السلام عليكم ورحمة الله وبركاته
اخواني واخواتي هاذي اول مشاركه لي وابداء فيها بقصيده واتمنى ان تنال اعجابكم واستحسانكم
يازيف حبك يامغالط وديده
ماتدري ان الزيف راعيه مكشوف
كل يوم يسمع منك نغمه جديده
تخالف اللي كان بالامس معزوف
الحب مايعرف مشاعر بليده
وانت الذي تقول الاحاسيس بكلوف
لا تحسبن القلب زايد وقيده
لنه شعر فالحب تزييف مايلوف
لاتحسبنك لك محاسن فريده
ولو فيك بعض الحسن مع زيف معيوف
لاشك ماهي فرصه لي سعيده
ولاشك عرفي لك ماهو بمخلوف
مانته نديد لحب ينبض وريده
لكن نديد لشخص له عقل مخفوف
يقبل مشاعر منك لو هي زهيده
مزيفه وتزيد في عقله اخفوف
اغراك يوم اشوف حالك لهيده
واشفق عليها شفقتي لكل مضعوف
وتظن روحي في غرامك شهيده
واني متيم في غرامك وملهوف
ماكانت افكارك حكيمه وسديده
وغريب مانته من سواياك مكسوف
مايجتمع حب وهجر مع مكيده
والشاذر الحنا لغيري بلكفوف
هذا الغرام اللي مزيف ماريده
يستاهله مثلك على الوصف موصوف
وحنا المحبه كان ماهي اكيده
خساره نمشي على شانها خفوف
لكن عسى تنفعك كلمه رشيده
وتحفظ لنا عندك جميلا ومعروف
الصقر مايقبل لنفسه طريده
والضيف مايقلط على واجب ضيوف
ومن بعد ماتعبت حرف القصيده
واعطتك قدرا فوق قدرك بمضعوف
وداعة الله والسواعد مديده
للعون والا الحب خله تحت طوف
وسلامتكم
اخوكم
باعث الامل