السلام عليكم ورحمة الله وبركاته
اخواني اعضاء منتدى همس القوافي
بصراحه احب اشكر اخوي الشاعر متأمل خير على الدعوه
وهاذي اول مشاركه لي معاكم
واتمنى انها تحوز على رضاكم
[poet font="Simplified Arabic,5,indigo,normal,normal" bkcolor="transparent" bkimage="backgrounds/13.gif" border="double,10,black" type=0 line=200% align=center use=ex length=0 char="" num="0,black" filter=""]
بري حالي مثل ماتبرا علـى طـول المراسـم=مـن صغيـرن ماتعلـم للقرايـه والكتـابـه
بدويـه حبهـا سيطـر علـى قلبـي وراسـم=مثل مايرسم علـى القيعـان همـال السحابـه
هيمنت واستحوذت بالعطف في كـل المواسـم=للضميـر اللـي تولـع فيـه لابيـن عذابـه
لاتبسم كل مـن حولـه يعـاف مـن التباسـم=وان تكلم ينصتون اهل الورع واهل الخطابـه
في كلامه للجـروح المدميـه طـب وبلاسـم=غير ذا ذوقه رفيع وكـل مـن شافـه يهابـه
لو لبس سمل الثياب من الوسامه صار واسـم=أهيف القامه تقول اسبوع صايم عـن شرابـه
وان زعل سلهم بعين طرفها بالعطـف حاسـم=والغرور يليق في شخصه وفي رقـة شبابـه
أشهد انه في سويدا القلـب يامشهـور واسـم=وسم مايبـرا مـادام انـه تمـادا فـي غيابـه
اشتركت انا وقيـس ابـن الملـوح فالقواسـم=مات من حبه لليلى واصبح الموقـف مشابـه
مامعي غير الصبر مادام حكـم القـدر قاسـم=اني استعذب عذاب الترف واشقا فـي عذابـه
واستشف الهم والحرمان مـن بيـن الطلاسـم=وارمي الخطوه على الأشواك حافي وسط غابه
[/poet]
العرض العادي
