيت لعروسه أمشي الهون بالهون = وهنيتها بايام عز وسعاده
وشفته بلحظة ما توقعت بتكون = واقف و{بشت} العرس بالزين زاده
قربت منه وقلت مبروك مليون = والقلب بالنيران زاد اتـقـاده
ورد وعيونه بالنظر ما يميلون = عن نظرة عيون ذبحها بعاده
واقفى وأنا قفيت مجروح مطعون = ما احـدٍ بها الدنياحصل له مراده
العرض الشجري
