هذا بيت الامير وانا ارد عليها بكل ما استطيع في هذا البيت
الجميل والرائعه
ضيقة كذا..!مافية ضيقة بلا اسباب
ولافية صـدرٍ ضـاق الا لحاجـة
ياكثر ضيقاتى وياكثر مـا أرتـاب
وياكثر همي ماضحكلـى حجاجـه
ومنين ماوجهتهـا لـوم وعتـاب
عليـك ياليـل الهـوى ياسراجـة
من غبت وانا حسها ضيقة غيـاب
تعبت ادور وين عنـق الزجاجـة؟
العيد ماهو عيد ياسيـد الاحبـاب
وفرحة بدونـك اعتبرهـا سذاجـة
عيدت بهمومى.وعيدى بس ثياب..!
كنى ملك خسران عرشـة وتاجـه
ابيك /روح /وقلب /وعيون /واهداب
واحساس /وانفاس الغرام وسياجة
وابيك قصه.. بس بقلبي لها كتاب.!
محفوظه حقوق الكتـاب ورواجـة
بعض الغلا ملعون خيّـر وغـلاب
وبعض الغلا بس تذكرة بالتواجـة
مثل الوجع بعضة تدور لة اطبـاب
وبعضة وش المانع تأخرعلاجة..!
تعال وافتح للوصل بيـدك البـاب
مليت من فصل الغيـاب وعجاجـة
===================
أعجبتنــي فأسمــــح لي بمجاراتهــــا .. ‘‘
علّها تنال اعجابك وأعجاب من مرّ بهـا ..
فارسك يا مهرة العاصي عنيـد
اشهد انه واحد وينطـح عـرب
كل يوم من الفرح ثوبـه جديـد
مشرقٍ نجمه ؛ سماه ولا غرب
سيّد ؛ وبالناس سادات وعبيـد
السليم ؛ يداوي اللي به جـرب!
ذخر من ينخاه باليـوم الشديـد
كل كاسٍ للمراجـل لـه شـرب
من تجرهم هامته يصبح هميـد
قبل ما يجرأ على فعلـه خـرب
ما تجمّل لأجل يـزداد الرصيـد
ولا بطش كفّه تسائل من ضرب!
ان تحقق واقـع اربـد يالبيـد
من تجيله ما تهيّـا لـه هـرب