العودة   منتديات الـــود > +:::::[ الأقسام العامة ]:::::+ > المنتدى العام
موضوع مغلق
   
 
أدوات الموضوع تقييم الموضوع انواع عرض الموضوع
قديم 17-01-2010, 10:01 PM   رقم المشاركة : 1
قرنااس
( ود نشِـط )
 





قرنااس غير متصل

للمتزوجين.. ياعزوبي ( تعال واستانس ترى فيه كلام مهوب زين )


سلام عليكم جميع .. من أوّل نمبر إلى آخر حتحوته من النمبرات

صباح / مساء البردقانه ياحلوين ..

مدري وش في هالقسم من تالي .. صايرن شعلة لاقوة إلا بالله ( مع اني اول مرة اشارك فية بس جايب العيد جايبة -اللة لايعوق)

المعرسين الي مسوين نفسهم مستانسين ومتسدحسن .. هالمعرسين ) .. آخر زمن يالدنيا صرنا يالعزوبية نقوم عليهم ونوجههم .. وش نسوي .. مايعرفون يسوون شي قلنا نعين ونعون ( وجه يحتري الملعقة تجي في جبهته ) هع هع

طيب من دون طويله وخلونا في موضوعنا اليوم واللي هو عبارة عن الزواج والمزواجين " واللي بإذن الله راح يموت فيها البطل .. إلا على طاري ( يموت البطل ) .. أذكر زمان أوّل يوم كنّا نتابع التلفزيون أبو لونين أبيض واسود متنيّل بستين نيله .. كانت الحلقات توصل الميه :عيونن تلاطم: .. بل وتكسر حاجزها بكل بجاحه وفي آخر حلقة يموّتون البطل ... طيب عطوناها من آخر واهلكوا البطل من أوّل حلقة وفكونا من هالمشوار الطويل .. ألا ياجلعه السلّ .. مابلا مضيّعين وقتنا بالتبطّح عند هالتلفزيون وآخر شي يموت منتحر عشان حبيبته ظاهرتن ذيك الليلة مع خويّه اللي يشتغل معه بالعمل !
<<علي بالك لحقت التلفزيون ابيض واسود !
الغزوبية والعزوبيات--لو سمحتو بدون كلافة
( مع الباب ) والله اني مستحي فيهم بحكم اني واحدن منهم .. بس اني ماودي أفتّح عيونهم على شي مايعرفونه .. لكن في هالموضوع فالوضع فيه مختلف والواسطة فوق كل شي والباب راح ( نقروشه ) لِكُل عزوبي وعزوبيه عشان يتفهّمون مُستقبلهم زين << أقطع ذراعي إذا ماصاروا عارفين كل شي أكثر من المتزوجين هع هع

لكن قبل أبدا بهالموضوع أحبّ أبيّن بعض الاشياء اللي قرقعت بتسبدي فأقول
ربي يسلمني من كل شر

طرحي لمواضيع الزواج هو جانب واحد من عدّة جوانب .. وزاوية فضفاضة من بين أكثر الزوايا شُعاع .. يعني أنا طرحتها من جانبها الوضّاء ذو اللون الأبيض البهيج بعيداً عن المشاكل الزوجية والتي لايخلو منها منزل .. إذاً طرحي هو دليلُ وسبيل غيره من الطُرُق لتغيير الحال من الظُلمة إلى النور ومن المشاكل إلى الأُنس والفرح !

اضغط على الصورة لفتحها بصفحة مستقلة


الكثير من الأزواج يعتقد أن الزواج هو عِبارة عن فرض سُلطة(منتهين) ، وأن الزوج المؤنس لأهله إنما هو ( رخمه وزلابه ) عند أهله .. وهذا إعتقاد خاطئ .. بل من حق زوجتك تفهّم حياتك والعيش معك بِكُل جمال ، كما أنت تراها جميله مع أصحابك ورفقتك ! <<بدء يشطح الاخ-كمل كمل

وصلتني أكثر من رساله من بعض الأزواج يذكر فيها أن ( كلامي راح يطير في الهوا ) عِند أوّل ليلة زوجية لي .. وأن ( نظرتي راح تتغير مع مرور الأيام ) .. وأقول بالفمْ المليان والبطن المنتفخ ( من يرسم خُطة حياته بوردة حمراء سيعيش أبد الدهر في غبطة وسرور ) .. ومن ( يسُنّ قلمه بشوكةٍ فليتجرّع ألمها جيّداً ) <<الحين بدء يحتمي -سدد

أكرر عبارتي المُعتاده ( أنا عزوبي منتف ولا فخــر ) .. بس أحب أتميلح عند المتزوجين واحاول أني أعطيهم مما جمعته في الأيام الماضيه من أمور اجتهاديه أراها مُناسبه لِكِلا الزوجين . <<علي بالة خخخخ


مثل العاده .. ومثل كُل بداية .. راح " أشلوط " أخوي الزوج في هذا المويضيع الخاثر واتمنى أنه يسمع بعض التنبيهات عشان يعقل ويركد ويحاول يفتّح عيونه على مستقبله وأُسرته <<يبي يلعن جدف جدف جادوفة

أخوي الزوج .. الكَرَم ( صِفةُ المدح الكُبرى ) .. ومن خلال كرمك يتبيّن مقياس حُبك لزوجتك .. " كبكب " عليها بالهدايا بين فتره وأخرى من دون كَلَفة أو بــذخ .. فالمقدار بالعطيّه لابقيمتها .. والبخل مامنه بركه .. خل عنك جمع الدراهم وبع لك خمسة أسهم من ( أسهم شركة صافولا )واذ عندك غنمات بيعلك رخلة .. ووسّع صدرك ترى الدنيا فانيه .. ولعلمك .. ترى الحرمه ماتحب الرجل البخيل وتتعاقد الفُرص مع نفسها ( عشان تقوم بسحب محفظة جيبك ) في أقرب ساعة تنوم فيها . <<ياويلة من الحريم

أخوي الزوج الحبيب اللبيب اللي راسه كنّه زبيب .. تدخلك في شؤون البيت كثيراً لايمنح زوجتك الثقه في نفسها .. لأنها تعتقد أنها مَلِكه متوجه داخل بيتها .. فلا تحرمها ذلك الحُلُم الجميل(ولا تكثر ملايطة عليهااا)


اضغط على الصورة لفتحها بصفحة مستقلة

تغزّل في زوجتك بين فتره وفتره .. وخل عنك التكشيرات في وجهها .. ترى الحرمه تموت ثم تذوب لين ( تغدي ) صينية ( باشَمِلّ ) بين يديك إذا شافتك تمدحها وتُغري أنوثتها .. عطها من الكلام المعسول الحلو واحفظ لك كم كلمة إذا صرت ( دثوي ) وماتعرف تتكلم .. سجّل عندك من " بُئ " مدمنوه .. مجّاناً من دون مُقابل [ حياتي صارت أحلى حياة بقربي منك .. تكرم عيونك .. الله لايخليني منك .. نورتي حياتي .. البيت من غيرك ظلام .. أنتي روحي وقلبي .. يا هلا بالنور.. اشتقت لك والله .. أنتي حلم حياتي .. الحياة معك تقرمش وتهبّل .. نفسي تفداك يانور عيني .. أنتي أجمل هدية ... انتي اسحن وحده وكراعينك تهبهل ] << الكلام المذكور هذا يجب استخدامه استخدامات حشمه وعاقله .. يعني بس بين الزوج وزوجته وأُخلي انا يا ( قرناسوة ) مسؤوليتي وذمتي اذا استخدمها سمير في مدح تفيده تحت الشجرة

أخوي الزوج .. في حين الخروج من المنزل ودّع زوجتك بابتسامه .. جرّبها مش حاتندم

في حين جلوسك في البيت افصخ ثوبك وارمي الفنيلة والسروال 00يعني البس تي شروت بانطلون يجامة لاتجلس بسراويلك تراك تجيب للحرمة انواع الحالاات اكشخ رز نفسك عندهااا (يعني ابو عشرة روح قضي من عندوة )<<مايبي يكلف عليك
في حين جلوسك في صالة المطبخ .. استغل وقت " روقانك " وشارك زوجتك عمل المطبخ من ( قليْ ) و ( غسيل ) << الله من واحدن بعد بيقول ( كثّر منها .. آخر عمري أغسّل الصحون معها ) .. بس صراحة .. أنت لو تعرف قدر مُساعدتك لزوجتك وخدمة أهلك عند الله عزّ وجلّ .. ما تفانيت ساعه من تفويت هالعمل موب تجلس وتقوم اتطامر هاتي جيبي تراهاا مي عبدة عند اهل اهل اهل اهل اهلك <<انفعل من ارتفاع الضغط التنفسي


أختي الزوجه الرفلا .. الدور دورك آلحين .. أسمعي مني هالكلمات الناصحه المقرمشة

لاتُقحمي عُزلة زوجك .. خاصّتن إذا كان عنده مشكلة خاصّه فيه ويحب الوحده والخلوه بنفسه لحلّها أو النظر في أطرافِها بسكينه .. وبعض الحريم - الله يهديها - من تشوف زوجها سارحن عنها بعيد .. وهي مُباشره ما تفكّر إلا أنه راح ياخذ عليها أو أنه جالس يفكر بوحدتن شافها بالشارع .. ومن تشوفه وهي تخمطه بسؤالها الدلخ ( علامك يافلان .. وش انت تفكّر فيه .. ياللي فيك وياللي مافيك ) .. وتصير الدعوه صيحه ونيحه

اذا كنتي أنتي يالزوجة أعلى شهاده دراسية من زوجك وكنتي ماخذه الشهادة الجامعيه بامتياز وزوجك كان ( خريّج ابتدائي ليلي ) فهذا مايسمح لك أنك ( تفشخرين وتلايطين ) عليه وتبدين ترفعين راسك كل شوي وفي كل صغيره وكبيره . وكل ماقلتي .. قلتي ( تراي أعلى منك شهاده يابتاع الليلي ) ... صحيح أنك أفضل منه .. لكن أنتبهي تفقدين ( حبّه واحترامه ) من هالطريق . وينزل عليكي باعقالة وايسوي فيهااا انواع المسطااات هع

تعاهدي زوجك بالهدايا ... لاتصيرين بخيله وترصيّن الدراهم في حسابك " ابو رقومن ست " وتجمعينها بس لمكاييجك وحوساتك توالي ليل الاربعاء والخميس

الثقة مبدأ .. والمبدأ هوَ علامة الرسم الصحيح للحياة الجميله ... ماأزكّي الرجاجيل << انقلع بس .. ولكني أحاول أبيّن للمرأه أنها بمبدأ ( الشك ) في زوجها وكل ماطقّت ( حصاة بعود ) قامت تهذري وتوسوس في زوجها .. فهذا يَهدِم مابُني طيلة أيامِهِم الجميله .. اعقلي يامره واتركي الشك عنك يامال الملاس على ظهرتس

في حين دخول زوجك المنزل بحاجيات البيت أشكريه واثني على ماقام به من فعل .. فقد تكبد التعب والمشقّه لكي يوفّر لُقمة العيش لبطنك ولعيالك
ثمن اسدحيلة ام الابتسامة تراااة( بيخق )وينسي ماشرءء

اضغط على الصورة لفتحها بصفحة مستقلة



ومثل ماتعودت اني احب لرومانصيه ... فللرومانصيه مكان .. وللدلع خقاق وحركات وشغلات لابد منها

أخوي الزوج الدلخ فتح براطمك عشان تسمع

إذا نزلت للسوق مع مراتك العصلا الصفرا .. فاجئها بعيّنه من " اكسسوار " واطلب رايها فيها .. واذا شفت انها جايزتن لها بالحيل .. اخمطها بالكيس وصكّها بابتسامه طول وعرض وقل لها هذي هديه منّي لك

تغانم فرصة ذهاب زوجتك لاهلها ... شف لك أقرب محل ( حلويات ) .. طقّ لك أحلى صينيه كبر راسك وحطّها على طاولة صالة المنزل .. وحط عليها بطاقة جميلة وش زينها واكتب عليها كم كلمة حُب وغرام .. وشف عاد ردّة فعل مرتك اذا جات وشافتها .. شرط ان " تخقّ خقّه ماعمرها سوّتها " .

فاجئ زوجتك في أحد الأيام بتذكرة سفر وازرقوا لوحدتن من هالديار الحيييلوه .. <<هاذي اطمروهاااا


أختي الزوجه الدويفع ..

احشي وفي رواية أخرى اترسي وفي رواية أُخرى " سندها ضعيف " ادعسي قليلاً من الورد المجفف في مخدّة صغيرة مِن صُنع يدك وطرّزي عليها من الخارج كلمات الحُب .. وخليه يهبد راسه عليها إذا بغى ينام . ثمن جنبي عنوة لاانوة راح يطير عقلوة من الشخيرررر

في يوم من الايام صرّفي " البزوره " و " الدقرش " وازرقي انتي واياه لمدينة ترفيهيه وعيشو يومكم سوا ( وجه يطالع ودي طيش وهي رايحتن مع رجلها لحديقة الحيوان عشان يشوفون الفيل )

ألعبي مع زوجك داخل البيت بعض الألعاب << أحسّ أن اللي بيقرا ذا الحتسي ودّه يقوم ويجلدني .. صحيح والله أن هالألعاب لها دورها مهوب طبيعي في تحريم الدم والعصاقيل و تحريك الماء الساكن بعد في حياتهم الزوجيه .. بس البعض مايدري عن هالشي ويتوقّع أن هالحركات حركات بزران .. مع أن الرسول - عليه الصلاة والسلام - وهو خير قدوه لنا .. لاعب زوجاته في بيته .. مالت على دحيّم يوم انه ياخذ سويّر ومابلا كل يوم تكنس السطح .. لارومانصيه ولاحركات من تحت لتحت

حاولي دايم أنك تسألين زوجك عن الشي اللي ماتعرفينه .. وحاولي أنك تمشين بالملّي بمثل مايقوله من توجيهات .. فهالشي طبعاً راح يسعده ويفرحه ويشق جبهته .. بس انتبهي لاتسألينه عن شي ماله داعي ثم تتفاجأين بأن الصحن مسنتر في خدّك الايمن .


اضغط على الصورة لفتحها بصفحة مستقلة

( تنبيه ) كلام داشر : في بعض الأحيان ساعدي زوجك على خلع ملابسه إذا رجع من عمله تعيبان ويالله يشيل روحعه .. ثم حطّي شويّة مويه على اصابع رجلينه وحرفشيها ..( وسدي خشمك ) ثم اقعدي انتي واياه تلاعبوا بالطشت وطامروا فيه شوي لين تسبّحون وتفلونها . هع


إلى هِنا . احسّ اني تعبت وانا احتسي لهالمتزوجين .. عاد عساه ينفع فيهم ويسوون اللي قلت .. مهوب يسمعون منّا ويظهرونه منّا ..

عن اذنكم ... بروح اتزوج وارجع

بحبكو قرناس
قريبن الجز الثاني







التوقيع :
اضغط على الصورة لفتحها بصفحة مستقلة


لاتفكر فيني لو مشيت

قديم 17-01-2010, 10:09 PM   رقم المشاركة : 2
أخصائي صرقعه
( وِد ذهبي )
 
الصورة الرمزية أخصائي صرقعه
 






أخصائي صرقعه غير متصل

خلاص ابسوي القرقر الكثير اللي كتبته اذا تزوجت

واذا انت رايح تتزوج خذني معاك خلني اترزق امكن القى لي بنيه واتزوجها خخخخخخخخ


عليك موضوع هههههههههههههههههههههههههههههههههههههههههههههههههه ههههههههههههههه


يفقع الراس من كثر الضحك <<< حلوه يفقع الراس خخخخخخخخخخ


تشكرات على الكلام المفيد.. والله الموضوع يقطر حكم ودرر مافي مثلها هههههههههههههههههههههههههههههه







التوقيع :
اضغط على الصورة لفتحها بصفحة مستقلة

قديم 17-01-2010, 10:15 PM   رقم المشاركة : 3
قرنااس
( ود نشِـط )
 





قرنااس غير متصل

كاتب مهستر


انا بهستر من لو حة الكتابة الي بمنتداكم

مدري كيف جاية رفعت ضعضي لين اخذت انسلين <اما الانسلين لخفض الضغط <ماقال شي


لية ماتسوون لهااا انتداب للصين عشان تنزل فيهاااا الصور بدون رابط يعني توقدم


<<عاد اتصدق اني منزل موضوع في منتداكم <<الي يشوفه يقول ماهوب بالمنتدي هع هع

واني ادور لة من اسبوع ماااحصلتوة حتي الكشاف غيرت لة حجر 4 مرااات <<سذذذذاب


يابو هسترياءءء انت فديت الي بيتزوج تجي معي واتطبق كلامي حيااااك







التوقيع :
اضغط على الصورة لفتحها بصفحة مستقلة


لاتفكر فيني لو مشيت

قديم 17-01-2010, 10:27 PM   رقم المشاركة : 4
،؛بنت السحاب؛،
Band
 
الصورة الرمزية ،؛بنت السحاب؛،


للحذف







































تمويه للعزاب :)









موضوع جميل ونصائح قيمه وخاصه ويش تفكر فيه
صعب التخلص من هذه العاده ولكن نجرب لامانع



في انتظار الجزء الثاني بدون عيد







قديم 17-01-2010, 10:38 PM   رقم المشاركة : 5
قرنااس
( ود نشِـط )
 





قرنااس غير متصل

بنت السحاااب


للحذف

بغيت افطس من هالكلمة واوووووووووووووووووووووو


الحمدللة ماراح اتعبي


ومازال الموضوع في انتضار تعليقات الود علية


تصدقين <<بنت السحاب مازلت ارجف خخخخخخخخخخ

الا ماشفتي لي موضوع مدري وين راح


اكون ممون لكي ان سدحتي لي الرابط بعد وجودة

<<هاذا اذا لقيتية شكل الغبار غطاااء علية







التوقيع :
اضغط على الصورة لفتحها بصفحة مستقلة


لاتفكر فيني لو مشيت

قديم 17-01-2010, 11:54 PM   رقم المشاركة : 6
إنتــَــــــر
( مشرف القضايا الساخنة )
 
الصورة الرمزية إنتــَــــــر


لأوَّل مَرَّة أرَى إنسَان يَجمَع صفَتَين فِي آنٍ وَاحِد ..

مُثَقَّف وخَفِيف دَم فِي نَفس اللحظَة ..

تَحِيَّاتِي لَكَ أخِي الكَرِيم وَأهلاً وَسَهلاً بك صَدِيقاً جَدِيدَاً لَنَا ،،،

/

/

المَحبِرَة اللامُنتَهيَة







قديم 18-01-2010, 12:04 AM   رقم المشاركة : 7
قرنااس
( ود نشِـط )
 





قرنااس غير متصل

خخخخخخخخخخخخخخخخخخخ

اوخسسسسسسسسسسسسسس


يالكلام والحكي الي قلتوة علي يارياااااااااال <<وجهي تشقق من انواع الالوان الي

اندمجت فية من ردك الي يفلج الصدرررر


واناا واعوذ باللة من كلمة انااا <<طيب ليش قاليهااا

معاد اقولهااااا


لي الشرف فيكم







التوقيع :
اضغط على الصورة لفتحها بصفحة مستقلة


لاتفكر فيني لو مشيت

قديم 18-01-2010, 01:05 AM   رقم المشاركة : 8
فوق الغيوم
( مشرفة التصاميم والعروض )

عم تنصح المتزوجين وانت لسى ماتزوجت ؟؟

طيب اتزوج بالاول وبعدين انصح

تنفع مصلح اجتماعي

شركة قرناس لحل المشاكل الزوجيه ههههههه

يعطيك العافيه قرناس على النصائح

وياهلا فيك وحياك

ننتظر الجزء التاني







قديم 18-01-2010, 07:21 PM   رقم المشاركة : 9
قرنااس
( ود نشِـط )
 





قرنااس غير متصل

اقتباس
المشاركة الأصلية كتبت بواسطة فوق الغيوم
عم تنصح المتزوجين وانت لسى ماتزوجت ؟؟

طيب اتزوج بالاول وبعدين انصح


خلالالالالالالالالالالاص بس دوري لي عروسة مزكشة زياااتي

تنفع مصلح اجتماعي


انفع والمعدات عندي سنطة مليانة مفكات وشواكيش ومناشيرر <<جاهز جاهز خخخخخ
شركة قرناس لحل المشاكل الزوجيه ههههههه

اللة يصلحكي اي شركة وراس المال شوية مخ يابس

يعطيك العافيه قرناس على النصائح

الللة يعافيكي يارب

وياهلا فيك وحياك


عاش المرحب

ننتظر الجزء التاني



تيب <<تبطون عضم خخخخخخخخخ






التوقيع :
اضغط على الصورة لفتحها بصفحة مستقلة


لاتفكر فيني لو مشيت

قديم 18-01-2010, 01:18 AM   رقم المشاركة : 10
قـيـس نـجـد
Band
 
الصورة الرمزية قـيـس نـجـد
 





قـيـس نـجـد غير متصل

ياهلا فيك شركة قرناس على قولت فوق الغيوم
تبي الصدق أنت شلوطت المتزوجين بس الطشت مشفر شوي
ضحكت من النصايح بس بحتفظ بموضوعك لين أتزوج
لأني أنا وياك نفس الشي عزوبيون منتفون > ردد ياليل مطولك
على طاري العزوبيه مافيه نصايح لهم شركة قرناس
بنتظار الجزء الثاني وكل الجماهير تبيه باللغة العزوبية
يعطيك العافيه أخوي وحياك معنى بمنتدى الود
دمت بحفظ الرحمن







موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:06 AM.




 


    مجمموعة ترايدنت العربية