ربعي ياحبتي........وشلونكم طيبين ...الله يجعله.
بس انا مانب طيب تدرون ليش كله من الجاثوم ملعون الصلايب
البارحه كنت اقرا مجلة المختلف ومبسوط المهم جيت ابنام قمت وطفيت اللمبه وانسدحت على فراشي
وتوني بادي في الحلم(والله انه حلم حلو بس الجاثوم نساني اياه ) وشوي الا ذاك الهيكل العظمي يمشي بشويش
وطمر علي وقام يصفقني كفوف وانا مقدر اسوي شي وهات ياكفوف وبعدها قام يبقسني (وانا اقول في نفسي
ياملعون الوالدين اخبرك تخنق بس) المهم يوم خلص وجا بيمشي وعطاني ظهره بيروح وانا اقول جايني على
غفله يالحيوان. وانا قلتها الا يوم ديور وعطاني راسه وقال من الحيوان هاه ما كفاك التصفيق اللي قبل شوي
يعني علشان وجهك حلو ورموشك طوال بتشوف نفسك (عاد انا عرفت ليش جاني علشاني مزيون وهو منقهر)
المهم ويقوم الملعون ويشيلبي فوق ويضرب بي وانا انحاش وهو وراي وكل ما مسكني شالبي فوق ورجدبي
على الارض لين استويت وقام يكمخني على وجهي وقام يتل رموشي يبي يقطعها بس على مين رموشي علامة
الجوده عيت تنقطع.وليلنا كله حاشرني في زاويه وشوي الا واتعزوى واتشجع وانا اعطيه ركبه في بطنه لهو على ظهره وانا اركز كراعي ابنحاش وشوي الا هو تالني ويمسكني مسكه مخلبيه حقة سنوكالين طحت على ظهري وياخذ مجلة المختلف ويطلع قصيدة ندى ويشققها قدامي وانا اموت قهر عاد ندى شاعرتي المفظله ويقوم يعد ون .تو
ويوم جاء بيقول ثري وانا اقوم اتنافض اسوي زي هولك هوقن وانا ارفع يدي فوق واعطيه بقس واعطيه الثاني واقول بالثالث الا يوم داخ وانا
اجيك ابسوي حركت اندر تيكر وازلق ويطيح علي وغشي علي
وصحيت الا انا معلق برجلين في السقف ويقعد يخنق ليله كله لين
تعب وقعد يقرأ مجلة المختلف وانا معلق في برجليني وشوي يعود علي
وخنقني طلع اذا خلص قصيده عود يكمخني بس صراحه ارتحت يوم انه
قرأ قصيدة ضيدان بن قضعان طويله واخذ فيها وقت>>> افتكيت من التكميخ مهب المريخي اللي اربع ابيات وعقبها راح .قلتله بتخليني
معلق كذا يالطيب>>> مسوي اخلاق بعد الطق
قال خلك علشان تتأدب واذا جيتك مره ثانيه ما تقول شي.واصبح الصبح
المهم يوم راح شفت وجهي في المرايه متنفخ.
قلت انا اوريك واطلع عدت الحرب العجرا ايام الددسن والنبيطه ايام الطفوله واحطها عند راسي في الليله الثانيه قلت اذا جاء ابفقع وجهه
المهم نمت وحلمت بحلم كان حلو لين جاء ملعون الصلايب وقومني
وقال يالطيب العجرا هذي لك.وافتح عيوني الا هو صافقني ابها على جبهتي>>>>> الا يوم قالت طن وانا اعود على النبيطه ومادريت الا
هو يقول تبي ذي يابو الشباب وانا اطالع فيه الا هو نابطني على جبهتي
وقالت طن مره ثانيه بس مع قطرات من الدم>>> قلت ياولد الذله زينه
وانا اعود انحاش الا هو تالني وخذ ياترجيف وانا اطنب بالصياح بس ما حولك احد لين اصبح الصبح. والحين لي يومين ما رقدت كله من ملعون
الصلايب>>>>>> من عنده حل تكفووووووون
................تكفووووووووووووون ياربعي لاتخلوني لحالي
افزعولي....
العرض الشجري
